ქალაქში ღია ვერანდაზე სადილი არაა რეკომენდებული

თბილი ამინდების დადგომისთანავე ბევრი კაფე და რესტორანი ხსნის ღია საზაფხულო ვერანდებს. თუმცა თუ ასეთი ვერანდა განთავსებულია გზის სავალ ნაწილთან ახლოს, სადილი შეიძლება პრობლემებით დასრულდეს. საკვებზე დალექილი ქალაქის მტვერი უარყოფითად მოქმედებს ორგანიზმის ჯანმრთელობაზე.

საზოგადოებრივი კვების ადგილებში დაცული უნდა იყოს ხმაურის დონის, ვიბრაციის, ჰიგიენური ნორმები. თუმცა ღია ვერანდებზე მტვრის რაოდენობა და ფონური ბგერების სიმაღლის გაკონტროლება რთულია და ხშირად დასაშვებ ნორმებზე უფრო მაღალია. მზა კერძებზე დალექილი მტვერი და მძიმე ლითონების მარილები, რომლებიც ორგანიზმში ხვდება ასეთ ადგილებში რეგულარული კვებისას, შეიძლება ჯანმრთელობაზე უარყოფითად აისახოს.

დაბინძურებული ნაწილაკები და მძიმე ლითონები ხვდება ავტომობილის გამონაბოლქვიდან. სპეციალისტები გვახსენებენ, რომ მათთან ერთად საკვებში შეიძლება აღმოჩნდეს ტყვია და კადმიუმი. როგორც ცნობილია, ტყვია მოქმედებს სისხლის წითელი უჯრედების წარმოქმნაზე, აზიანებს ნაწლავისა და სისხლძარღვების გლუვ მუსკულატურას. ტყვია ასევე მოქმედებს ტვინის მუშაობაზე (აქვეითებს კოგნიტიურ უნარებს, მეხსიერებას, ვითარდება ჰალუცინაციები).

კადმიუმი ორგანიზმში საკვებთან და სიგარეტის კვამლთან ერთად ხვდება. კადმიუმის შემცველი მტვერი იწვევს ფილტვების დაზიანებას. ამასთან, კადმიუმი მიეკუთვნება კანცეროგენებს. გარდა მძიმე ლითონებისა, ავტომაგისტრალების მახლობლად ჰაერი შეიცავს ჭვარტლს, ნახშირის ნაწილაკებს, საბურვის მტვერს და ასფალტის საფარის ცვეთის პროდუქტებს.

ალერგიულ პირებისთვის საერთოდ არაა რეკომენდებული საზაფხულო ვერანდებზე დროის გატარება, რადგანაც საკვებში შეიძლება მოხვდეს მცენარის მტვერი და მიკროორგანიზმების სპორები.

ლალი ჩხიკვაძე