რითია სასარგებლო კონტრასტული შხაპი
კარგ შეგრძნებებს! ცხელი და ცივი წყლის მონაცვლეობა ორგანიზმის დამცველობით ძალებს განამტკიცებს. ამიტომაც კონტრასტული შხაპი ორგანიზმის გაკაჟება-გაჯანსაღებისთვის შეუცვლელია. ის ასტიმულირებს ორგანიზმის სარეზერვო მექანიზმებს, აძლიერებს ნივთიერებათა ცვლის პროცესებს. გრილი შხაპი ორგანიზმს სწორად ფუნქციობას აიძულებს, სისხლის მიმოქცევის გაძლიერება კი ქსოვილთა და ორგანოთა კვებას აუმჯობესებს. კონტრასტული შხაპი ამავდროულად ასტიმულირებს ტვინის მუშაობას, გუნება-განწყობას, ადამიანი ენერგიის მოზღვავებას და სიმხნევეს შეიგრძნობს.
ბევრს კონტრასტული შხაპი აშინებს, ჰგონია, რომ ეს უპირატესად სხეულზე ცივი წყლის გადავლებაა. სინამდვილეში, ცივი წყალი სხეულზე კარგად გათბობის, ანუ ცხელი წყლით გაჯერების შემდეგ უნდა გადაივლოთ (თავიდან გრილი წყლით უნდა დაიწყოთ). ცხელი და ცივი წყლის მონაცვლეობა, საბოლოოდ, ცხელი წყლის გადავლებით უნდა დასრულდეს. შესაძლოა, პროცედურა გაამარტივოთ და ცხელი შხაპის მიღების შემდეგ, დასასრულ, 30 წამით ცივი წყალი გადაივლოთ. ეს სიმხნევესა და სიჯანსაღეს მოგგვრით!
თინათინ გოცაძე