საყვარელ ადამიანზე ფიქრი ჰიპერტონიისა და სტრესისგან გვათავისუფლებს
ინდივიდი ხვდება სტრესულ სიტუაციაში, მეორე ნახევარზე მხოლოდ ერთი გაფიქრებაც კი საკმარისია, რათა არ მოხდეს წნევის აწევა.
ექსპერიმენტი ჩატარდა 102 ადამიანის მონაწილეობით. მოხალისეები ათავსებდნენ ფეხებს ცივ წყალში, რაც იწვევდა სტრესულ რეაქციას, სისხლძარღვების შევიწროებას და წნევის აწევას. ზოგიერთ მათგანს სთხოვეს ეფიქრა თავის შეყვარებულზე, რაც წნევის მატებას ამუხრუჭებდა.
მეცნიერების მოსაზრებით, ამ ილეთის გამოყენებით შეიძლება გამოცდის ან ოპერაციის წინ საკუთარი მდგომარეობის გაუმჯობესება. ამასთან, უფრო მეტად გამოხატული დადებითი ეფექტი აღინიშნებოდა იმ ადამიანებში, რომლებიც საკუთარი ურთიერთობებით სრულად იყვნენ დაკმაყოფილებულები.
ამით აიხსნება ის, რომ ბედნიერი ადამიანები მთლიანობაში უფრო ჯანმრთელები არიან. პარტნიორის მხარდაჭერა აქვეითებს ყოველდღიურ გამოწვევებსა და სტრესზე გულსისხლძარღვთა საპასუხო რეაქტიულობას. გარდა ამისა, თუ მოხალისეს გვერდით იყო შეყვარებული, ადამიანს უქვეითდებოდა ტკივილის შეგრძნების სიმწვავეც.
ლალი ჩხიკვაძე