სპეციალისტებმა 30 გრადუს ტემპერატურაზე გარეცხილ ქვედა საცვალზე ფეკალური მასა აღმოაჩინეს - რა ტემპერატურაზე რეცხვას გვირჩევენ სპეციალისტები

მეცნიერები იმ დასკვნამდე მივიდნენ, რომ დაბალ ტემპერატურაზე (30–40 გრადუსი) რეცხვისას, მიკრობები არ იღუპება, ირევა და სხვა საგნებზეც გადადის. ყველაზე მეტად პათოგენური მიკროორგანიზმები თეთრეულზე, პირსახოცზე, ბავშვის საფენებსა და რასაკვირველია ავადმყოფი ადამიანების ნივთებზეა.

სპეციალისტებმა 30 გრადუს ტემპერატურაზე გარეცხილ ქვედა საცვალზე აღმოაჩინეს 0,1 გრ ფეკალური მასა, რომელშიც დაახლოებით ათი ათასი ბაქტერიაა. ცხადია სარეცხ მანქანაში თეთრეულსა და ჩაის ტილოს ერთად არავინ რეცხავს. თუმცა საშიში ბაქტერიები შეიძლება დოლურას კედლებზე დაილექოს. სარეცხი მანქანიდან აღებულ 2 ჩაის კოვზ წყალში აღმოაჩინეს მილიონი მიკროორგანიზმი, მათ შორის ნაწლავის ჩხირი.

30 გრადუსზე გარეცხილ სარეცხს სისუფთავის სურნელი აქვს, მაგრამ ეს იმას არ ნიშნავს, რომ ის სუფთაა. სპეციალისტები გასარეცხად გვირჩევენ, უსაფრთხო ტემპერატურული რეჟიმის - 60-90 გრადუსის არჩევას.

დაბალ ტემპერატურაზე გარეცხილ საწოლის თეთრეულში რჩება მტვრის ტკიპა, რომელიც ალერგიული ადამიანებისთვის არის სახიფათო. სპეციალისტები გვირჩევენ ორჯერ დავაყენოთ გავლების რეჟიმი, რათა კარგად მოშორდეს სარეცხი ფხვნილი და სარეცხი გავაშროთ სუფთა ჰაერზე.

სარეცხი მანქანის ბორბალი დროდადრო უნდა გაიწმინდოს სადეზინფექციო საშუალებებით.

ლალი ჩხიკვაძე