გადაგვედება თუ არა ღორის გრიპი ღორის ხორცის ჭამისას ან ცოცხალი ღორისაგან?
ეს არის ღორის გრიპის მუტაციის (სახეცვლილების) შედეგად მიღებული შტამი, რომელიც ადამიანებში გავრცელდა და ამიტომ ეწოდა "ღორის გრიპი" უშუალოდ ღორისგან ვირუსი ადამიანს არ გადაედება.
საიტზე გვწერენ და გვეკითხებიან, ნებადართულია თუ არა ღორის ხორცის ჭამა და ხომ არ ქმნის იგი ინფიცირების საშიშროებას?
შეგილიათ ღორის ხორცი მიირთვათ უშიშრად. ზოგადად, თერმული დამუშავებისას ხორცში ნებისმიერი ვირუსი და ბაქტერია იხოცება. რაც შეეხება ღორის გრიპს, კიდევ ერთხელ გეტყვით, რომ მისი გადადების გზა არ არის საკვები, ეს არ გახლავთ კვებითი ინფექცია. ვირუსი გადაგედებათ მხოლოდ დაავადებული ადამიანისგან ხველისა და ცემინების დროს გამოფრქვეულ წვეთებთან ურთიერთობისას მას შემდეგ, რაც დაბინძურებულ ნივთებს შეეხებით და ეს ვირუსები თქვენს სასუნთქ გზებსა და ლორწოვან გარსებზე მოხვდება.
წაიკითხეთ: