რჩევები

ბევრი დაავადება ადამიანს „სახეზე აწერია“

ბევრი დაავადება ადამიანს „სახეზე აწერია“
მაგალითისთვის გარკვეული ნაკვთები შეიძლება მიუთითებდეს ფარისებრი ჯირკვლის ჰიპოფუნქციაზე, ასევე თირკმლის დისფუნქციაზე. აღნიშნულ დარღვევებზე მეტყველებს შეშუპებული სახე, პასტოზური (შესიებული) თვალები, ფერმკრთალი კანი.

ფარისებრი ჯირკვლის ჰიპოფუნქციისას (ჰიპოთირეოზი) თმა გათხელებულია და აღინიშნება ჭარბი წონა. ზედმეტმა კილოგრამებმა კი თავის მხრივ, შეიძლება სხვადასხვა დაავადების, კერძოდ, გულსისხლძარღვთა სისტემის, ნახშირწყლოვანი ცვლის და მეტაბოლური პროცესების დარღვევის პროვოცირება გამოიწვიოს.

სახიფათო ნიშანია - ფეხების შეშუპება, რაც შეიძლება გულსისხლძარღვთა სისტემის და თირკმლის პრობლემებით იყოს გამოწვეული. საყურადღებო სიმპტომებს ასევე შეიძლება მივაკუთვნოთ მუხლებისა და იდაყვების ჰიპერპიგმენტაცია. ის ხშირად მეტყველებს ნახშრიწყლოვანი ცვლის დარღვევებსა და შაქრიანი
დიაბეტისკენ მიდრეკილებაზე.

ფრჩხილის ფირფიტის უსწორმასწორო ზედაპრი მეტყველებს მინერალური ნივთიერებების, მათ შორის კალციუმის და ვიტამინების ნაკლებობაზე. ფრჩხილების და სკლერების მოყვითალო შეფერილობა ღვიძლთან დაკავშირებული პრობლემების მანიშნებელია.


ლალი ჩხიკვაძე

მსგავსი სიახლეები
ხელისგულებს მაღალი სიზუსტით შეუძლია ორგანიზმის ჯანმრთელობის მდგომარეობაზე საუბარი.
13-07-2019
4Hospitals, რომელიც წარმოადგენს კლინიკებისთვის სამედიცინო პროდუქციის და პრემიუმ მომსახურების მიმწოდებელ კომპანიას,
27-05-2019
მენინგოკოკური დაავადება ერთ ერთი ყველაზე საშიშ დაავადებათა რიცხვს განეკუთვნება.
10-05-2019