რას ურჩევენ ექსპერტები დამქირავებლებს კოლექტივში დაძაბულობის შესამცირებლად

ითვლება, რომ წარმატების მისაღწევად სრულად უნდა ჩაერთო სამუშო პროცესში და დიდი ძალისხმევა დახარჯო. თუმცა, ლონდონის უნივერსიტეტისა და ევროპული ბიზნეს სკოლის ESCP თანამშრომლები ზედმეტ გარჯას არ გვირჩევენ.

ექსპერტები დამქირავებლებს კოლექტივში დაძაბულობის შემცირებისკენ მოუწოდებენ. კერძოდ, დაქირავებულებმა თავად რომ აირჩიონ სამუშაო ადგილი, ეს მნიშვნელოვნად გაზრდის შრომის ნაყოფიერებას და მოსამსახურეთა ლოიალობას, რაც თითქმის 52 000 მოსამსახურის მონაწილეობით ჩატარებული კვლევით დამტკიცდა. ადამიანები საუბრობდნენ სამსახურში დატვირთვაზე, დაღლილობაზე, სტრესზე, სამსახურში აღიარებასა და ზოგადად ამ სფეროში წარმატებებზე.

აღმოჩნდა, რომ ადამიანებს, რომლებიც სამსახურში ძალიან დატვირთულები იყვნენ (მკაცრი დედლაინი, დაძაბული სამუშაო მაღალ ტემპში), ცუდი ფსიქიკური და ფიზიკური ჯანმრთელობა ჰქონდათ. ამასთან, ხელმძღვანელობა, მიუხედავად მოსამსახურეების მხრიდან გამოვლენილი სიბეჯითისა და ძალისხმევისა, მათ გარჯას დიდად არ აფასებდა.

ექსპერტების განცხადებით, დაძაბულობა სამუშაოს შესრულების ხარისხზე მოქმედებს, რაც წინსვლის შესაძლებლობას ამცირებს.

ლალი ჩხიკვაძე