თუ თვალის უპეები გიშავდებათ - მკურნალი.გე

რუბრიკები

ოჯახის მკურნალის ანონსი

ოქტომბერი 2020

კითხვა-პასუხი

თუ თვალის უპეები გიშავდებათ

თუ თვალის უპეები გიშავდებათ
თვა­ლის უპე­ე­ბის შე­შუ­პე­ბა და გა­შა­ვე­ბა ე.წ. შავი წრე­ე­ბი, საკ­მა­ოდ ხში­რი პრობ­ლე­მაა და გარ­კვე­ულ დის­კომ­ფორ­ტს ქმნის. რა იწ­ვევს მას და რო­გორ ავი­ცი­ლოთ თა­ვი­დან - ამ თე­მა­ზე სა­სა­უბ­როდ AMBEBI.GE ექიმ-თე­რა­პევტს, ჟურ­ნალ "ოჯა­ხის მკურ­ნა­ლი­სა" და მკურნალი.გე-ს მთა­ვარ რე­დაქ­ტორს თა­მარ მა­მა­ცაშ­ვილს და­უ­კავ­შირ­და:

- კანი თვა­ლის ირ­გვლივ საკ­მა­ოდ თხე­ლი, ნაზი და მგრძნო­ბი­ა­რეა. კო­ლა­გე­ნის ბოჭ­კო­ე­ბი მას­ში ბა­დი­სე­ბუ­რა­დაა გან­ლა­გე­ბუ­ლი, რაც კა­ნის წელ­ვა­დო­ბას უზ­რუნ­ველ­ყოფს. უშუ­ა­ლოდ კა­ნის თხე­ლი ფე­ნის ქვეშ კი გან­ლა­გე­ბუ­ლია სის­ხლძარ­ღვე­ბი, რომ­ლე­ბიც ად­ვი­ლად ხილ­ვა­დი შე­იძ­ლე­ბა გახ­დეს კა­ნის სტრუქ­ტუ­რის მცი­რე ცვლი­ლე­ბის, სის­ხლძარ­ღვთა გა­ფარ­თო­ე­ბის თუ მათ­ში ჟანგბა­დით არა­საკ­მა­რი­სად გა­ჯე­რე­ბუ­ლი სის­ხლის
გა­დი­ნე­ბის შემ­თხვე­ვა­ში. სწო­რედ ასეთ დროს ჩნდე­ბა თვა­ლის ირ­გვლივ "მუქი რგო­ლე­ბი". მათ და­ფარ­ვას ქალ­ბა­ტო­ნე­ბი კოს­მე­ტი­კუ­რი სა­შუ­ა­ლე­ბე­ბით ცდი­ლო­ბენ და აზ­რა­დაც არ მოს­დით, რომ ზოგ­ჯერ ასე­თი სიმპტო­მის მი­ზე­ზი სე­რი­ო­ზუ­ლი და­ა­ვა­დე­ბაც შე­იძ­ლე­ბა იყოს.

- ხში­რად სა­ხელ­დე­ბა მის გა­მომ­წვევ მი­ზე­ზად ფა­რი­სებ­რი ჯირ­კვა­ლი, თირკმე­ლე­ბი. ამ­ბო­ბენ, რომ თვა­ლის უპე­ე­ბი შე­საძ­ლოა, დაღ­ლი­ლო­ბის გა­მოც
გა­შავ­დეს...


- ჩა­შა­ვე­ბულ უპე­ებს რომ ვუმ­კურ­ნა­ლოთ, მი­ზე­ზი უნდა და­ვად­გი­ნოთ. მო­დით, ჯერ მარ­ტი­ვი, ფი­ზი­ო­ლო­გი­უ­რი მი­ზე­ზე­ბით და­ვი­წყოთ:

mkurnali.geადა­მი­ანს დღე-ღა­მე­ში 7-8 სა­ა­თი უნდა ეძი­ნოს - გა­მო­უ­ძი­ნებ­ლო­ბი­სას სახე ფერ­მკრთა­ლი ხდე­ბა და თვა­ლის თხე­ლი კა­ნის ქვეშ გან­ლა­გე­ბუ­ლი სის­ხლძარ­ღვე­ბი ად­ვი­ლად შე­სამ­ჩნე­ვია, რაც ჩა­შა­ვე­ბუ­ლი უპე­ე­ბის შთა­ბეჭ­დი­ლე­ბას ქმნის. ასეთ დროს საკ­მა­რი­სია კარ­გი გა­მო­ძი­ნე­ბა და ისე­თი ში­ნა­უ­რი მე­თო­დე­ბის გა­მო­ყე­ნე­ბა, რო­გო­რი­ცაა ყი­ნუ­ლის ან უმი კარ­ტო­ფი­ლის ნი­ღა­ბი თვა­ლებ­ზე.

თვა­ლე­ბის გა­დაღ­ლა - მა­გა­ლი­თად, კომ­პი­უ­ტერ­თან ხან­გრძლი­ვად მუ­შა­ო­ბის შე­დე­გად, მუდ­მი­ვი სტრე­სი და ქრო­ნი­კუ­ლი დაღ­ლი­ლო­ბა თვა­ლის უპე­ე­ბის ჩა­მუ­ქე­ბას, კა­პი­ლა­რებ­ში სის­ხლის შე­გუ­ბე­ბას იწ­ვევს. ასეთ დროს აუ­ცი­ლებ­ლად უნდა მო­ვა­წეს­რი­გოთ სა­მუ­შაო გრა­ფი­კი, ვე­ცა­დოთ, და­ვას­ვე­ნოთ თვა­ლე­ბი, მი­ვი­ღოთ მსუ­ბუ­ქი მცე­ნა­რე­უ­ლი და­მამ­შვი­დებ­ლე­ბი, ხში­რად ვი­სე­ირ­ნოთ სუფ­თა ჰა­ერ­ზე. თვა­ლებ­ზე კი კიტ­რის რგო­ლე­ბის ნი­ღა­ბი გა­ვი­კე­თოთ ან ანა­დუ­ღარ რძე­ში დას­ვე­ლე­ბუ­ლი ტამ­პო­ნე­ბი და­ვი­ფი­ნოთ დღე­ში 15 წუ­თით.

მწე­ვე­ლებ­სა და ალ­კოჰო­ლის მომ­ხმა­რებ­ლებს ხში­რად აქვთ ჩა­შა­ვე­ბუ­ლი თვა­ლის უპე­ე­ბი - ეს იმით არის გა­მოწ­ვე­უ­ლი, რომ მათი ორ­გა­ნიზ­მი მუდ­მი­ვად გა­ნიც­დის ინ­ტოქ­სი­კა­ცი­ას. კანი კი ად­ვი­ლად ბერ­დე­ბა და სტრუქ­ტუ­რა ეც­ვლე­ბა. რაღა თქმა უნდა, ასეთ დროს ერ­თა­დერ­თი გა­მო­სა­ვა­ლი ნი­კო­ტინ­სა და ალ­კოჰოლ­ზე უა­რის თქმაა.

არას­წო­რი რა­ცი­ო­ნი და და­უ­ბა­ლან­სე­ბე­ლი კვე­ბა, ასე­ვე შე­იძ­ლე­ბა გახ­დეს შავი უპე­ე­ბის მი­ზე­ზი. თუ თქვენს რა­ცი­ონ­ში ჭარ­ბობს შემ­წვა­რი, და­მა­რი­ლე­ბუ­ლი, ცხა­რე პრო­დუქ­ტი, თუ ხში­რად მი­ირ­თმევთ გვი­ან - და­ძი­ნე­ბამ­დე ცოტა ხნით ადრე, თუ რა­ცი­ონ­ში არ არის საკ­მა­რი­სი რა­ო­დე­ნო­ბით მი­ნე­რა­ლე­ბი და ვი­ტა­მი­ნე­ბი, ეს ყვე­ლა­ფე­რი აუ­ცი­ლებ­ლად შეც­ვლის თქვე­ნი კა­ნის სტრუქ­ტუ­რას და თვა­ლის ირ­გვლივ შავი რგო­ლე­ბის გა­ჩე­ნას გა­მო­იწ­ვევს. გა­მო­სა­ვა­ლი რა­ცი­ო­ნის გა­და­ხედ­ვა და დი­ე­ტო­ლოგ­თან გა­სა­უბ­რე­ბაა.

ახლა კი იმ ქრო­ნი­კულ და­ა­ვა­დე­ბებ­ზეც ვთქვათ ორი­ო­დე სი­ტყვა, რო­მელ­თა შე­სა­ხე­ბაც აუ­ცი­ლებ­ლად უნდა ვი­ცო­დეთ, თუკი თვა­ლის ქვეშ სი­შა­ვეს შევ­ნიშ­ნავთ:

  • თირკმლის და­ა­ვა­დე­ბე­ბი - თუ თვა­ლის უპე­ე­ბის სი­შა­ვე თირკმლის ქრო­ნი­კულ და­ა­ვა­დე­ბებს უკავ­შირ­დე­ბა, უპე­ე­ბი ხში­რად შე­შუ­პე­ბუ­ლიც არის, ადა­მი­ანს კი ხში­რად სხვა სიმპტო­მე­ბი არც აქვს ხოლ­მე და სრუ­ლი­ად შემ­თხვე­ვით აღ­მო­ა­ჩენს ამ და­ა­ვა­დე­ბას. ამი­ტომ ყო­ვე­ლი შემ­თხვე­ვის­თვის შარ­დის ანა­ლი­ზი მა­ინც უნდა გა­ი­კე­თოთ.
  • ღვიძ­ლი­სა და ნაღ­ვლის ბუშ­ტის და­ა­ვა­დე­ბე­ბი - ასეთ დროს ჩა­შა­ვე­ბულ უპე­ებს მოყ­ვი­თა­ლო ელ­ფე­რიც დაჰ­კრავს, ადა­მი­ანს აწუ­ხებს მწა­რე გემო პირ­ში და სიმ­ძი­მის შეგ­რძნე­ბა მარ­ჯვე­ნა ფერდქვეშ.
  • კუ­ჭქვე­შა ჯირ­კვა­ლი - თა­ნამ­დე­ვი ნიშ­ნე­ბია გუ­ლის­რე­ვა და ღე­ბი­ნე­ბა, ფა­ღა­რა­თი ან შეკ­რუ­ლო­ბა, ტკი­ვი­ლი მარ­ცხე­ნა ფერდქვეშ - ხში­რად გა­და­დის ზურ­გის­კენ.
  • ჭი­ე­ბით ინ­ვა­ზია - შავი უპე­ე­ბის ერთ-ერთი ხში­რი მი­ზე­ზია. პა­ცი­ენ­ტი გრძნობს დაღ­ლი­ლო­ბას, ტკი­ვილს ან დის­კომ­ფორ­ტს მუც­ლის არე­ში, ად­ვი­ლად ღი­ზი­ან­დე­ბა.
  • ენ­დოკ­რი­ნუ­ლი დარ­ღვე­ვე­ბი - ფა­რი­სებ­რი ჯირ­კვლის პა­თო­ლო­გი­ე­ბი და უშაქ­რო დი­ა­ბე­ტი აუ­ცი­ლებ­ლად უნდა გა­მო­ი­რი­ცხოს უპე­ე­ბის სი­შა­ვის დროს.
  • გულ-სის­ხლძარ­ღვთა სის­ტე­მის და­ა­ვა­დე­ბე­ბი - თვა­ლის ირ­გვლივ ჩრდი­ლებს აქვს მო­ლურ­ჯო ფერი და სის­ხლის მი­მოქ­ცე­ვის დარ­ღვე­ვით არის გა­მოწ­ვე­უ­ლი.
  • ანე­მია - სის­ხლის ჟანგბა­დით არა­სა­თა­ნა­დო გა­ჯე­რე­ბაა ამ დროს უპე­ე­ბის სი­შა­ვის მი­ზე­ზი. ადა­მი­ანს აწუ­ხებს თა­ვის ტკი­ვი­ლი, თავ­ბრუ, ად­ვი­ლად იღ­ლე­ბა.

- რო­მელ სპე­ცი­ა­ლისტს უნდა მივ­მარ­თოთ, თუკი თვა­ლის ირ­გვლივ შავი რგო­ლე­ბი გაგ­ვიჩ­ნდე­ბა?

- პირ­ველ რიგ­ში უნდა მი­მარ­თოთ ზო­გა­დი პრო­ფი­ლის ანუ ოჯა­ხის ექიმს და გა­მო­რი­ცხოთ ის და­ა­ვა­დე­ბე­ბი, რაც ზე­მოთ ჩა­მოვ­თვა­ლეთ. რო­მე­ლი­მე და­ა­ვა­დე­ბა­ზე ეჭ­ვის შემ­თხვე­ვა­ში ოჯა­ხის ექი­მი შე­სა­ბა­მის სპე­ცი­ა­ლის­ტთან გა­და­გა­მი­სა­მარ­თებთ, კერ­ძოდ, ნეფ­რო­ლოგ­თან, კარ­დი­ო­ლოგ­თან, გას­ტრო­ენ­ტე­რო­ლოგ­თან, ენ­დოკ­რი­ნო­ლოგ­თან და სხვა. თუ სო­მა­ტუ­რი პა­თო­ლო­გი­ე­ბი გა­მო­ი­რი­ცხე­ბა, მა­შინ პრობ­ლე­მის მო­საგ­ვა­რებ­ლად შე­გიძ­ლი­ათ კოს­მე­ტო­ლოგს ან დერ­მა­ტო­ლოგს მი­მარ­თოთ.

- ბავ­შვებ­ში რაზე მე­ტყვე­ლებს თვა­ლის ირ­გვლივ სი­შა­ვე?

- გან­სა­კუთ­რე­ბუ­ლი სიფრ­თხი­ლე სწო­რედ ბავ­შვებ­ში ამ სიმპტო­მის გა­ჩე­ნის დროს გვმარ­თებს, რად­გან ხში­რად ეს ნი­შა­ნი გულ-სის­ხლძარ­ღვთა, ენ­დოკ­რი­ნუ­ლი, ინ­ფექ­ცი­უ­რი ან თირკმლის და­ა­ვა­დე­ბე­ბის ნი­შა­ნია. ასე­ვე მი­ზე­ზი შე­იძ­ლე­ბა იყოს ჭი­ე­ბით ინ­ვა­ზია და ჰე­მა­ტო­ლო­გი­უ­რი და­ა­ვა­დე­ბე­ბი. ამი­ტომ მშობ­ლებ­მა სიფრ­თხი­ლე უნდა გა­მო­ი­ჩი­ნონ.

- და­ბო­ლოს, რას ურ­ჩევთ ჩვენს მკი­თხველს?

- გა­ით­ვა­ლის­წი­ნეთ, რომ თუ გა­მო­ძი­ნე­ბის, დას­ვე­ნე­ბის, კვე­ბის რა­ცი­ო­ნის მო­წეს­რი­გე­ბის შემ­დეგ თვა­ლის ირ­გვლივ სი­შა­ვე მა­ინც რჩე­ბა, აუ­ცი­ე­ლებ­ლად უნდა და­ი­წყოთ მისი მი­ზე­ზის ძებ­ნა და დრო­უ­ლად მი­მარ­თოთ ექიმს.

ლალი ფაცია


წყარო: ამბები.გე
გააკეთეთ კომენტარი
კომენტარი არ გაკეთებულა
მსგავსი სიახლეები
მას შემდეგ, რაც ჩვენს საიტზე დავიწყეთ გრიპის დამდეგი სეზონისთვის პრევენციული აცრების შესახებ ინფორმაციის გამოქვეყნება
23-10-2019
ზა­ფხუ­ლის სი­ცხე ადა­მი­ანს უამ­რა­ვი და­ა­ვა­დე­ბის გა­ჩე­ნის და გამ­წვა­ვე­ბის საფრ­თხეს უქ­მნის,
13-07-2019
ბოლო დროს, ადა­მი­ა­ნი სა­კუ­თარ ჯან­მრთე­ლო­ბას სულ უფრო ნაკ­ლე­ბად აქ­ცევს ყუ­რა­დღე­ბას,
25-02-2019
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
ვაგრძელებთ პუბლიკაციების ციკლს მოვლის შესახებ.
საოფისე სამუშაო და ფიზიკური დატვირთვის ნაკლებობა ადამიანის ჯანმრთელობაზე
კენტ ლ. ბრედლი გვირჩევს, როგორ დავეხმაროთ იმუნიტეტს ფუნქციების გამართულად შესრულებაში
ნატურალური პროდუქტების პოპულარობის ზრდის ფონზე, ექიმები შეშფოთებას გამოხატავენ ეთერზეთების
ხშირად გვიკვირს, რომ ადამიანთა ნაწილი, რომელიც დიდი გურმანობით გამოირჩევა
სპეციალისტების თქმით, მობილური მოწყობილობების და კომპიუტერების მომხმარებლებს შორის გავრცელებულია
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად