მონრეალის უნივერსიტეტის სპეციალისტებმა დაადგინეს, რომ ქალები, მამაკაცებთან შედარებით, სამსახურში უფრო სწრაფად იფიტებიან. მშვენიერი სქესის წარმომადგენლები ჩვეულებრივ, ისეთ თანამდებობებზე მუშაობენ, რომელიც მნიშვნელოვანი გადაწყვეტილების მიღებისა და საკუთარი უნარების გამოყენების საშუალებას არ იძლევა.
მკვლევარებმა კვლევებით აღმოაჩინეს, რომ ქალებში გამოფიტვისა და სამსახურეობრივი გადაღლის რისკი უფრო მაღალია, ვიდრე მამაკაცებში. ამას სხვა პრობლემებიც მოსდევს ხოლმე თან, ისეთი, როგორიცაა უძილობა და თავის ტკივილი.

ყველაზე გავრცელებული მიზეზი არის დაბალი თვითშეფასება და ოჯახსა და სამსახურს შორის ბალანსის დაცვის პრობლემა. სამსახური ხშირად უშლის ქალს ახლობელ ადამიანებთან დიდი დროის გატარებაში. ასევე ქალებს სამსახურის გამო, აღარ რჩებათ ძალა სხვა საქმიანობისთვის. საშინაო საქმეები ქალებს დასაწყისისთვის ეხმარებოდა და გამოფიტვისგან იცავდა.

მამაკაცებს ეს პრობლემა როგორც წესი აღენიშნება საკუთარი დროის მართვის პრობლემის გამო. დიდი დროის სამსახურისთვის დათმობა და არანორმირებული სამუშაო გრაფიკი იწვევს მამაკაცების „გადაწვას“. გადაჭარბებული მოთხოვნები, უსაფრთხოებისა და აღიარების არარსებობა თრგუნავდა როგორც ქალებს, ისე მამაკაცებს.

ლალი ჩხიკვაძე