40 წლის შემდეგ - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

40 წლის შემდეგ

40 წლის შემდეგ
სტატისტიკის თანახმად, მამაკაცის სიცოცხლის ხანგრძლივობა პირდაპირ კავშირშია იმ გზასთან, რომელიც მან 40-დან 50 წლამდე განვლო. ჯან-ღონით სავსე, ნაადრევად გარდაცვლილი ცნობილი მსახიობების, მომღერლების, მწერლების მაგალითები, რომლებიც ცხოვრობდნენ და მუშაობდნენ ზღვარგადასული ძალისხმევით, საკმაოდაა. ნუთუ ამ ასაკს მართლაც ახლავს იდუმალი და ფარული საფრთხე?


რაზეა დამოკიდებული მამაკაცის ჯანმრთელობა?
ბევრ რამეზე, უპირველესად კი თავად მამაკაცზე, მისი ცხოვრების წესზე, კერძოდ, იმაზე, რამდენად აქვს შენარჩუნებული და კომპენსირებული სასიცოცხლო მნიშვნელობის ორგანოთა ფუნქცია, რამდენად ადეკვატურად მუშაობს ორგანიზმის მმართველი ნეიროენდოკრინული სისტემა. სამწუხაროდ, ქართული სინამდვილე ოპტიმიზმის საფუძველს არ იძლევა - ჩვენში
ფესვგადგმულია ჯანმრთელობისადმი უგულისყურო დამოკიდებულება, თამბაქოსა თუ ალკოჰოლური სასმელების ჭარბი მოხმარება და, რაც მთავარია, ჯანმრთელობის შესანარჩუნებლად აუცილებელ ფასეულობათა არარსებობა. გარდა ამისა, არ უნდა დაგვავიწყდეს ფული, რომელიც მამაკაცის თვითშეფასებისთვის ისევე აუცილებელია, როგორც ამა თუ იმ სფეროში თვითრეალიზაციის საშუალება. საკითხი ასე უნდა დაისვას: იშოვეთ ფული, მოახდინეთ საკუთარი თავის
რეალიზაცია, მაგრამ, ამასთანავე, შეინარჩუნეთ ჯანმრთელობა. უგუნურებაა შემოსავლისთვის შრომა ჯანმრთელობის საზიანოდ. სამწუხაროდ, რაც უფრო საპასუხისმგებლო და რთულია მამაკაცის სამუშაო, მით მეტია თავისუფალი ტესტოსტერონის დეფიციტის სიმპტომების გამოვლენის ალბათობა. ჯანმრთელი, ძლიერი, შეძლებული, მზრუნველი, დაკუნთული, სპორტული და პრინციპული მამაკაცი მხოლოდ გოგონების ოცნებებში თუ შემორჩა, რეალურ ცხოვრებაში კი დაძაბულობა და რეგულარული ფსიქიკური დატვირთვა იწვევს თავისუფალი ტესტოსტერონის დონის დაქვეითებას - დადგენილია, რომ სტრესის ჰორმონები, ადრენალინი და ნორადრენალინი, მისი ანტაგონისტები და “მკვლელები” არიან. სწორედ ორგანიზმში თავისუფალი ტესტოსტერონის რაოდენობით განსხვავდება 40, 50, 60, 70 წლის მამაკაცი 22 წლის ახალგაზრდისგან. უნდა ითქვას, რომ სპორტული ინფრასტრუქტურის განვითარება საგრძნობლად უწყობს ხელს მამაკაცთა ჯანმრთელობის შენარჩუნებას. სასიამოვნო ტენდენციაა ისიც, რომ ნელა, მაგრამ მაინც იცვლება ჩვენი ფასეულობათა სისტემა და ჯანმრთელობა ბედის წყალობად აღარ აღიქმება - ყველამ იცის, რომ ის მნიშვნელოვანწილად ჩვენივე ყოველდღიური ძალისხმევის შედეგია. ჯანმრთელობა ცხოვრების ნებისმიერ სფეროში წარმატების აუცილებელი პირობაა. თავისუფალი ტესტოსტერონის პროდუქციის დაქვეითება 40 წლიდან ხდება შესამჩნევი. იცვლება კანის ფერი, თხელდება თმა, თვალებქვეშ ჩნდება შეშუპება, ჩრდილები, სხეული ფუვდება, მუცელი მრგვალდება, იზრდება საკუთარი თავით უკმაყოფილების გრძნობა, უფრო და უფრო ხშირად გაისმის უსიამოვნო სიტყვები - “წინამდებარე ჯირკვლის ადენომა”. ამ დაავადების თავიდან ასაცილებლად ზრუნვა გაცილებით ადრე, 40 წლამდე უნდა დავიწყოთ, რადგან პრევენცია გაცილებით ადვილია, ვიდრე მკურნალობა. ძვლისა და კუნთოვანი ქსოვილის სიმკვრივე, ცხიმოვანი და ნახშირწყლოვანი ცვლა, კარდიოლოგიური და ფსიქოემოციური სიჯანსაღე მჭიდროდ არის დაკავშირებული თავისუფალი ტესტოსტერონის დეფიციტთან. დიდ გავლენას ახდენს სხვა ფაქტორებიც - სტრესი, შინაგანი ორგანოების დაავადებები, ინფექციები, ალკოჰოლიანი სასმელების, ნიკოტინის, წამლების მიღებით გამოწვეული ინტოქსიკაცია. თუმცა ყველაფერი ეს სურვილის შემთხვევაში იოლად ექვემდებარება მკურნალობასა და კორექციას. ყველაფერი თავად მამაკაცის განწყობასა და ნებისყოფაზეა დამოკიდებული. თანამედროვე დიაგნოსტიკური საშუალებების გონივრული გამოყენებით და რაციონალური სამედიცინო კორექციით შესაძლებელია მრავალი უსიამოვნების თავიდან აცილება, მამაკაცის ჯანმრთელობისა და კეთილდღეობის შენარჩუნება.



გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
სამწუხაროდ, მამაკაცთა უმრავლესობა არასწორად იკვებება: ამჯობინებენ ცხიმიან, შემწვარ, ცხარე საკვებს,
მამაკაცის 2020-ის მოდა – არჩევანის თავისუფლება და მრავალფეროვნებაა, ამიტომაც ყველას შეუძლია შეარჩიოს ტანსაცმელი
გრიპისა და ზედა სასუნთქი გზების სეზონური აქტივობისას, ულვაშებსა და წვერს განსაკუთრებულად უნდა მოვუაროთ.
როცა წვრილმანები გადამწყვეტია სწორად შერჩეული აქსესუარი სრულიად ცვლის მამაკაცის იმიჯს.
ტრადიციულად, საზოგადოებისთვის მამაკაცი „ძლიერი“, „ჯანმრთელი“ და „საიმედოა“.
როგორ გავუმკლავდეთ მამაკაცის დელიკატურ პრობლემას?
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად