მეორე ქმარი - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

მეორე ქმარი

მეორე ქმარი

სტატისტიკის თანახმად, გაყრის შემდეგ უმრავლესობა ხელახლა ქმნის ოჯახს, მაგრამ მეორე ქორწი-ნებისას თავჩენილი პრობლემები ძლიერ განსხვავდება იმ სირთულეებისგან, რომლებიც პირველ
თაფლობის თვეს იჩენს თავს.

შვილები პირველი ქორწინებიდან
ზოგი ქალი მეორედ გათხოვებისას შვილს ბებიასთან ტოვებს, ზოგს კი თან მიჰყავს. და აი, მას შემდეგ, რაც სამნი ერთ ჭერქვეშ აღმოჩნდებიან, დგება უწინდელი შეხედულებების გადაფასების დრო. შესაძლოა, მამაკაცს ჩვევების შეცვლა ან მათზე უარის თქმა მოუხდეს. მაგალითად, უმჯობესია, პატარასთვის მიუწვდომელ ადგილას შეინახოს ის ნივთები, რომელთა ხელის ხლებაც ბავშვს ეკრძალება. დედის ნივთები პატარამ რომც გააფუჭოს, დედა მაინც აპატიებს.

საკითხავია, გააკეთებს თუ არა იმავეს ”უცხო ბიძია”, მიუხედავად ცოლისადმი დიდი სიყვარულისა და პატივისცემისა.
მამაკაცმა, ვიდრე გერის თანდასწრებით ცოლს მიუალერსებს, ბავშვის რეაქციაზე უნდა იფიქროს - ის შესაძლოა ატირდეს ან მათ შორის ადგილის დაკავება სცადოს.
მეორედ გათხოვებისას ქალები, როგორც წესი, ასეთ სტრატეგიას იყენებენ: თავიდან ”ძია” უბრალოდ ”მეგობარია”, შემდეგ
კი ის უეცრად ”მამად” იქცევა და დედა-შვილის ტერიტორიაზე აღმოჩნდება. მიიჩნევა, რომ ასეთი სტრატეგია ბავშვისთვის დამზოგველია, მაგრამ მხოლოდ მიიჩნევა, სინამდვილეში ის არავისაც არ ზოგავს. ბავშვისთვისაც, დედისთვისაც და მამინაცვლისთვისაც ასეთი მკვეთრი გადასვლა სტრესია. უმჯობესია, შემუშავდეს ერთგვარი შეჩვევის სტრატეგია - მომავალმა ოჯახმა უქმეები ერთად გაატაროს, გაისეირნოს, რათა ბავშვი თანდათან შეეჩვიოს პოტენციურ მამინაცვალს.

მამის როლი
იმაზე, როგორ ექცევა მამა შვილს და რამდენად ერევა მის ცხოვრებაში, დამოკიდებულია ახალი ოჯახის ბედი. ყოფილი და ახლანდელი ქმრები იშვიათად პოულობენ საერთო ენას, ამიტომ შუამავლის ფუნქცია დედამ უნდა იკისროს.
ახალ ქმარს უნდა აუხსნათ, რომ ცუდი არაფერია იმაში, თუ მამა ბავშვზე უწინდებურად იზრუნებს. ამავე დროს, ყოფილ ქმარსაც უნდა გააგებინოთ, რომ მამინაცვალსაც აქვს ბავშვის ცხოვრებაში ჩარევის უფლება. სხვაგვარად მეორე ქმარს გააღიზიანებს, რომ ბავშვთან დაკავშირებულ საკითხებს ვიღაც სხვა წყვეტს (თუნდაც ეს ”სხვა” მისი მშობელი მამა იყოს) და ადრე თუ გვიან საკუთარ როლზე დაფიქრდება: ვინ არის ის - ადამიანი, რომელიც პასუხისმგებელია ოჯახის ყველა წევრზე თუ უბრალოდ დედის ”კანონიერი საყვარელი”?
თუ მამაკაცმა განაგრძო სირაქლემას პოზაში ყოფნა, ეს საგანგაშო სიგნალია, რადგან როდესაც მას მოუნდება, საკუთარ თავზე აიღოს ოჯახის უფროსის როლი, დაუნანებლად დატოვებს ძველს და შექმნის ახალს, სადაც გადაწყვეტილებებს მხოლოდ ის და მისი მეუღლე მიიღებენ. ამიტომ ქალმა უნდა შეძლოს ბავშვის მამასა და მამინაცვალს შორის კონფლიქტის თავიდან აცილება, გაუნაწილოს მათ პასუხისმგე-ბლობა.
როდესაც მამინაცვალი, პირიქით, მეტისმეტად პასიურობს, ქალმა უნდა მიახვედროს, რომ ბავშვის აღზრდისას მასაც ისევე ეთქმის სიტყვა, როგორც დედას.

ნათესავებთან ურთიერთობა
მამაკაცი მეუღლესთან ერთად იძენს სიდედრს, სიმამრს, ცოლისდას, ცოლისძმას... მათ დიდი ტაქტი და მოთმინება უნდა გამოიჩინონ, რომ ახალი სიძე ყოფილს არ შეადარონ - მამაკაცებს ამით თავმოყვარეობა ელახებათ.
თავდაპირველად, ვიდრე ურთიერთობა არ დალაგდება, ცოლ-ქმარს შორის ყველა პრობლემა არ მოგვარდება და ოჯახური ცხოვრება მშვიდ და მყარ კალაპოტში არ ჩადგება, სჯობს, ნათესავებთან კონტაქტისგან თავი შეიკავოთ. არავინ ამბობს, რომ ნათესავები აუცილებლად ცუდები არიან; უბრალოდ ისინი აღვიძებენ ”ყოფილის” მოგონებებს, რაც ახალშექმნილი ოჯახისთვის, პირველ ხანებში მაინც, ზედმეტია.
როდესაც მამაკაცი მეორედ ქორწინდება, სიჩქარე არაფერს არგებს. ზოგჯერ სჯობს, დარჩე ერთგულ მეგობრად, ზოგჯერ საჭიროა დრო და გონიერება. მოიკრიბეთ მოთმინება - ასეთ სიტუაციაში ეს საუკეთესო გამოსავალია.

გააკეთეთ კომენტარი
თარიღი : 06-08-2018
ნაირა
რას ნიშნავს დატოვოს? თუნდაც ბებიასთან რა ნაგავია თუ რა თუ ბებია ვალდებულია იზრუნოს? ვინც გააჩინა მან უნდა იზრუნოს შვილზე მეასედაც რომ გათხოვდეს, აქ რომ წერია ზოგი ბებიასთან ტოვებსო და არ არის გამახვილებული ყურადღება იმაზე რომ ეგ არის მავნე პრაქტიკა და ფენომენია ქართულ საზოგადოებაში სწორედ ამის გამო იზრდებიან ტრამვირებული ბავშვები, პირიქით უნდა იყოს გამახვილებული ყურადღება იმაზე რომ მსგავსი რამ არ გააკეთონ ქალებმა თუნდა 100 ედ გათხოვდნონ, თუ ახალ ქმარს არ უნდა ბავშვის მიღება ეგ მისი პრობლემაა და მაშინ რა გინდა მასეთ კაცთან, პირიქით უნდა მოუწოდოთ რომ მასე არ მოიქცნონ და შვილი არ დათმონ რედაქციას ეხება რაც დავწერე
თარიღი : 11-07-2018
ანი
ჩემთვის მიუღებელია, როდესაც გოგოები მეორედ თხოვდებიან და შვილს გასაზრდელად, რატომღაც, მშობლებს უტოვებენ. ვერ ვხსნი ამ ფენომენს.
თარიღი : 04-07-2018
ია
ქალი რომელის საკუთარ შვილსბებიას დაუტოვებს და მისგან შვილთან გაგყოფს ეს 2 რამეს ნიშნავს ან არ გენდობა ან კიდევ შვილი ფეხებზე კიდია და ადრე თუ გვიან შენს მოგისვრის სანაგვეზე და თუ შენგან შვილი გაუჩნდა მასაც ზედ მოგაყოლებს
თარიღი : 27-06-2018
მზია
ოჯახიც, ცოლ-ქმრობაც და სიყვარულიც მაშინ არის სრულყოფილი და კარგი როცა მსხვერპლს არ ითხოვს, და არავისი ინტერესი თუ ბავშვობა არ ეწირება
თარიღი : 21-06-2018
ნანა
რატომ უნდა თქვას დედამ უარი შვილის აღზრდაზე და ბებიოას დაუტოვოს? თუ მეორე ქმარი შენს შვილს არ იღებს მაშინ რაღა გინდა ისეთ კაცთან? ხოლო თუ თითონ ამბობ უარს მაშინ ეგ უკვე ბევრად უარესია ყოფილა და დედა აღარ უნდა გერქვას
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
მსოფლიო ჯანდაცვის ორგანიზაციის რეკომენდაციით, ადამიანმა თევზი კვირაში ორჯერ უნდა მიიღოს.
კატეგორიის სხვა სტატიები
დიდი მუცელი მეტყველებს აბდომინურ სიმსუქნეზე, რაც ჯანმრთელობისათვის საშიშია.
თანამედროვე მამაკაცი ნებისმიერ პირობებში მზად უნდა იყოს შთაბეჭდილების მოსახდენად.
ერთი შეხედვით, მამაკაცის გარდერობის უმნიშვნელო ნივთად წინდა ითვლება, თუმცა სტილისტების აზრი კარდინალურად განსხვავებულია.
სამწუხაროდ, მამაკაცთა უმრავლესობა არასწორად იკვებება: ამჯობინებენ ცხიმიან, შემწვარ, ცხარე საკვებს,
მამაკაცის 2020-ის მოდა – არჩევანის თავისუფლება და მრავალფეროვნებაა, ამიტომაც ყველას შეუძლია შეარჩიოს ტანსაცმელი
ონკოლოგებისათვის კარგად არის ცნობილი, რომ იმუნოთერაპიაზე შვეიცარიაში დიდ იმედებს ამყარებენ.
თუ მეხსიერების პრობლემები გაწუხებთ, გამოიყენეთ გინგკო ბილობა თქვენს სასარგებლოდ.
ძილი და მასთან დაკავშირებული პრობლემები მსოფლიო მოსახლეობის ძალიან დიდ ნაწილს აწუხებს.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად