უიღბლო ქორწინება მამაკაცის სიცოცხლის ხანგრძლივობას ამცირებს
მათი განმარტებით რისკი ისეთივეა, როგორც თამბაქოს მოხმარებისას.
ექსპერტებს მიაჩნიათ, რომ უიღბლო ქორწინებაში მყოფ მამაკაცებს ექმნებათ ისეთი პრობლემები, როგორიცაა დეპრესია, შფოთვა და სტრესი, რაც ზრდის ინსულტის რისკს. ამასთან ნეგატიური ემოციებისას, დიდია ალბათობა, რომ ადამიანმა დაიწყოს თამბაქოს, ალკოჰოლის, ნარკოტიკების ან მავნე საკვების მიღება.
კვლევაში მონაწილეობა მიიღო 9000 მამაკაცმა, რომლებმაც გაიარეს ჯანმრთელობისა და ქცევის მოდელის დეტალური შეფასება. მკვლევართა ჯგუფი ამ მამაკაცების ჯანმრთელობის მდგომარეობას აკვირდებოდა 32 წლის განმავლობაში. კვლევამ აჩვენა, რომ ბედნიერი ქორწინება სიკვდილის რისკს 13% და მეტით ამცირებდა.
მკვლევარების აზრით, მნიშვნელოვანია ახალგაზრდა წყვილებმა ისწავლოთ პოზიტიური ფსიქოლოგიის მეთოდები, კომუნიკაციური უნარები და ბავშვების აღზრდის სტრატეგია, რაც სასარგებლო იქნება მყარი ოჯახისათვის. ეს მეთოდები შეიძლება წარმატებით რეალიზდეს მოსახლეობის ჯანმრთელობის გაძლიერებისათვის.
მამობაც უკავშირდება დღეგრძელობას. ამდენად მნიშვნელოვანია ჯანსაღი ურთიერთობები, ძლიერი სოციალური მხარდაჭერა და კავშირი მათთან, ვინც გვიყვარს.