ქალთა დღესაც და დედის დღესაც მარტში  აღნი­შნავენ. ეს დღე მხოლოდ ქალებს უნდა ეკუთვნოდეთ. ქალი ხომ სიცოცხლის საწყისია, ბედნიერებისა და სიყვარულის წყარო, მარტივით თავქარიანი, ჭირვეული, იდუმალი და ამოუცნობი... თანამედროვე ქალიქალის ოჯახური ცხოვრება ბედნიერებითა და სიხარულით რომ იყოს სავსე, ხოლო კარიერა - წარმატებული, ამის მოთხოვნილება მას თავად უნდა ჰქონდეს. თვითონვე უნდა მოინდომოს, უნდა შეეცადოს, რომ მისი გრძნობა და გონება სრულ ჰარმონიაში იყოს ერთმანეთთან.

ალოპეცია (ლათ. გამელოტება) თმის პათოლოგიური ცვენაა, რასაც თავის ან სხეულის განსაზღვრულ ადგილებზე თმის საფარის გამეჩხერება ან გაქრობა მოსდევს. ალოპეციის შედარებით გავრცელებული ფორმებია ანდროგენეტიკური, დიფუზური და სიმპტომური, ნაწიბუროვანი და ბუდობრივი (კეროვანი). ანდროგენეტიკური ალოპეციაანდროგენეტიკური ალოპეციის დროს თმა წვრილდება, რაც მამაკაცებში თხემისა და შუბლის მიდამოს სიმელოტეს იწვევს, ხოლო ქალებში - თავის ცენტრალური ნაწილის (შემდგომში გვერდითი ზედაპირების ჩათრევით) თმიანი საფარის გამეჩხერებას.

მშობლიურ სიყვარულს მამები დედებისგან განსხვავებულად გამოხატავენ. დედას შვილი უმეტესად გაუცნობიერებლად, უპირობოდ უყვარს. მისი სიყვარული თითქოს გენეტიკურადაა დაპროგრამებული. მამის სიყვარული კი ყოველთვის საგნობრივია. ის მას ბავშვის წარმატებებსა და მიღწევებს უკავშირებს, რითაც თითქოს პირველივე დღეებიდან აჩვენებს და აჩვევს ბავშვს ცხოვრებისადმი ღირებულებით დამოკიდებულებას. ფასეულობათა სისტემის გაცნობისას მამა შვილს მიუძღვის სოციალური ურთიერთობების სამყაროში, სადაც წარმატებებისადმი, მიღწევებისადმი ადამიანის დამოკიდებულებაზე, მის თვითშეფასებაზე მნიშვნელოვან გავლენას ახდენს გარშემო მყოფთა შეფასებები.

ბუნებრივია, ნებისმიერი ასაკის ბავშვს, ბიჭსაც და გოგონასაც, მამის ყურადღება და სიყვარული სჭირდება. ბიჭი თუ მამის თანადგომას ვერ გრძნობს, ის დედის მიმბაძველი ხდება, მომავალში კი შესაძლოა ან “დედიკოს ბიჭად” ჩამოყალიბდეს (რაც თავისთავად გაურთულებს თანატოლებთან ურთიერთობას), ან სრულფასოვანი ოჯახის შექმნა გაუჭირდეს. ღირსეულ მამაკაცად ჩამოსაყალიბებლად ბიჭისთვის აუცილებელია მისაბაძი ადამიანი, ასეთი კი მისთვის ყურადღებიანი და მოსიყვარულე მამა უნდა იყოს. გოგონები კი თავიანთ რჩეულებში ეძებენ მამის საუკეთესო თვისებებს.

ახალშობილ შვილთან პირველ შეხვედრას ზოგიერთი მამა ისევე აღიქვამს, როგორც, არც მეტი, არც ნაკლები, სხვა პლანეტიდან მოსულ არსებასთან კონტაქტს. დროა საჭირო, რომ მამაკაცი მის პირად სივრცეში შემოჭრილ "უცხოპლანეტელს" შეეჩვიოს. როგორ ისახება გაგებამამის დაბნეულობა პატარასთან პირველი შეხვედრისას სავსებით გასაგებია. დედამ არ უნდა დაიწყოს ახალგაზრდა მამის დემონსტრაციული კრიტიკა, შენიშვნები და საყვედურები. მამისა და შვილის პირველი კონტაქტისას ატმოსფერო მშვიდი და ნდობით აღსავსე უნდა იყოს.

პალტო საქმიანი და მოდური მამაკაცის კლასიკური სამოსია. ის მხოლოდ ელეგანტურად კი არ წარმოაჩენს კაცობრიობის ძლიერ ნახევარს, არამედ უამინდობის დროს სიცივისა და ქარისგანაც იცავს. პალტო აღმოსავლეთ ევროპაში საფრანგეთიდან შემოვიდა. მოდის ისტორიკოსები ვარაუდობენ, რომ გარდერობის ამ პოპულარული ნივთის სახელწოდებას ესპანური წარმომავლობა აქვს. საქმე ის არის, რომ XVI-XVII საუკუნეებში ესპანელი გლეხები ატარებდნენ სამოსს სახელად "პალტკოე", რომელიც ერთგვარ კაპიუშონიან ლაბადას წარმოადგენდა.

როდის გაჩნდა ალკოჰოლი, ძნელი სათქმელია, თუმცა შეიძლება ვივარაუდოთ, რომ ის კაცობრიობაზე ოდნავ ახალგაზრდაა. ახალი გვინეის პაპუასებს, რომელთაც არ იცოდნენ, რა იყო ცეცხლი, უკვე ჰქონდათ ალკოჰოლის მიღების საკუთარი მეთოდები. მრავალი ტომი იყენებდა მათრობელა სასმელებს თავის წეს-ჩვეულებებში. მოგვიანებით წარმოიშვა დაძმობილების ადათი: ღვინიან თასში აწვეთებდნენ ამ რიტუალის მონაწილეთა სისხლს და ჭიქას წრეზე შემოატარებდნენ. იქნებ სწორედ აქედან მოდის სტუმრების ღვინით გამასპინძლების ტრადიციაც...

უპირველეს ყოვლისა, უნდა განვსაზღვროთ მამაკაცის სტილი და ცხოვრების წესი. აქტიურ, მუდამ ყურადღების ცენტრში მყოფ მამაკაცს გამოკვეთილი და დასამახსოვრებელი არომატის მქონე სუნამო სჭირდება. სუნამო  ავტომოყვარულისთვისავტომოყვარული ის მამაკაცია, რომელიც კარგად ერკვევა ავტომობილების მოდელებში, დიდ დროსა და სახსრებს სწირავს მანქანაზე ფიქრსა და ზრუნვას. ის საკმაოდ აქტიურია, მაგრამ ფეხით სეირნობასა და ჯანსაღ ცხოვრებას საყვარელი ავტომობილით გადაადგილებას ამჯობინებს, ამიტომ მას არც მანქანის ზეთის სუნი ეუცხოება. ასეთ მამაკაცს დინამიკური და სპორტული სტილის შესაფერისი, მძაფრი სურნელის სუნამო მოუხდება. იდეალური იქნება ცივი, ე.წ. ზამთრის არომატები.

ოდითგანვე ცნობილია, რომ ტანსაცმელი და აქსესუარები ბევრ რამეს ამბობს მისი მფლობელის შესახებ. აქსესუარებსა და დეტალებზე ყურადღებას დღესაც ისევე ამახვილებენ, როგორც ადრე, და თუ ახლა ვინმეს ჰგონია, რომ ტანსაცმლის დეტალებისადმი მომეტებული ყურადღება ქალების პრეროგატივაა, მათ ერთმნიშვნელოვნად ვუპასუხებთ: თანამედროვე მამაკაცისთვის ინდივიდუალურობა და სტილი არანაკლებ მნიშვნელოვანია.

ასაკობრივი პრობლემები ნელ-ნელა, შეუმჩნევლად გვეპარება. ერთ მშვენიერ დღეს სარკეში ჩახედვისას აღმოვაჩენთ ნაოჭს, რომელიც ადრე არ შეგვიმჩნევია, საყვარელ პერანგს ვეღარ ვიკრავთ, ჩვეულებრივი გარბენი ან მცირე ფიზიკური დატვირთვა არაქათს გვაცლის... სამწუხაროდ, გარდასულ დღეებს ვერ დავიბრუნებთ, მაგრამ ეს იმას არ ნიშნავს, რომ წარსულს ბარდება ჩვენი ჯანმრთელობა და ახალგაზრდული ხალისიც.