ქირურგიული ოპერაცია - ღია წესით თუ ლაპაროსკოპიით?! - მკურნალი.გე

რუბრიკები

ოჯახის მკურნალის ანონსი

ნოემბერი 2019

კითხვა-პასუხი

ქირურგიული ოპერაცია - ღია წესით თუ ლაპაროსკოპიით?!

ქირურგიული ოპერაცია - ღია წესით თუ ლაპაროსკოპიით?!
ლაპაროსკოპიულ ოპერაციას ხშირად 21-ე საუკუნის მანიპულაციად მოიხსენიებენ. თანამედროვე მედიცინის ძალიან ბევრ შემთხვევაში ქირურგები ღია წესით ოპერაციის ჩატარებას აღნიშნულ მეთოდს ამჯობინებენ, რაც, რა თქმა უნდა, ლაპაროსკოპიის მთელი რიგი დადებითი მხარეებით არის განპირობებული.
რა უპირატესობა აქვს ლაპაროსკოპიას, როდის არის შესაძლებელი ამ მეთოდით ჩარევა და რამდენად რთულია ის? ამ თემებზე აკადემიკოს ფრიდონ თოდუას სამედიცინო ცენტრის ქირურგიული განყოფილების ხელმძღვანელი, მედიცინის დოქტორი თენგიზ გუგეშაშვილი გვესაუბრება.

- რას გულისხმობს ლაპაროსკოპიული მეთოდით ოპერაცია და რა დადებით მხარეები აქვს მას?

ლაპაროსკოპია არის მინი ინვაზიური მეთოდი, რომელმაც რევოლუცია მოახდინა ქირურგიაში.
მისი დანერგვით შესაძლებელი გახდა პრაქტიკულად ყველა ოპერაციის გაკეთება მუცლის ღრუს ორგანოებზე. ლაპარასკოპიული ქირურგიის განვითარების საწყის ეტაპებზე ბევრი ქირურგი, განსაკუთრებით ონკოლოგები, სკეპტიკურად უყურებდნენ ამ მეთოდით ონკოლოგიური დაავადებების მკურნალობას. მიაჩნდათ, რომ ლაპარასკოპიული მეთოდით შეუძლებელი იყო რადიკალური ოპერაციების გაკეთება. დღეს დამოკიდებულება შეიცვალა. ლაპარასკოპიული ტექნიკის დახვეწამ შესაძლებელი გახადა ოპერაციების
გაკეთება რადიკალურად, ონკოლოგიური წესების სრული დაცვით.
ლაპარასკოპიული მეთოდის უპირატესობა გამოიხატება პოსტოპერაციულ პერიოდში ნაკლები ტკივილით, სწრაფი რეაბილიტაციით და კლინიკაში მცირე დროის დაყოვნებით.

- რა შემთხვევაში მიმართავთ ლაპაროსკოპიულ მეთოდს?

ჩვენს კლინიკაში ლაპაროსკოპიულად კეთდება ოპერაციები მუცლის ღრუს ყველა ორგანოზე, როგორც არაონკოლოგიური, ასევე ონკოლოგიური დაავადებების დროს. როგორც ყველა ქირურგიულ ჩარევას, ასევე ლაპაროსკოპიულ მეთოდსაც აქვს ჩვენება და უკუჩვენება. ოპერაცია არ უნდა გაკეთდეს ოპერაციის გულისთვის. ლაპარასკოპიული მეთოდის უკუჩვენებას ონკოლოგიური დაავადებების დროს წარმოადგენს სიმსივნის დიდი ზომა, მისი ჩაზრდა მეზობელ ორგანოებში. ასევე უკუჩვენებაა შეხორცებითი პროცესი მუცლის ღრუში, მაგრამ ლაპარასკოპიული ტექნიკის განვითარების წყალობით ეს აღარ ითვლება აბსოლუტურ უკუჩვენებად.

- რა არის თოდუას კლინიკის უპირატესობა ზოგად ქირურგიაში?

ჩვენი კლინიკის უპირატესობაა ყველა პაციენტისთვის შექმნილი კომფორტული გარემო, არსებობს დიაგნოსტიკის ყველა თანამედროვე საშუალება, ტარდება ყველა სახის და სირთულის ქირურგიული ოპერაცია და საჭიროებისამებრ უტარდებათ მაღალტექნოლოგიური ქიმიო-სხივური თერაპია. პაციენტს აღარ სჭირდება სხვადასხვა კლინიკებში წასვლა და შეუძლია მიიღოს ყველა მომსახურება ერთ სივრცეში.

- ასეთი მეთოდით ოპერაციების წარმატებით გაკეთებისთვის სათანადო ტექნიკური აღჭურვილობაა საჭირო. თქვენს კლინიკაში რა მდგომარეობაა, ამ მხრივ?

ამ მხრივ შეიძლება ჩაითვალოს რომ ყველანაირი ხელშეწყობა გვაქვს ხელმძღვანელობის მხრიდან. თუ გვჭირდება უახლესი აპარატი, მას აუცილებლად ვიძენთ და ამ პროცესს მუდმივი ხასიათი აქვს. სულ ახლახანს შევიძინეთ ახალი აპარატი "ლიგა სურე" რომელსაც წარმატებით ვიყენებთ როგორც ღია, ისე ლაპარასკოპიული მეთოდის დროს.

- დაასახელეთ განსაკუთრებით რთულად შესასრულებელი ოპერაცია, რომელიც თოდუას კლინიკაში წარმატებით კეთდება.

უნდა აღინიშნოს, რომ ძალზედ სასიხარულოა, რომ დღეს გაიზარდა ქირურგების პროფესიული დონე და სხვადასხვა კლინიკებში ტარდება პრაქტიკულად ყველა ოპერაცია. ჩვენს კლინიკაში ლაპაროსკოპიულად წარმატებით ტარდება ოპერაციები: დიაფრაგმის საყლაპავის ხვრელის თიაქრის დროს, საყლაპავის ახალაზიის ( გაუვალობის) დროს, კუჭის რეზექცია და გასტრექტომია როგორც არაონკოლოგიური ასევე ონკოლოგიური დაავადებების დროს, წვრილი და მსხვილი ნაწლავის რეზექცია, სპლენექტომია, ადრენალექტომია, ყველა სახის თიაქრების პლასტიკა, ოპერაციები ღვიძლზე, ნაღვლის ბუშტზე და სანაღვლე გზებზე.

- აკეთებთ თუ არა ბარიატრიულ ოპერაციებს?

რა თქმაუნდა. ჩვენ ვაკეთებთ ახვადასხვა სახის ბარიატრიულ ოპერაციებს, მაგრამ მინდა აღვნიშნო, რომ ამ კატეგორიის პაციენტებთან გვაქვს განსაკუთრებული მიდგომა. ოპერაციას ვთავაზობთ იმ შემთხვევაში თუ ჩატარებული აქვს მკურნალობის ყველა კონსერვატიული მეთოდი ენდოკრინოლოგისა და დიეტოლოგის რეკომენდაციით და შედეგი არ აქვს. აუცილებლად ჩართულია მკურნალობის პროცესში ფსიქოლოგიც. ქირურგიულ ოპერაციაზე გადაწყვეტილებას ვღებულობთ მკაცრი კრიტერიუმების გათვალისწინებით.

R

გააკეთეთ კომენტარი
თარიღი : 23-10-2019
თეკო
ყველაზე,ყველაზე ძლიერი ქირურგი დედამიწაზე!!!
რეკომენდებული პროდუქტები
ჯანსაღი თმის შესანარჩუნებლად
ფასი: 75
ჯანსაღი თმის შესანარჩუნებლად
ფასი: 75
მხედველობის ჯანმრთელობისთვის-30აბი
ფასი: 44.9
ნერვული სისტემის გაძლიერებისთვის -60აბი
ფასი: 22.9
დიეტოლოგია
გრაცას უნივერსიტეტის (ავსტრია) მეცნიერებმა ჩაატარეს ხანგრძლივი ექსპერიმენტი, რომლითაც დაადგინეს, რომ პერიოდულად შიმშილობა
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
კატეგორიის სხვა სტატიები
12 წლის გოგონა, რომელმაც ლეღვის ნახარშის შედეგად 40%–იანი დამწვრობა მიიღო, მინიმუმ ერთი კვირის განმავლობაში
ჯანდაცვის მსოფლიო ორგანიზაციის დასკვნით, სიმსუქნე “XXI საუკუნის არაინფექციური ეპიდემიაა”.
დღესდღეობით ტონზილექტომია და ადენოიდექტომია ერთ-ერთი ყველაზე პოპულარული ოპერაციებია.
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად