როგორ შევინარჩუნოთ პლასტიკური ოპერაციით მიღებული შედეგები ხანგრძლივად
პირველ რიგში აუცილებელია სხეულის მუდმივი წონის შენარჩუნება. წონის მერყეობა ჭიმავს ქსოვილებს, ჭარბი წონა ხელს უწყობს ორგანიზმში სითხის შეკავებას და შეშუპების განვითარებას. სითხისგან დამძიმებული ქსოვილები მიზიდულობის ძალის მოქმედებით ქვევით ეშვება. ასევე არ შეიძლება წონის ერთბაშად დაქვეითება. გარკვეულ ასაკში ქსოვილები თავისთავად კარგავენ ელასტიურობას და დუნდებიან. წონაში კლება ულამაზოდ აისახება სარძევე ჯირკვლის ქსოვილებზე და იმპლანტები უკვე თვალნათელი ხდება.
ალკოჰოლის და თამბაქოს მოხმარება მინიმუმამდე უნდა დავიყვანოთ. ნიკოტინი არღვევს С ვიტამინს. ეს კი მნიშვნელოვანი კომპონენტია კოლაგენის სინთეზისათვის. კოლაგენი პასუხისმგებელია ჩვენი კანის ახალგაზრდობის განმსაზღვრელია. რუჯიც ასევე იწვევს კოლაგენის სწრაფ დაბერებას და კანის გაუწყლოებას. სპორტული დატვირთვაც რაციონალური უნდა იყოს, რადგანაც სისხლის მოდინება, საკვებ ნივთიერებებთან ერთად ხდება კანიდან კუნთისკენ.
მამოპლასტიკის შემდეგ, რეკომენდებულია ფიზიკური დატვირთვის შეზღუდვა ზედა მხრის სარტყელზე 6 თვის განმავლობაში. ლიპოსაქციის შემდეგ აუცილებელია მუდმივი წონის შენარჩუნება და მასაჟის გაკეთება.
სახეზე და ქუთუთოებზე ოპერაციის შემდეგ აუცილებელია კოსმეტოლოგთან მეგობრობა, რადგანაც ვერც ერთი ქირურგი ვერ შეცვლის თავად კანის ხარისხის შეცვლას.
ზოგადად, სპეციალისტები გვირჩევენ ჯანსაღი ცხოვრების წესს, სწორად კვებას, აქტივობის შენარჩუნებასა და საკმარისად ძილს.