დღესასწაულის შემდეგ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

დღესასწაულის შემდეგ

ხანგრძლივი დასვენების შემდეგ ცხოვრების რიტმის შეცვლამ არ შეიძლება სტრესი არ გამოიწვიოს. პირო-ბები შეიცვალა - ბუნებრივია, ორგანიზმი, ფსიქიკა ამაზე რეაგირებენ, რათა ადაპტაცია მოახდინონ შეცვ-ლილ გარემოსთან. ძალები მობილიზდება, გარემოსა და სიტუაციის მკვეთრი ან ხანგრძლივი ცვლილება იმუნიტეტის დაქვეითებას იწვევს. საზაფხულო შვებულების შემდეგ სამუშაო რიტმში დაბრუნება უფრო იოლია, რადგან ამაში კოლეგების საქმიანი განწყობა გეხმარებათ, დღესასწაულის შემდგომი საყოველთაო მოდუნება და დაღლილობა კი შრომის ეფექტურობას ნაკლებად უწყობს ხელს. უსიამოვნო განწყობა, მოთენთილობა, ძილის დარღვევა, დაბნეულობა, გართობის სურვილი და სიზარმაცე - ეს ყველაფერი დღესასწაულის შემდგომი სტრესის ნიშანია. საინტერესოა, როგორ გაატარეთ დღესასწაული, ხომ არ გჭირდებათ "დასვენება დასვენების შემდეგ".

რა გაღელვებთ ყველაზე მეტად?

აი ტიპური ვარიანტები:

  • გეგმები, რომელთა განხორციელებასაც ამ დღეებში აპირებდით, შემუშავების სტადიაში დარჩა. იმის გაცნობიერება, რომ სასარგებლო ვერაფერი გააკეთეთ, თქვენს სინდისს მძიმე ტვირთად აწევს. რამდენი თავისუფალი დრო დაიკარგა უქმად!
  • ელოდით, რომ ამჯერად მაინც მოხდებოდა სასწაული, მოგართმევდნენ საოცნებო საჩუქარს ან შეხვდებოდით ადამიანს, რომელიც სრულიად შეცვლიდა თქვენს ცხოვრებას, მაგრამ... არავითარი ჯადოქრობა არ მომხდარა.
  • წაეჩხუბეთ ქმარს ან ახლობლებს (სტატისტიკური მონაცემებით, დასვენების პერიოდში ოჯახური უთანხმოებები და განქორწინებები ხშირდება. ჩვეულებრივ დღეებში თქვენ მიჩვეული ხართ ახლობლების ნახვას საღამოობით, როცა ისინი სამსახურიდან ან სასწავლებლიდან ბრუნდებიან, ინტენსიურმა ურთიერთობამ კი დაგღალათ).
  • მეტისმეტად მუყაით ადამიანებს შვებულების შემდეგ სამუშაოზე დაბრუნება არ უჭირთ, რადგან ისინი საერთოდ არ ისვენებენ. თუ მათ რიცხვს ეკუთვნით, თქვენი გაღიზიანება ბუნებრივია.

ქალები უფრო მეტად არიან მიდრეკილნი დღესასწაულის შემდგომი სტრესისადმი, რადგან სწორედ ისინი არიან დაკავებულნი ყველაფრის ორგანიზებით, საჩუქრების ძებნით, სტუმრების გამასპინძლებით, თუმცა მოქნილობის წყალობით დასვენებისთვის უფრო ნაკლები დრო სჭირდებათ. სტრესის გადალახვა გაგვიადვილდება, თუ დავიცავთ ზომიერებას და ახალ რიტმს თანდათანობით შევეჩვევით. ეცადეთ, ადრე ადგეთ და ადრე დაწვეთ. სამსახურშიც და სახლშიც ყველა საქმეს ერთდროულად ნუ შეეჭიდებით.

მეტი დრო დაუთმეთ ურთიერთობებს,  მოაწესრიგეთ ფოსტა და დოკუმენტაცია.

თუ კონცენტრირება გიჭირთ, დაიწყეთ ბინის დალაგება. ეს გონების მოკრებაში დაგეხმარებათ. თავი არიდეთ დაუფიქრებელ ნაბიჯებს. სტრესის მდგომარეობაში მყოფი ადამიანისთვის დამახასიათებელია შეცდომების დაშვება. გადაწყვეტილების მიღება არ იჩქაროთ. განეწყვეთ უკეთესისთვის და ცვლილებებს იოლად გადალახავთ.