წვეტიან მაღალ ქუსლებთან დაკავშირებული 5 საშიშროება - მკურნალი.გე

ლალი ჩხიკვაძე

სამედიცინო სტატისტიკა დაუნდობელია: ქალები 10-ჯერ უფრო ხშირად განიცდიან ტკივილს ტერფის არეში. და მოდის ტენდენციები აქ ერთ-ერთ წამყვან როლს თამაშობს.

მაღალი ქუსლების ხანგრძლივი ტარებით, რომლებსაც სიმძიმის ცენტრი ტერფის წინა მხარეს გადადის, ხდება კუმულაციური დეფორმაციული ცვლილებები. მათი მასშტაბები შეიძლება გაიზარდოს იმით, რომ ცხოვრების განმავლობაში ნებისმიერი ქალი გადის ბევრ ჰორმონდამოკიდებულ „რესტრუქტურიზაციას“. და ეს, თავის მხრივ, მნიშვნელოვნად მოქმედებს შემაერთებელი ქსოვილისა და მყესების სტრუქტურაზე.

1. ბრტყელტერფიანობა

დევისის კანონი (პირველად ჩამოაყალიბა ამერიკელმა ორთოპედმა ჰენრი დევისმა) ამბობს, რომ როდესაც მყესები მუდმივად გადატვირთულია, ისინი ჰიპერტროფიას განიცდის და გრძელდება ახალი უჯრედების წარმოქმნის ხარჯზე. ამიტომ მუდმივად მაღალქუსლიანი ფეხსაცმლის ტარება იწვევს დეფორმაციას და, კერძოდ, განივ ბრტყელტერფიანობას.

2. Hallux Valgus

hallux valgus, ასევე ხშირად გვხვდება მაღალი ქუსლების მოყვარულებში. ზედმეტი დატვირთვის და მყესების გადაჭიმვის გამო, პირველი თითი ფაქტიურად იხრება გარეთ. განსაკუთრებით ფრთხილად უნდა იყვნენ ისინი, ვისაც გენეტიკური მიდრეკილება აქვს ამ დაავადების მიმართ.

3. მორტონის ნევრომა

ეს მტკივნეული პათოლოგია გამოწვეულია ფეხისგულის ნერვის მიდამოში ბოჭკოვანი ქსოვილის გამრავლებით, რაც გამოწვეულია ტერფის წინა ნაწილის გახანგრძლივებული გადატვირთვით. სხვათა შორის, ქუსლიანი ფეხსაცმლის მოდელს, როგორც წესი, აქვს ვიწრო ცხვირი, რაც დამატებით იწვევს პათოლოგიის გამოვლინებას. ამავდროულად, იზრდება ისეთი პრობლემის რისკი, როგორიცაა ონიქოკრიპტოზი (ჩაზრდილი ფრჩხილი), როდესაც ფრჩხილის ფირფიტის ბასრი კიდე აზიანებს პერიუნგალურ ნაკეცს.

4. კოჟრები

კანის სისტემატური გამკვრივება არსებითად არის სხეულის დამცავი რეაქცია გადატვირთვაზე. ზოგიერთ შემთხვევაში, ქალუსები და კოჟრები იწვევს უამრავ დისკომფორტს. და მათთან ბრძოლა პედიკურის პროცედურით მხოლოდ დროებით შვებას იწვევს, რასაც მოჰყვება რეციდივი.

5. აქილევსის მყესის ანთება.

შეიძლება გამოწვეული იყოს ფეხსაცმლის ხშირად გამოცვლით. სტილეტოდან სპორტულ ფეხსაცმელზე გადასვლის ჩვევა იწვევს მყესების სწრაფად დაჭიმვას. შედეგად ისინი მუდმივად განიცდიან მიკროტრავმებს და ერთ დღესაც შეიძლება განვითარდეს ანთება.

მნიშვნელოვანია გვესმოდეს, რომ ფეხებთან დაკავშირებული პრობლემები არასოდეს არის ერთადერთი პრობლემა. გადატვირთვა და დეფორმაცია ხდება მთელ საყრდენ-მამოძრავებელ სისტემაში. ანთებითი პროცესები შეიძლება დაიწყოს მუხლებზე, ხერხემალსა და კისერზეც კი. პათოლოგიური ტანდეგობა, მუდმივი ზურგის ტკივილი და ცეფალალგიაც კი (თავის ტკივილი) ეს ყველაფერი მაღალქუსლიანი ფეხსაცმლის ხშირად ტარების შედეგი შეიძლება იყოს.

"ქუსლი ქალს გარკვეულ არასტაბილურობას ანიჭებს, რაც იმას ნიშნავს, რომ აუცილებლად იქნება მამაკაცი, რომელსაც მისი მხარდაჭერა მოუნდება." არავინ დავობს იმ ფაქტს, რომ ქალურობა ასოცირდება მაღალქუსლიან ფეხსაცმელთან.

თუმცა, ჩვენი სხეული უბრალოდ არ არის შექმნილი მაღალი ქუსლების სატარებლად. უფრო მეტიც - ჩვენი ფეხები ევოლუციურად არ არის შექმნილი ფეხსაცმლისთვის. ჰომო საპიენსი გაჩნდა დაახლოებით მილიონნახევარი წლის წინ. და მხოლოდ დაახლოებით 20 ათასი წლის წინ, არქეოლოგიური გათხრების მიხედვით, ჩვენი წინაპრები დაინტერესდნენ ამა თუ იმ სახის ფეხსაცმლის დამზადებით.

სავარაუდოდ, ეს უკავშირდებოდა თემების განვითარებას, დღევანდელი ქალაქების პროტოტიპების გაჩენას რაღაც ტროტუარებით - უხეში ზედაპირებით.

ხალხი უფრო ჩრდილოეთით გადავიდა, სადაც ბუნებრივმა პირობებმა აიძულა, ფეხსაცმლის ტარებაზე ეზრუნათ ტერფების უსაფრთხოებისათვის. როგორც არ უნდა იყოს, ნებისმიერი ფეხსაცმლის ტარება არც ისე ფიზიოლოგიურია. მაგრამ აუცილებელია ფეხების დაცვა.

რა თქმა უნდა, მაღალქუსლიანი ფეხსაცმლის ტარების ხანგრძლივობა დიდ როლს ასრულებს. და თუ მას დღის უმეტეს ნაწილს ატარებთ, პრობლემები გარდაუვალია. როგორ შევამსუბუქოთ სიტუაცია?

• თუ დრეს-კოდი მოითხოვს ქუსლების ტარებას, თან იქონიეთგამოსაცვლელიფეხსაცმელი. სამუშაო დღის შემდეგ ფეხების მცირე მასაჟის შემდეგ, ჩაიცვით მოხერხებული კომფორტული ფეხსაცმელი.
• გამონახეთ დრო მცირე ვარჯიშისთვის მთელი დღის განმავლობაში. საკმარისია გაიხადოთ ფეხსაცმელი მაგიდის ქვეშ და, მაგალითად, ჩოგბურთის ბურთიტერფებითგააგოროთ.
• გამოიყენეთ ორთოპედიული ძირები.ტერფის სრული კონტაქტური ორთოზი (კარგია, თუ ისინი დამზადებულია ექიმის მიერ თერმოპლასტიკური მასალისგან ახალი ზელანდიური ტექნოლოგიით) ხელს უწყობს ფეხზე დატვირთვის უფრო თანაბრად განაწილებას.

უქუსლო ფეხსაცმელი ყოველთვის კარგია?

თავად ქუსლი, როგორც ფეხსაცმლის ფუნქციური ელემენტი, არ არის აბსოლუტურად საზიანო. უფრო მეტიც, ექიმები გვირჩევენ პატარა სიმაღლის ქუსლების ტარებას (2,5-3 სანტიმეტრი). ქუსლის ოდნავ აწევა ტერფის წინა ნაწილთან შედარებით მოძრაობას უფრო კომფორტულს ხდის.

გავიხსენოთ როგორ დავდივართ. ჯერ ვაბიჯებთ ქუსლზე, შემდეგ გადავდივართ ტერფის წინა წინა მხარეს და ნაბიჯს ვამთავრებთ ფეხის თითებზე. შესაბამისად, მცირე ქუსლი ან ლანჩის სისქეში განსხვავება ამცირებს ჩვენს „შრომის ხარჯებს“. კანჭის კუნთები არ არის გადატვირთული და ქუსლები ასფალტს ნაკლებად „ურტყამს“.

ამიტომ ექიმებს არც თუ ისე უყვართ „ბალეტკები“ - ფეხსაცმელი ფაქტობრივად ნულოვანი ქუსლებით.

მართლაც, „ბალეტკის“ ძირები ძალიან თხელი და ბრტყელია. შესაბამისად, ის არ იცავს ჩვენს ფეხებს აგრესიული ზედაპირისგან, რომელზეც დავდივართ.

„ბალეტკის“ დამატებითი მინუსი არის რბილი, უფორმო საქუსარი და ფეხზე ფიქსაციის ნაკლებობა. ეს ყველაფერი იწვევს ფეხის და ტერფის კუნთების არაოპტიმალურ გადატვირთვას და თანმხლებ დისბალანსს მთელ საყრდენ-მამოძრავებელ სისტემაში.