როგორ შევინარჩუნოთ თმის სილამაზე ცივ ამინდებში
შემოდგომა-ზამთრის პერიოდში უარი უნდა ვთქვათ ან მინიმუმამდე დავიყვანოთ თმის უთოს გამოყენება, რადგანაც თერმული ზემოქმედება უარყოფითად მოქმედებს თმის მდგომარეობაზე.
წლის ცივ პერიოდში თმას დახმარება სჭირდება, ამიტომ უფრო აგრესიული შამპუნები უნდა შევცვალოთ რბილი დასაბანი საშუალებებით, რომლებიც არ გამოაშრობს თმასა და კანს. საჭიროა დამატენიანებელი საშუალებების, ნიღბების, ბალზამების რეგულარული გამოყენება.
ფენის გამოყენებისას არ უნდა დაგვავიწყდეს თმის თერმოდამცავი საშუალებები. რეგულარულად უნდა შევიჭრათ თმის გაყოფილი ბოლოები.
მნიშვნელოვან როლს ასრულებს სრულფასოვანი კვება. აუცილებელია რომ რაციონში იყოს ცილები, ცხიმები, ამიტომ უნდა მივიღოთ ხორცი, ფრინველი, თევზი, ნიგოზი, ბოსტნეული, რათა სრულად უზრუნველყოთ ორგანიზმი აუცილებელი ვიტამინებითა და მინერალებით.
თავის თმიანი ნაწილის კანზე ნებისმიერი გამონაყარის, ანთებითი პროცესის, კანის აქერცვლის შემჩნევის შემთხვევაში აუცილებელია ექიმის კონსულტაცია, რადგანაც ჯანსაღი კანის გარეშე არ არსებობს ჯანმრთელი თმა.