როდის გწყალობთ ბედი? - მკურნალი.გე

რუბრიკები

ოჯახის მკურნალის ანონსი

ივნისი 2021

კითხვა-პასუხი

როდის გწყალობთ ბედი?

როდის გწყალობთ ბედი?
მეცნიერები უკვე დიდი ხანია იკვლევენ გამარჯვებათა ისტორიებს და წარმატებული ადამიანების პიროვნულ თვისებებს. მაშ ასე, რით განსხვავდებიან იღბლიანები უიღბლოებისგან, ან როგორ მივაღწიოთ წარმატებას? მუდმივად იაქტიურეთ, შეასრულეთ შემდეგი ინსტრუქციები და დაინახავთ, რომ შედეგი არ დააყოვნებს.

  • შემოიტანეთ სიყვარული თქვენს ცხოვრებაში. დაიწყეთ საკუთარი თავით. გახსოვდეთ: თქვენ ღირსი ხართ ყველაზე თბილი, ყურადღებიანი და ფაქიზი მოპყრობისა. გაანებივრეთ ახლობლები, მიუძღვენით საჩუქრები, გაახალისეთ, ხშირად უთხარით კომპლიმენტები.
  • დაფიქრდით, რა გიშლით ხელს, რომ მომავალს იმედიანად და თავდაჯერებულად უყუროთ. დაასრულეთ დაუმთავრებელი საქმეები და დაივიწყეთ წარსული. იღბლიანი ადამიანები წინ მიიწევენ და უკან არ იხედებიან.
  • წარუმატებლობა
    ხშირად იმის ბრალია, რომ ჩვენ თვითონ ვერ გაგვირკვევია, რა გვინდა, ან რისკისა გვეშინია და ვამჯობინებთ, „სხვებივით“ მოვიქცეთ. საკუთარი სურვილების ამოცნობა არც ისე ადვილია. თავდაპირველად ზუსტად განსაზღვრეთ მიზანი, მერე კი დაწერეთ გეგმა, რომელიც ამ მიზნის მისაღწევად არის საჭირო. მიუთითეთ დრო, რომელიც თითოეული ამოცანის გადაწყვეტას დასჭირდება.
  • დახატეთ თქვენი
    ოცნება და დაკიდეთ გამოსაჩენ ადგილზე, ან დაწერეთ სანუკვარი სურვილის შესახებ ისე, თითქოს უკვე აგისრულდათ და ეს ჩანაწერი მუდამ თან ატარეთ. ეს ყოველივე დაგეხმარებათ, უკეთ ჩასწვდეთ საქმის არსს და ყურადღება გაამახვილოთ დეტალებზე.
  • როგორც ფილოსოფოსები ამბობენ, უიღბლოა ის, ვისაც შეცდომის შემთხვევაში არ შესწევს უნარი, ეს ექსპერიმენტად ჩათვალოს, იღბლიანი კი – ის, ვინც იმდენად არის დარწმუნებული თავის წარმატებაში, რომ შეცდომა აღარც კი სჭირდება.
  • ალბათ, გესმით, რომ ნებისმიერ პრობლემას შეიძლება სხვადასხვა კუთხით შევხედოთ. ჩანთა გაგეხათ? შესანიშნავია! თქვენ ხომ ისედაც აპირებდით ახლის შეძენას. შეყვარებულმა მოულოდნელად პაემანი გადადო? ბოლოს და ბოლოს, შეძლებ ახალი ფილმის ნახვას! ასეთი ტიპის აზროვნება სასარგებლოა იმით, რომ მიგაჩვევთ, ხელიდან არ გაუშვათ არც ერთი შანსი, რომელსაც კი გთავაზობთ ცხოვრება.
  • ფატალისტი ხართ თუ მიგაჩნიათ, რომ ყველაფერი თქვენზეა დამოკიდებული? გულწრფელი პასუხი გაჩვენებთ საკუთარ ცხოვრებაზე თქვენი პასუხისმგებლობის ხარისხს. ხშირად ხელის მოცარვას არასასურველ გარემოებებს მივაწერთ, გამარჯვებას კი საკუთარ დამსახურებად მივიჩნევთ, სხვების წარმატებასა თუ წარუმატებლობას კი პირიქით ვუდგებით: წარმატება წმინდა შემთხვევითობად მიგვაჩნია, წარუმატებლობა კი – მათი უყურადღებობის, სიზარმაცისა და სისუსტის შედეგად.
    დაიმახსოვრეთ: საკუთარ თავზე თვითონ აგებთ პასუხს. იღბლიანობა – ეს არის უნარი, სწორად შეაფასო სიტუაცია და საკუთარი შესაძლებლობები, ამიტომ, როცა გადაულახავ წინააღმდეგობას ხვდებით, კარგად მოიფიქრეთ, როგორ აუაროთ გვერდი.
  • გჯეროდეთ, ცხოვრება ყველას უმზადებს სიურპრიზებს, როგორც სასიამოვნოს, ისე უსიამოვნოს. როგორი იქნება თქვენი დამოკიდებულება, ეს უკვე თქვენს არჩევანზეა.

ერთი სიტყვით, ბედნიერება თქვენს ხელთაა. იცხოვრეთ ყოველი წამით, გაუღიმეთ მომავალს და გჯეროდეთ, რომ ბედიც გაგიღიმებთ.
გააკეთეთ კომენტარი
კომენტარი არ გაკეთებულა
დიეტოლოგია
ჭარბი წონის მიზეზებსა და პრობლემის გადაჭრის მეთოდებზე გვესაუბრება კლინიკა "ენმედიცის" წამყვანი ენდოკრინოლოგი მაია ჩიქობავა.
კატეგორიის სხვა სტატიები
საწოლის ლამაზი თეთრეული ქმნის სასიამოვნო განწყობილებას და ახარებს თვალს. როგორ მოვუაროთ მას, რომ დიდხანს შევინარჩუნოთ?
ვაგრძელებთ პუბლიკაციების ციკლს მოვლის შესახებ.
დღევანდელი რუბრიკის თემაა გინეკოლოგიისა და რეპროდუქტოლოგიის მეტად აქტუალური საკითხი – პათოლოგიური სისხლდენა საშვილოსნოდან.
სწორი ნაწლავის პოლიპი სწორი ნაწლავის პოლიპები კეთილთვისებიანი სიმსივნური წარმონაქმნებია. ისინი სწორი ნაწლავის კედლიდან მის სანათურში იზრდება.
როგორ გადავეწყოთ თბილ სეზონზე და როგორ მოვიქცეთ ორგანიზმის უმტკივნეულო ადაპტაციისთვის.
როდის აღმოცენდება დაბუჟება და ტკივილი კეფის მიდამოში
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად