მასტოპათია – სარძევე ჯირკვლის სახიფათო თუ საყურადღებო მდგომარეობა - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

მასტოპათია – სარძევე ჯირკვლის სახიფათო თუ საყურადღებო მდგომარეობა

მასტოპათია – სარძევე ჯირკვლის სახიფათო თუ საყურადღებო მდგომარეობა
სარძევე ჯირკვალი ადამიანის ორგანიზმის ერთ-ერთი სათუთი ორგანოა, რომლის სიჯანსაღეზე მოქმედებს შინაგანი სეკრეციის ჯირკვლების ფუნქციონირება. ჯანდაცვის მსოფლიო ორგანიზაციის მონაცემებით, 40 წლის ასაკისთვის ქალების 60%-ზე მეტს მასტოპათიის დიაგნოზი აქვს. სარძევე ჯირკვლის პათოლოგიაზე – მასტოპათიაზე გვესაუბრება კლინიკური ონკოლოგიის ინსტიტუტის ექიმი მამოლოგი თამარ აბულაძე.

– ქალბატონო თამარ, რა არის მასტოპათია და მისი განვითარების მიზეზები?

– მასტოპათია რეპროდუქციული ასაკის ქალებში ენდოკრინული სისტემის ფუნქციისა და ნივთიერებათა ცვლის დარღვევის შედეგად ვითარდება.

მასტოპათია უფრო ხშირად გვხვდება იმ ასაკში, როდესაც საკვერცხეები ყველაზე მეტად არის გააქტიურებული, ამდენად ის რეპროდუქციულ და პრეკლიმაქსურ
პერიოდში გვხვდება.

– რა სახის შეიძლება იყოს მასტოპათია?

არსებობს მასტოპათიის სამი ფორმა:

  • ფიბროზულ-ცისტოზური;
  • დიფუზური;
  • კვანძოვანი.

ამათგან უფრო საყურადღებოა კვანძოვანი ფიბროადენომატოზი, ანუ კვანძოვანი მასტოპათია, რადგან შესაძლოა კვანძის გადაგვარება, ჰორმონული დისბალანსის ფონზე მისი შეცვლა, ატიპია. მასტოპათიებიდან სწორედ კვანძოვანი ფორმა მიიჩნევა იმ პათოლოგიად, რომელიც შესაძლოა ოპერაციული ჩარევით დასრულდეს.

– როგორია კლინიკური სიმპტომები?

– ფიბროზულ-ცისტოზური მასტოპათიის დროს სარძევე ჯირკვალი სტრუქტურულად ძალზე მარცვლოვანია. ხშირად ახასიათებს სადინარის გაფართოება, მასტოპათიის ამ ფორმას ახასიათებს სეროზული მომწვანო-მოყვითალო ან მოყავისფრო გამონადენი. ქალები სწორედ გამონადენის გამო მოგვმართავენ. აქვე უნდა აღვნიშნო, რომ ზოგჯერ ქალები დვრილიდან სისხლიან გამონადენს უჩივიან. ამ შემთხვევაში საჭიროა დიფერენცირება ავთვისებიან პროცესსა და სადინარშიდა პაპილომას შორის. სადინარშიდა პაპილომა არანაკლებ საყურადღებოა, ის ხშირად არც მამოგრაფიულად და არც ექოსკოპიურად ჩანს. ასეთ დროს აუცილებელია გამონადენის ციტოლოგია.

რაც შეეხება დიფუზურ მასტოპათიას, ამ დროს სარძევე ჯირკვალი დიფუზურად გამკვრივებული და გაჯირჯვებულია. როცა ქალს ვსინჯავთ, ყოველთვის ვეკითხებით, ხომ არ აქვს გენიტალიების ან ფარისებრი ჯირკვლის რომელიმე პათოლოგია, რადგან სარძევე ჯირკვალში გამოხატული ცვლილებები ხშირად დასახელებულ ორგანოთა პათოლოგიების შედეგია.

კვანძოვანი მასტოპათიის დროს ძუძუს ქსოვილში მკვეთრად შემოფარგლული ძუძუს ქსოვილი ჩნდება.

კლინიკურად მასტოპათიას ახასიათებს:

  • ტკივილის და დისკომფორტის შეგრძნება (მასტალგია);
  • სეროზული გამონადენის არსებობა: მომწვანო-მოყვითალო და ზოგჯერ მუქი ყავისფერი.

აქვე მინდა აღვნიშნო, რომ მტკივნეულობა მატულობს მენსტრუალური ციკლის წინა პერიოდში, ამ დროს სარძევე ჯირკვალი გამკვრივებული და მტკივნეულია, რასაც ჩვენ ვუწოდებთ პრემენსტრუალურ სინდრომს, რომელიც ციკლის დამთავრებისთანავე მშვიდდება და დისკომფორტი ქრება.

– როგორ ხდება დიაგნოსტიკა?

– ძუძუს ხელით სინჯავს მამოლოგი, პაციენტს უტარდება მამოგრაფია, ექოსკოპია, საეჭვო პროცესის აღმოჩენისას კი საჭიროა დამატებითი კვლევები ქორბიოფსია, ანუ მსხვილი ნემსით პუნქცია და ციტოლოგია.

მამოგრაფიაზე – უკეთდება 35-40 წლის ქალებს. უფრო პატარა ასაკში საჭიროა ძუძუს ექოსკოპია.

– რამდენად მნიშვნელოვანია თვითგასინჯვა და როგორ უნდა გააკეთოს ეს ქალმა?

– თვითგასინჯვა რეგულარულად, ყოველთვიურად, მენსტრუალური ციკლის დამთავრებიდან მე-7-10 დღეს უნდა მოხდეს. მენოპაუზის შემთხვევაში – თვის ერთსა და იმავე რიცხვში.

  • ყურადღებით უნდა დათვალიერდეს ჯირკვალი, ამ პროცესის ჩატარება შეიძლება ჩაიტარონ დგომისას – სარკის წინ, შხაპის ქვეშ ან ზურგზე წოლისას;
  • უნდა შემოწმდეს ძუძუს დვრილები, ხომ არ შეინიშნება ჩაბრუნება, დაწყლულება, ფერის შეცვლა;
  • დიდი ყურადღება მიაქციეთ კანის ფერს, ხომ არ შეინიშნება მისი შეშუპება, შეჭმუხვნა და ფერის შეცვლა;
  • გულდასმით უნდა დათვალიერდეს იღლიის ფოსო. თუ ხელით შეიგრძნობთ გადიდებულ ლიმფურ კვანძს, აუცილებლად მიმართეთ ექიმს.

– როგორია მასტოპათიის პროფილაქტიკა?

– რადგან ძუძუ კორელაციაშია ფარისებრისა და გენიტალიების პათოლოგიებთან, ქალებს ვურჩევთ ამ ორგანოების კონტროლს, რადგან მათი პრობლემები უშუალოდ უკავშირდება ძუძუში მიმდინარე დისჰორმონულ პროცესს – რასაც მასტოპათია მოიცავს.

– როგორია მასტოპათიის მკურნალობა და პროგნოზი?

– მკურნალობა ძირითადად მედიკამენტურია, მოიცავს გარკვეულ პერიოდს და საჭიროებს მონიტორინგს, რომელსაც მამოლოგი მართავს. პროგნოზი კეთილსაიმედოა!
გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
ყველასათვის საყვარელი მოდელი კრისტი ყიფშიძე, მკურნალი.გე-ს სილამაზის საკუთარ რეცეპტს ანდობს.
ყველა ქალბატონს სილამაზის საკუთარი რეცეპტი აქვს. ზოგი პლასტიკურ ქირურგიას მიმართავს, ზოგი - რძის აბაზანებს იღებს,
ყველა ადამიანი მიმზიდველი ჩანს, როცა მის ფეხს მოხდენილი ფეხსაცმელი ან
ახალ წლამდე არც ისე ბევრი დრო დარჩა, ქალებს ყოველთვის გვსურს საყვარელ მამაკაცს
ალბათ, იცით, რომ მზე თმას ძალიან აზიანებს და მისი დაცვა მზის პირდაპირი სხივებისგან აუცილებელია.
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
ადამიანის ხერხემალს ყოველდღიურად დიდი დატვირთვა ადგება, შესაბამისად,
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად