ქალური ხრიკები - მკურნალი.გე

რუბრიკები

ოჯახის მკურნალის ანონსი

იანვარი 2020

ქალური ხრიკები

ქალური ხრიკები
სწორად გაიკეთეთ მაკიაჟი ნებისმიერი ქალი ცდილობს, თავს მეტ-ნაკლებად მაინც მოუაროს. შინიდან გასვლის წინ ბევრი მაკიაჟს იკეთებს. თუ თხელი წარბები გაქვთ, მათი გახშირება და გასქელება შეგიძლიათ სპეციალური პუდრით ან ქუთუთოს მუქი ჩრდილით. წარბების კორექცია უმტკივნეულო რომ იყოს, დაწყებამდე რამდენიმე წუთით ადრე წარბებზე ცხელ წყალში დასველებული ბამბის ტამპონი დაიდეთ, კორექციის დროს კი კანი ოდნავ დაიჭიმეთ თითებით.


საღამოს მაკიაჟისთვის

გირჩევთ გამოიყენოთ მოოქროსფრო პუდრი, რომელიც თქვენი კანის ფერზე ერთი ტონით ღიაა, ასევე - თვალის მბრწყინავი ჩრდილი. თუ მშრალი და აქერცლილი კანი გაქვთ, ის წინასწარ უნდა მოამზადოთ.
თავდაპირველად ცხიმიანი კრემი წაისვით, შემდეგ - დამატენიანებელი, ბოლოს ტონალური გადაისვით. ანთებიანი და ფორებიანი კანისას კი პუდრი ან კრემპუდრი ამჯობინეთ.

მაკიაჟი ისე უნდა მოიშოროთ, როგორც მასაჟს იკეთებთ. საამისოდ გამოგადგებათ კოსმეტიკური რძე, მაკიაჟის სპეციალური მოსაშორებელი კრემი, სველი ხელსაწმენდი. თავდაპირველად პომადა მოიშორეთ, უმჯობესია, ბამბის ტამპონით, ტუჩის კუთხეებიდან ცენტრისკენ.


მომხიბვლელობის საიდუმლო


თურმე პომადის ფერი ხაზს უსვამს ქალის ხასიათს.

ვარდისფერი პომადა რომანტიკული ბუნების მანიშნებელია. ვისაც ვარდისფერი ღიმილი ამშვენებს, უყვარს კომფორტი და ოჯახური მყუდროება. იისფერი პომადა მოდის მიმდევრებს უყვართ. ისინი გამოირჩევიან დამოუკიდებლობით, თავისუფლების სიყვარულითა და ექსტრავაგანტურობით.

მკვეთრი წითელი ფერის პომადა უყვართ ძლიერ, გაბედულ, მტკიცე ხასიათის ვნებიან ქალბატონებს. ჩალისფერი და ყავისფერი პომადის მოყვარულ ქალბატონებს უყვართ ჩრდილში დგომა, აქვთ მშვიდი, გაწონასწორებული ხასიათი.

ნარინჯისფერი და ოქროსფერი პომადის მოყ­ვარულები გულუხვი, ხალისიანი ადამიანები არ­ი­ან...


ქალი და სურნელი

როგორც ამბობენ, არ არსებობს ქალი, საყვარელი სუნამო რომ არ ჰქონდეს, თუმცა არიან ქალები, რომელთაც უჭირთ თავიანთი სურნელის პოვნა. ზოგს მოტკბო სუნი აღიზიანებს და მძაფრი იზიდავს, ზოგს კი - პირიქით; ზოგს ნაზი სურნელი მოსწონს, ზოგს კი მკვეთრი. ქალი და მისი არომატი ერთ მთლიანობას უნდა ქმნიდნენ - ეს ყოველგვარი პარფიუმერიის მოხმარების აქსიომაა.

ბევრი საყვარელ სუნამოს წლების განმავლობაში ხმარობს და თუ ის სწორად არის შერჩეული, დიდხანს იდგება თქვენი ქალურობისა და მომხიბვლელობის სამსახურში.


ზოგიერთი წვრილმანი

რა ჯობს - სუნამო თუ ტუალეტის წყალი? რას ნიშნავს ეაუ დე პარფუმ და ეაუ დე ცოლოგნე? ღირს თუ არა ტესტერის შეძენა?

პარფუმ და ეაუ დე პარფუმ ყველაზე მაღალი კონცენტრაციის პარფიუმერული ნაწარმია, რომელშიც 22%-ია არომატული კომპოზიციის წილი. შემდეგ მოდის ეაუ დე ტოილეტტე (10%) და ეაუ დე ცოლოგნე (5%). არომატის სტრუქტურა რამდენიმე ნოტისაგან შედგება - საწყისი, შუა (გულის) და შლეიფის ნოტებისაგან. საწყისი პკურებიდან დაახლოებით 20 წუთის შემდეგ ქრება, შუა გაცილებით მეტხანს რჩება. ყველაზე მეტხანს კი შლეიფის ნოტები ძლებს. ასე რომ, სანამ სუნამოს შეიძენდეთ, კანზე ისხურეთ და 40 წუთი მოიცადეთ.


სხვადასხვა ადგილას სხვადასხვა სუნამოა საჭირო

ოფისში - მსუბუქი სურნელი, „უნისექსის“ სტილში. ნუ ისხურებთ ბევრს, გაუწიეთ ანგარიში სხვა ადამიანების სასუნთქ ორგანოებს, გაითვალისწინეთ, რომ ყველას სხვადასხვაგვარი გემოვნება აქვს.

წვეულებაზე - ნუ აჰყვებით ცდუნებას და სუფრასთან დაჯდომის წინ ნუ განიახლებთ სუნამოს. სუნამოსა და საჭმლის სურნელი ცუდ კომბინაციას ქმნის. ნუ ისხურებთ სუნამოს ტანსაცმელზე, განსაკუთრებით - ღია ფერის სამოსზე, ასევე - აბრეშუმის ქსოვილზე, შესაძლოა უსიამოვნო ლაქები დაგრჩეთ. სასურველია გამოიყენოთ ერთი და იმავე ფირმის მალამოები, ჟელეები, დეოდორანტები, თმის ლაქი და საპონი.

დაბოლოს, კიდევ ერთი რჩევა: ჩაიცვით გამომწვევად, მაგრამ გემოვნებით. ეს გამოგარჩევთ სხვა ქალებისგან და გამოკვეთს თქვენს ხალისიან და გულღია ბუნებას, თანაც ადვილად დაგიმახსოვრებენ.
გააკეთეთ კომენტარი
კომენტარი არ გაკეთებულა
დიეტოლოგია
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
კატეგორიის სხვა სტატიები
ყველა ქალბატონს სილამაზის საკუთარი რეცეპტი აქვს. ზოგი პლასტიკურ ქირურგიას მიმართავს, ზოგი - რძის აბაზანებს იღებს,
ალბათ, იცით, რომ მზე თმას ძალიან აზიანებს და მისი დაცვა მზის პირდაპირი სხივებისგან აუცილებელია.
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
ძნელია ადამიანი არ დააბნიოს კრემების, ლოსიონების, ტონიკების მრავალფეროვნებამ,
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
თმის ცვენის პროცესის შეჩერება, სქელი და ხშირი თმის დაბრუნება შესაძლებელია მხოლოდ მაშინ,
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად