რჩევები

როგორ ვებრძოლოთ ჭარბ ოფლიანობას საზარდულის არეში

როგორ ვებრძოლოთ ჭარბ ოფლიანობას საზარდულის არეში
საზარდულის მიდამოში დიდი რაოდენობითაა ისეთი საოფლე ჯირკვლები, რომლებსაც შეუძლია კანის საპროფიტული მიკროორგანიზმების კოლონიზაცია (ინტენსიური გამრავლება) და სუნის პროდუცირება. განსაკუთრებით ცუდია სუნი მაშინ, თუ ამას თან ერთვის ანუსის ოფლიანობაც.

ოფლს მკვეთრი სუნი არ ახასიათებს, სუნის მიზეზი ხდება ის ბაქტერიები, რომლებიც სახლდებიან ოფლიან გარემოში (ეს გარემო ბაქტერიების გამრავლებისთვის ხელსაყრელია). აუცილებელია იმის ცოდნა, რომ ჰიპერჰიდროზის მიზეზი შეიძლება იყოს ენდოკრინული, გულ-სისხლძარღვთა, ნერვული სისტემის მხრივ დარღვევები და ინფექციური დაავადებები.

ჰიპერჰიდროზის დროს პირველ რიგში აუცილებელია პირადი ჰიგიენის გაათმაგება - ხშირად უნდა დაიბანოთ ( საპნით), შემდეგ კარგად გაიმშრალოთ
პირსახოცით და ჩაიცვით თავისუფალი, ბამბის საცვლები. კარგ შედეგს იძლევა მუხის ქერქის ნახარშის აბაზანა და ტალკი. თუ არ გაქვთ ხშირ-ხშირად შხაპის მიღების საშუალება, მაშინ ერთ ჭიქა წყალში გახსენით 1 ჩაის კოვზი წყალბადის ზეჟანგი (3%). ბამბის ტამპონი დაასველეთ მასში და გაიწმინდეთ პრობლემური არე. გარდა ამისა, თუ ჭარბი
წონა გაწუხებთ შეეცადეთ დაარეგულიროთ თქვენი კვება და დაიკლოთ წონაში.

საზარდულის არის ჰიპერჰდროზის დროს შეზღუდულად შეიძლება გამოყენებული იყოს იონტოფორეზი და ბოტოქსის ინექციით მკურნალობა. ბოტოქსი წარმოადგენს მრავალჯერადად განზავებულ ბოტულოტოქსინს (ძლიერი შხამი), მისი მოქმედებით ხდება საოფლე ჯირკვლების ,,დამბლა", მაგრამ ხანმოკლე მოქმედებისაა და რამოდენიმე თვეში განმეორებით ინექციას საჭიროებს.

კარგი იქნება თუ კონსულტაციას გაივლით დერმატოლოგთან და ენდოკრინოლოგთან.


მსგავსი სიახლეები
ნორ­მა­ში ყვე­ლა ადა­მი­ა­ნი მუდ­მი­ვად გა­მო­ყოფს ოფლს.
13-05-2019
ჭარბი ოფლიანობა არა მარტო ფიზიკური, კოსმეტოლოგიური დეფექტიცაა. უსაიმოვნო სუნი, სველი ფეხსაცმელი, სერიოზული
27-02-2019
ჭარბი ოფლიანობის მიზეზებსა და მკურნალობის გზებზე გვესაუბრება
25-09-2018