კლიმაქსი და მისი თავისებურებანი ქალებთან - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

კლიმაქსი და მისი თავისებურებანი ქალებთან

კლიმაქსი და მისი თავისებურებანი ქალებთან
ტერმინი კლიმაქსი, იგივე “კლიმაქტერული პერიოდი”, როგორც მას მედიკოსები უწოდებენ, წარმოდგება ბერძნული სიტყვიდან “კლიმაქტერ”,
რაც “კიბის საფეხურს” ნიშნავს. რეალურად, ცხოვრების გარკვეულ მომენტში ყველა ქალს უწევს იმ მნიშვნელოვანი საფეხურის გადაბიჯება, რომლის მერეც შვილოსნობის ფუნქციის შესუსტება იწყება.

საყურადღებოა, რომ კლიმაქტერული პერიოდი მამაკაცებთანაც აღინიშნება, თუმცა ის რამდენადმე გვიან იწყება და ჰორმონული ფონის თანდათანობითი (ეტაპობრივი) ცვლილებით ხასიათდება, ამიტომ არ იწვევს ისეთ მკვეთრად გამოხატულ მოვლენებს, როგორიც ქალთა უმრავლესობისთვისაა დამახასიათებელი.

ასაკობრივი ცვლილებები იწყება ჰიპოფიზიდან და ჰიპოთალამუსიდან - თავის ტვინის იმ სტრუქტურებიდან, რომლებიც არეგულირებენ (აკონტროლებენ) სისხლში სასქესო ჰორმონთა
გადასვლას. საკვერცხეები ნაკლებ ესტროგენებს გამოყოფენ, აი, მამაკაცის სასქესო ჰორმონების სეკრეცია (გამოყოფა) კი გარკვეული დროის მანძილზე იგივე ინტენსივობით ხდება, ამის გამოა, რომ კლიმაქსის საწყის ეტაპზე ქალებთან ანდროგენებისა და ტესტოსტერონის მაღალი დონე შეინიშნება. ამავე მიზეზით სხეულის მასა შესაძლოა გაიზარდოს, ზოგიერთი ქალი მოკლე დროში 5-8 კილოგრამსაც კი იმატებს,
წონის დაკლება კი არც ისე მარტივია ხოლმე.

კლიმაქტერული პერიოდი რამდენიმე სტადიას მოიცავს:

  • მენოპაუზას (ბოლო მენსტრუაციის დადგომას);
  • პოსტმენოპაუზას, რომელიც მენოპაუზიდან ერთ წელიწადში იწყება და სიცოცხლის ბოლომდე გრძელდება;
  • პერიმენოპაუზას, რომელიც იწყება რამდენიმე წლით ადრე ბოლო მენსტრუაციამდე და პოსტმენოპაუზით სრულდება.

პერიმენოპაუზის საშუალო ასაკი 47,5 წელს შეადგენს. ამ პერიოდში სასქესო ჰორმონების დონე თანდათანობით, მაგრამ უწყვეტად ქვეითდება, ოვულაცია (კვერცხუჯრედების მომწიფება) წყდება, ჩასახვა ნაკლებშესაძლებელი ხდება. პირველ რიგში მცირდება გესტაგენების გამომუშავება, რომლებიც მენსტრუალურ ფუნქციაზეა პასუხისმგებელი, მენსტრუაცია სულ უფრო იშვიათი და მოკლე ხდება (60%), ზოგჯერ პირიქით - ჭარბი (35%), ქალების გარკვეულ ნაწილს მენსტრუაცია ერთბაშად უწყდება. ესტროგენების დონის შემცირების კვალად ვლინდება ისეთი სიმპტომები, როგორებიცაა - ალები, ღამის ოფლიანობა, თავის ტკივილი, გუნება-განწყობის დათრგუნვა, გაღიზიანებადობა, ძილის დარღვევა, უხასიათობა, შრომისუნარიანობის დაქვეითება. თვითშეგრძნების გაუარესება ხშირად დაკავშირებულია თანმხლებ პათოლოგიებთან, კუჭ-ნაწლავის ტრაქტისა და გულ-სისხლძარღვთა სისტემის დაავადებებთან, სიმსუქნესთან.

მენოპაუზა საშუალოდ 51,3 წლის ასაკისთვის დგება, თუმცა არსებობს ადრეული (40 წლამდე) და გვიანი (55 წლის შემდგომ) მენოპაუზა. მენოპაუზის ვადებზე გავლენას ახდენს როგორც მემკვიდრული ფაქტორები, ასევე ცხოვრების წესი, შრომისა და საყოფაცხოვრებო პირობები, კვება, კლიმატი, სპორტთან დამოკიდებულება და სხვა. მწეველ ქალებს მენსტრუაცია შესაძლოა 1,5-2 წლით ადრე შეუწყდეთ.

ამ პერიოდში ქალის ორგანიზმში იმატებს ფოლიკულომასტიმულირებელი ჰორმონის დონე. ამას ემყარება სწორედ მენოპაუზის სადიაგნოსტიკო ტესტები. პოსტმენოპაუზის პერიოდში საკვერცხეები იჭმუხნება და მცირდება. 60 წელს გადაცილებულ ქალებთან საკვერცხეები ოთხიოდე გრამს იწონის, ორჯერ უფრო ნაკლებს, ვიდრე შვილოსნობის ფუნქციის მქონეებთან.

კლიმაქსისათვის დამახასიათებელი (ზემოთ ჩამოთვლილი) სიმპტომები მენოპაუზიდან დაახლოებით 5 წელს გრძელდება, შემდგომ, ჩვეულებრივ, ქრება. მათ ნაცვლად ხშირად თავს იჩენს ისეთი მოვლენები, როგორებიცაა საშოს სიმშრალე და ქავილი, სექსუალური ლტოლვის (ლიბიდოს) დაქვეითება, ტკივილი შარდვის პროცესში, შარდვის გახშირება. იცვლება სისხლძარღვებისა და ძვლების მდგომარეობა, რის გამოც ქალებს ათეროსკლეროზის, ჰიპერტონიის, ინფარქტის, ინსულტისა და შაქრიანი დიაბეტის განვითარების რისკი ემუქრებათ. ძვლების სიმყიფე (ოსტეოპოროზი) მოტეხილობათა საშიშროებას ქმნის. ცვლილებები მოიცავს მენჯის ფუძის კუნთებსაც, რაც ხშირად საშვილოსნოსა და საშოს დაწევა-გამოვარდნას განაპირობებს.

განსხვავებულია კლიმაქსთან დამოკიდებულებაც - ქალების დაახლოებით ნახევარი აღნიშნულ ცვლილებებს ადეკვატურად ხვდება, 20% დაბერების გარდაუვალ ნიშნად აღიქვამს ყოველივეს, 15%-ს არ სურს ასაკობრივ “ჩაქრობასთან” შეგუება, რაც ხშირად ფსიქიკაზეც უარყოფითად აისახება, ქალების 10%-ს კი პარადოქსული რეაქცია აღენიშნება – სოციალური და ფიზიკური აქტივობა უძლიერდება, აქედან გამომდინარე, თანატოლთა ჩივილებს კრიტიკულად ეკიდებიან ხოლმე.
გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
დღევანდელი რუბრიკის თემაა გინეკოლოგიისა და რეპროდუქტოლოგიის მეტად აქტუალური საკითხი – პათოლოგიური სისხლდენა საშვილოსნოდან.
სწორი ნაწლავის პოლიპი სწორი ნაწლავის პოლიპები კეთილთვისებიანი სიმსივნური წარმონაქმნებია. ისინი სწორი ნაწლავის კედლიდან მის სანათურში იზრდება.
როგორ გადავეწყოთ თბილ სეზონზე და როგორ მოვიქცეთ ორგანიზმის უმტკივნეულო ადაპტაციისთვის.
არსებობს განსაკუთრებული დღე, რომელიც მხოლოდ ქალებს ეკუთვნით. ის გაზაფხულის შემობრძანებას ემთხვევა,
ყველასათვის საყვარელი მოდელი კრისტი ყიფშიძე, მკურნალი.გე-ს სილამაზის საკუთარ რეცეპტს ანდობს.
ადამიანები სხვადასხვაგვარად ეკიდებიან სისუფთავეს. რამდენი ადამიანიცაა, სისუფთავისა და წესრიგისადმი დამოკიდებულების იმდენივე ტიპი არსებობს.
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად