ჰიპოტენზია ორსულობისას - გართულებები და აუცილებელი ღონისძიებები
19.11.2022
ორსულობის პერიოდში არტერიული წნევა ხშირად დაბლა იწევს. წნევის მცირედი დაქვეითება ორსულს არ ვნებს, ძლიერი კი მრავალ პრობლემას იწვევს.
ორსულობისას ჰიპოტენზია ტოქსიკოზს ამძიმებს, რადგან ხშირი პირღებინება იწვევს სითხის დეფიციტს ორგანიზმში და კიდევ უფრო დაბლა წევს წნევას. ჰიპოტენზიამ შეიძლება გამოიწვიოს სისუსტე, თავბრუსხვევა, თავის ტკივილი და გონების დაკარგვაც კი.
საფრთხეები:
- არტერიული ჰიპოტენზია ამცირებს პლაცენტური სისხლის მიმოქცევას და ამით აფერხებს ნაყოფის ზრდას;
- ძლიერი ჰიპოტენზიის შემთხვევაში ორსულის ორგანოები ცუდად მარაგდება სისხლით, ამიტომ ნაყოფიც მცირე რაოდენობის ჟანგბადს იღებს;
- შეიძლება შეიქმნას მუცლის მოშლის ან ნაადრევი მშობიარობის საფრთხე.
დაბალი არტერიული წნევის დროს აუცილებელი ღონისძიებები:
- ძილის რეჟიმის დაცვა (დღე-ღამეში 10-12 საათი, მათ შორის კარგია დღის 1 საათიანი ძილი);
- სრულყოფილი კვება(ცილებით, ვიტამინებით მრავალფეროვანი საკვები);
- არ არის სასურველი გვიანი ვახშამი;
- მატონიზებლად შეიძლება გამოიყენოთ მაგარი ჩაი, განსაკუთრებით მწვანე;
- ეფექტურია სამკურნალო ფიზკულტურა, კარგია დილის ვარჯიში;
- დეკომპენსირებული არტერიული ჰიპოტენზიის შემთხვევაში საჭიროა ექიმთან ვიზიტი
