დედის ნაწლავის მიკროფლორა ნაყოფის განვითარებაზე ახდენს გავლენას
მიკროფლორა ნაყოფის ტვინის განვითარებისათვის.
ორსულობის დროს, დედის ნაწლავში მცხოვრები მილიარდობით მიკროორგანიზმი ასტიმულირებს ნაყოფის ტვინის ჯანსაღი განვითარებისათვის აუცილებელ მეტაბოლიტებს. ნაწლავის მიკრობების მეტაბოლიტებსა და დედის სისხლში მოცირკულირე სხვა ბიოქიმიურ ნივთიერებებზე გავლენის შესამოწმებლად, მკვლევარებმა შეისწავლეს მღრღნელები ანტიბიოტიკებით განადგურებული ნაწლავის მიკროფლორით და დაბადებიდან სტერილური გარემოს ცხოველები.
როგორც აღმოჩნდა, დედის ნაწლავის მიკროფლორის გამოფიტვა იწვევდა ნაყოფის ტვინის განვითარების აშკარა დარღვევას. მიკროფლორა მოქმედებდა იმაზე, თუ რომელი გენები იყვნენ აქტიურები ნაყოფის ტვინში. არანორმალური მიკროფლორის მქონე დედის ნაშიერებს აღენიშნებოდათ ზოგიერთი სენსორული ფუნქციის დარღვევა.
ამგვარად, დედის ნაწლავის მიკროფლორამ შეიძლება ხელი შეუწყოს ნაყოფის ტვინის ჯანსაღ განვითარებას, არეგულიროს ტვინში მოხვედრილი მეტაბოლიტები. როგორც აღმოჩნდა, გარკვეული მეტაბოლიტების დონე ქვეითდებოდა, როდესაც დედას ორსულობისას არ ჰყოფნიდა მიკროფლორის შემადგენელი ბაქტერიები.