როგორია საკვერცხის კიბოს ფარული ნიშნები, რასაც აუცილებლად უნდა მიექცეს ყურადღება
- ფეხების შეშუპება, წელის არეში ტკივილი, დისკომფორტი სქესობრივი აქტის დროს, ზოგადი სისუსტე, დაღლილობა, კუჭ-ნაწლავის ტრაქტის მუშაობის ცვლილება და მენსტრუალური ციკლის დარღვევა საკვერცხის კიბოს ნიშნებია, რომლებსაც ხშირად შეიძლება ყურადღება არ მივაქციოთ. ამის შესახებ Daily Mail-ს ბრიტანელმა ოჯახის ექიმმა ალექს მისიკმა განუცხადა.
სპეციალისტის თქმით, ადრეულ სტადიაზე საკვერცხის კიბოს დიაგნოსტიკა რთულია, რადგან სიმპტომები ადვილად შეიძლება ჩავთვალოთ ნაკლებად სერიოზულ პრობლემად. როგორც წესი, ქალები ყურადღებას აქცევენ ცნობილ სიმპტომებს, როგორიცაა: შებერილობა ან შეშუპება მუცლის არეში, ტკივილი და დისკომფორტი მენჯის ღრუს მიდამოში და ხშირი შარდვა.
თუმცა, ისეთი მნიშვნელოვანი სიმპტომები, როგორიცაა მენსტრუალური ციკლის ცვლილებები და დისკომფორტი სქესობრივი აქტის დროს, ხშირად ასოცირდება მენოპაუზის დაწყებასთან და სხვა ჰორმონალურ ცვლილებებთან.
მუდმივ დაღლილობას და საჭმლის მომნელებელი სისტემის მხრივ პრობლემებს, ასევე შეიძლება ყურადღება არ მივაქციოთ და ხშირადაღნიშნული სიმპტომები არაჯანსაღ კვებას და სტრესს მივაწეროთ.
დოქტორმა მისიკმა დასძინა, რომ ფეხების შეშუპება შეიძლება იყოს სიმპტომი, რომელიც თან ახლავს საკვერცხის კიბოს შემდგომ ეტაპს. როდესაც სიმსივნე აწვება სისხლის მიმოქცევს ვენურ ქსელს, ეს იწვევს ჰემოდინამიკის პრობლემებს - კერძოდ სისხლძარღვებში სისხლის მიმოქცევის შეფერხებას. ამ დაავადების დროს, მენჯის ღრუში სითხის დაგროვების გამო, ან ახალწარმონაქმნის მხრიდან ქსოვილებზე ზეწოლის შედეგად, ქალებს ასევე შეიძლება აღენიშნოს წელის ტკივილი.
როგორია კიბოს დიაგნოზის მქონე პაციენტების საშუალო ასაკი
კიბოს დიაგნოზის მქონე პაციენტების საშუალო ასაკი 65 წელია. სტატისტიკური მონაცემების გათვალისწინებით, დაავადება ყველაზე ხშირად უფროს თაობას უვითარდება.
ზოგადად, ახალგაზრდა ასაკში ონკოლოგიური დაავადებების სიხშირის მნიშვნელოვანი ზრდა არ ხდება, თუმცა არის ცალკეული შემთხვევები.
მანამდე გავრცელდა ინფორმაცია, რომ მთელ მსოფლიოში არამწეველებში ფილტვის კიბოს შემთხვევების რიცხვი მატულობს. The Lancet Respiratory Medicine-ში გამოქვეყნებული კვლევის თანახმად, ჰაერის დაბინძურება არის ადენოკარცინომის გავრცელების ზრდის ერთ-ერთი მნიშვნელოვანი ფაქტორი (ამ ტიპის კიბო არამწეველებში შეადგენს შემთხვევების 53-დან 70%-მდე).
კიბოს კვლევის საერთაშორისო სააგენტოს (IARC) მონაცემებით, მსოფლიოში, ფილტვის კიბო კიბოთი გამოწვეული სიკვდილიანობის საერთო მაჩვენებელში, მეხუთე ადგილზეა.
2022 წელს ფილტვის კიბოს დიაგნოზი 2,5 მილიონ ადამიანს დაუდგინდა. ამ დაავადების შემთხვევების უმეტესობა დაფიქსირდა აღმოსავლეთ აზიის ქვეყნებში, განსაკუთრებით ჩინეთში.
