ოვულაციის დარღვევები ყველაზე ხშირია პოლიცისტური საკვერცხის სინდრომის დროს - რატომ ირღვევა ოვულაცია? - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ოვულაციის დარღვევები ყველაზე ხშირია პოლიცისტური საკვერცხის სინდრომის დროს - რატომ ირღვევა ოვულაცია?

დარღვეული ოვულაცია განპირობებულია ოვულაციის მაკონტროლებელი სისტემების რომელიმე ნაწილის დისფუნქციით. აღნიშნული სისტემები მოიცავს ჰიპოთალამუსს (თავის ტვინის ნაწილი), ჰიპოფიზის ჯირკვალს, საკვერცხეს და სხვა ენდოკრინულ ჯირკვლებს – თირკმელზედა ჯირკვალს და ფარისებრ ჯირკვალს. ასე, მაგალითად:

  • ჰიპოთალამუსში არ ხდება გონადოტროპინრილიზინგ ჰორმონის სეკრეცია, რომელიც ასტიმულირებს ჰიპოფიზის ჯირკვალს. ჰიპოფიზი სტიმულაციის შედეგად წარმოქმნის ჰორმონებს, რომლებიც თავის მხრივ აძლიერებს საკვერცხის ჰორმონების გამომუშავებას (ლუთეინური და ფოლიკულომასტიმულირებელი ჰორმონი);
  • ჰიპოფიზის ჯირკვალს შეუძლია ძალიან მცირე რაოდენობით ლუთეინური და ფოლიკულომასტიმულირებელი ჰორმონების პროდუქცია;
  • საკვერცხე გამოყოფს მინიმალური რაოდენობით ესტროგენს;
  • ჰიპოფიზი გამოიმუშავებს დიდი რაოდენობით პროლაქტინს, რომელიც რძის მწარმოებელი ჰორმონია. პროლაქტინის გაზრდილი პროდუქცია (ჰიპერპროლაქტინემია) თრგუნავს საკვერცხეში ოვულაციის პროცესს, ოვულაციის მასტიმულირებელი ჰორმონების შემცირების გზით. ჰიპერპროლაქტინემია ხშირად განპირობებულია ჰიპოფიზის სიმსივნური პროცესით (პროლაქტინომი), რომელიც თითქმის ყოველთვის კეთილთვისებიანი სიმსივნეა;
  • სხვა ენდოკრინული ჯირკვლების დისფუნქცია მოიცავს თირკმელზედა ჯირკვალს, რომელსაც შეუძლია გამოიმუშავოს დიდი რაოდენობით მამაკაცის ჰორმონი (როგორიც არის ტესტოსტერონი) ან ფარისებურ ჯირკვალს, რომელიც გამოყოფს გაზრდილი ან შემცირებული რაოდენობით თირეოიდულ ჰორმონებს, რომლებიც ხელს უწყობს ჰიპოფიზისა და საკვერცხის ჰორმონების ნორმალურ ბალანსს.

ოვულაციის დარღვევები შესაძლოა განპირობებული იყოს მრავალი მიზეზით, მათ შორის, ყველაზე ხშირია პოლიცისტური საკვერცხის სინდრომი, რომელიც ხასიათდება ჭარბი წონის არსებობით, საკვერცხის მიერ მამაკაცური ჰორმონის ჭარბი გამომუშავებით. სხვა მიზეზებში მოიაზრება დიაბეტი და სიმსუქნე. პრობლემის გადაჭრა შესაძლებელია ფიზიკური აქტივობის, ვარჯიშის გაზრდის საშუალებით, გარკვეული სახის მედიკამენტების (ესტროგენები, პროგესტერონი და ანტიდეპრესანტები) მიღებით. ფსიქოლოგიური სტრესი და წონის უეცარი კლება ზოგჯერ გვევლინება ადრეული მენოპაუზის მიზეზად, რომლის დროსაც ხდება საკვერცხეში არსებული კვერცხუჯრედების მარაგის ადრეული ამოწურვა. უშვილობის მიზეზებს შორის მნიშვნელოვანია არარეგულარული მენსტრუაციის (ამენორეა), ოვულაციის დარღვევის შემთხვევები. გასათვალისწინებელია ოვულაციის პრობლემები, როდესაც ქალს აქვს რეგულარული მენსტრუალური ციკლი, მაგრამ არ აქვს პრემენსტრუალური სიმპტომები, როგორიც არის სარძევე ჯირკვლების მგრძნობელობის მატება, მცირე მენჯის არეში შებერილობა და გუნება-განწყობილების ცვლილება.