სპეციალისტები ორსულებს სმარტფონების გამოყენებას არ ურჩევენ
ყველაფერში დამნაშავე კი ელექტრომაგნიტური გამოსხივებაა.
საბოლოო მიზეზ-შედეგობრივ კავშირზე მეცნიერები ჯერ კიდევ არ აკეთებენ კომენტარს, მიაჩნიათ, რომ კვლევები ამ კუთხით კიდევ უნდა გაგრძელდეს, თუმცა, კვლევის შედეგები უკვე გამოაქვეყნეს. ბავშვებთან, რომელთა დედებიც ორსულობის პერიოდში ინტენსიურად სარგებლობდნენ სმარტფონებით, 28 %-ით უფრო ხშირი იყო ჰიპერაქტიურობის სინდრომი.
საინტერესოა კიდევ ერთი შრომის შედეგიც. ლონდონის სამეფო კოლეჯის მკვლევარებმა დაასკვნეს, რომ ბავშვებში ჰიპერაქტიურობასა და ყურადღების დეფიციტის სინდრომს ხშირად ორსულობის პერიოდში დედის არასწორი კვება იწვევს. უფრო კონკრეტულად - ცხიმებისა და შაქრის დიდი რაოდენობით შემცველი საკვები.
შესაბამისად, მკვლევარები ორსულებს ურჩევენ: დამუშავებული პროდუქტებისა და საკონდიტრო ნაწარმის მიღებისაგან მაქსიმალურად შეიკავონ თავი, იკვებონ რაც შეიძლება მეტი ხილითა და ბოსტნეულით.
თინათინ გოცაძე