კიდევ რა ინფორმაციას მოგაწვდით ორსულობის ახალი ტესტი, რომელსაც სმარტფონს ბლუთუზით მიუერთებთ
მოწყობილობა შეიძლება მივუერთოთ სმარტფონს Bluetooth-ით. ეს პირველი ხელსაწყოა, რომელიც ხელმისაწვდომი ფორმით გადასცემს შედეგებს Android ან iOS მოწყობილობაზე. ტესტის ჩატარებას სჭირდება 3 წუთი და კეთდება შარდის ნიმუშის ანალიზით.
მნიშვნელოვანია, რომ შედეგთან ერთად, ქალი ღებულობს სხვადასხვა სასარგებლო ინფორმაციას: თუ ორსულობის ტესტი დადებითია, დანართი ატყობინებს მას მშობიარობის სავარაუდო თარიღს, ექიმისთვის დასასმელ აუცილებელი შეკითხვების ნუსხას. ამასთან, შესაძლებელი ხდება სასიამოვნო სიახლის ახლობლებისთვის გაზიარება.
უარყოფითი ტესტის შემთხვევაში, დანართი ურჩევს ქალს, როგორ მიადევნოს ყურადღება ოვიულაციას და როდისაა ჩასახვისთვის საუკეთესო დრო. მოწყობილობით ასევე შესაძლებელია სხვადასხვა დამამშვიდებელი, შემეცნებითი ან გასართობი ვიდეორგოლების ნახვა.
სამწუხაროდ, ახალი ტესტი 15-დან 22 დოლარამდე ღირს, რაც ორსულობის დასადგენ ტრადიციულ ნაკრებზე მნიშვნელოვნად ძვირია.
ლალი ჩხიკვაძე