როგორი მედიკამენტების მიღება შეუძლია ორსულს - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორი მედიკამენტების მიღება შეუძლია ორსულს

- ჩანასახოვან მდგომარეობაშია ძირითადი ორგანოები, ძგერს გული, ვითარდება ტვინი. როგორ გავიგოთ, რამდენად სასიკეთო იყო ეს პერიოდი მომავალი ბავშვისთვის?

ჯანდაცვის მსოფლიო ორგანიზაციის მონაცემებით, ორსულობისას ქალი საშუალოდ ხუთ ფარმაკოლოგიურ პრეპარატს იღებს და ეს ოდენობა ყოველწლიურად იზრდება. გასული საუკუნის 40-იან წლებამდე მედიცინა იმ აზრს ემხრობოდა, რომ საშვილოსნოში არსებული ნაყოფი საიმედოდ არის დაცული არასასურველი გარემო ფაქტორების ზემოქმედებისგან. ასე იყო, ვიდრე არ მოხდა თალიდომიდის კატასტროფა. თალიდომიდი სედაციური საძილე საშუალებაა, რომელმაც სწორედ ტერატოგენული თვისებებით გაითქვა სახელი - 1956-1962 წლებში ამ პრეპარატის მომხმარებელ 10 000-მდე ქალს თანდაყოლილი სიმახინჯის მქონე ბავშვი გაუჩნდა. თალიდომიდის ტრაგედიამ მრავალი ქვეყანა ჩააფიქრა, ხოლო სათანადო ორგანოებს სამკურნალო საშუალებათა ლიცენზირების პრაქტიკის გადახედვა და მოთხოვნების გამკაცრება აიძულა.

ევროპის ტერატოლოგიური საინფორმაციო სერვისის ცენტრი (ENTIS) იკვლევს, რამდენად სახიფათოა ორსულობისა და ლოგინობის ხანაში გამოყენებული ესა თუ ის მედიკამენტი, შეიმუშავებს რეკომენდაციებს იმ ორსულთათვის, რომლებსაც მკურნალობა სჭირდებათ. ამ სერვისს მიმართავენ:

  • ორსულები, რომლებმაც მიიღეს მედიკამენტი, ალკოჰოლი ან ჩაიტარეს სამედიცინო პროცედურა (რენტგენორგაფია, ტომოგრაფია, სკანირება), როდესაც ჯერ კიდევ არ იცოდნენ ორსულობის შესახებ;
  • ორსულები, რომლებსაც არ შეუძლიათ, შეწყვიტონ ამა თუ იმ ქრონიკული დაავადების მკურნალობა;
  • ოჯახები, რომელთა წევრები მუშაობენ მავნე საწარმოებში;
  • სამედიცინო პერსონალი, რომელიც დაინტერესებულია ორსული პაციენტებისთვის მკურნალობის უსაფრთხო სქემის შემუშავებით;
  • მეძუძური დედები, რომლებიც იძულებულნი არიან, მიიღონ მედიკამენტები და სურთ, შეარჩიონ უსაფრთხო და ნაკლებტოქსიკური პრეპარატები, რათა არ შეწყვიტონ ძუძუთი კვება.

უსაფრთხოების ექვსი წესი

  • მხოლოდ ექიმი, რომელიც კარგად იცნობს თქვენი ჯანმრთელობის მდგომარეობას, იღებს გადაწყვეტილებას ამა თუ იმ მედიკამენტის მიღების შესახებ.
  • დაუშვებელია თვითმკურნალობა. არ მოიტყუოთ თავი თითქოსდა უვნებელი ბალახეული პრეპარატებით, რადგან "ნატურალური" "უსაფრთხოს" სინონიმი არ არის.
  • დაორსულებისას ჰკითხეთ გინეკოლოგს, რომელი პრეპარატის მიღება შეიძლება თავის ტკივილის, მაღალი ტემპერატურის, სეზონური ალერგიის, არტერიული წნევის მომატების შემთხვევაში, ტოქსიკური ჩიყვის ან შაქრიანი დიაბეტის დროს. ექიმთან ერთად შეარჩიეთ ყველა პრეპარატის ეფექტური დოზა და მკურნალობის მაქსიმალურად მოკლე კურსი.
  • შეძლებისამებრ, ერიდეთ მედიკამენტებს, რომლებიც ბაზარზე ახლახან გამოჩნდა.
  • დაუყოვნებლივ შეატყობინეთ ექიმს ნებისმიერი გვერდითი მოვლენის ან უსიამოვნო შეგრძნების შესახებ, თუ გაგიჩნდათ ეჭვი, რომ ის მიღებულმა პრეპარატმა გამოიწვია.
  • ნებისმიერ შემთხვევაში დანიშნულება ექიმმა უნდა მოგცეთ. ის შეგირჩევთ მკურნალობის ფორმას, რომელიც არ ავნებს განვითარებად ნაყოფს ან არ წაგართმევთ ძუძუთი კვების უფლებას.

მომავალი დედის ლექსიკონი

  • ტერატოლოგია - მედიცინის დარგი, რომელიც შეისწავლის განვითარების მანკებს, რომლებიც ორსულობისას არასასურველი ზემოქმედების შედეგად წარმოიშვა.
  • ემბრიოტოქსიკურობა - ზოგიერთი ქიმიური ნივთიერებისა და ვირუსის უნარი, ორსულის ორგანიზმში შეჭრის შემდეგ გამოიწვიოს ჩანასახის დაღუპვა ან პათოლოგიური ცვლილებები.
  • განვითარების კრიტიკული პერიოდი - მუცლადყოფნის ის პერიოდი, როდესაც ემბრიონი განსაკუთებით მგრძნობიარეა არასასურველი ზემოქმედების მიმართ.