რატომაა აუცილებელი ორსულობისას D ვიტამინის მიღება
დედიდან ბავშვს მუცლადყოფნის განვითარების სტადიაზე. როგორც კვლევამ აჩვენა, ის ხელს უწყობს ნაყოფის თავის ტვინის განვითარებას. ქალის ორგანიზმში ორსულობისას ვიტამინის დონე ცალსახად იყო დაკავშირებული ბავშვის IQ მაჩვენებელთან.
მკვლევარების განცხადებით, რაც უფრო მაღალი იყო ვიტამინის კონცენტრაცია, მით მეტი აღმოჩნდა 4-6 წლის ასაკში ბავშვის IQ მაჩვენებელი. ამასთან გამოვლინდა კანონზომიერება: მუქი კანის მქონე ქალებში იზრდებოდა ვიტამინი D-ს დეფიციტის რისკი. საქმე იმაშია, რომ მუქ კანში მელანინის სიჭარბე (პიგმენტი კანში, რომელიც იცავს მას მზის სხივების მავნე ზემოქმედებისაგან) ახდენს ულტრაიისფერი სხივების ეფექტურ ბლოკადას. როგორც ცნობილია, ვიტამინი D კანში გამომუშავდება სწორედ ულტრაიისფერი გამოსხივების საპასუხოდ. შესაბამისად, მუქი ფერის კანის შემთხვევაში აღინიშნება ვიტამინი D-ს გამომუშავების დაქვეითება.
ექსპერტები ხაზგასმით აღნიშნავენ, რომ ამ ვიტამინის უკმარისობის საკვებიდან შევსება რთულია, თუმცა მაინც აუცილებელია რაციონის გამდიდრება D-ვიტამინით მდიდარი პროდუქტებით. მათ რიცხვშია: ცხიმიანი თევზი, კვერცხი, რძე. დასავლეთის სპეციალისტები გვირჩევენ ყოველდღიურად 600 ს.ე. ვიტამინი D მიღებას.