„მკურნალის“ პასუხი გრიპის ვაქცინაციისადმი აგრესიულად განწყობილ ადამიანებს - მკურნალი.გე

რუბრიკები

ოჯახის მკურნალის ანონსი

ნოემბერი 2019

კითხვა-პასუხი

„მკურნალის“ პასუხი გრიპის ვაქცინაციისადმი აგრესიულად განწყობილ ადამიანებს

„მკურნალის“ პასუხი გრიპის ვაქცინაციისადმი აგრესიულად განწყობილ ადამიანებს
მას შემდეგ, რაც ჩვენს საიტზე დავიწყეთ გრიპის დამდეგი სეზონისთვის პრევენციული აცრების შესახებ ინფორმაციის გამოქვეყნება და ასევე გამოვაქვეყნეთ ინფორმაცია იმ ვირუსების შესახებ, რომლებიც ამ სეზონზე გავრცელდება, ჩვენი მკითველის მხრიდან გამოიკვეთა ცოდნის დეფიციტი ამ საკითხებთან დაკავშირებით, რაც არის მიზეზი მათი უსაფუძვლო აგრესიისა. ამიტომ საჭიროდ მიგვაჩნია, გავაკეთოთ განმარტება იმ კითხვებზე, რომლებსაც სვამენ კომენტარებში.

კითხვებს პასუხობს მკურნალის მთავარი რედაქტორი თამარ მამაცაშვილი.

1. საიდან იცით, რომ წელს გავრცელდება კონკრეტული სახის ვირუსები და რატომ აშინებთ მოსახლეობას?
- მსოფლიოს ჯანდაცვის ორგანიზაციის ეპიდემიოლოგიური დეპარტამენტი ყოველწლიურად, გარკვეული მეთოდოლოგიის გამოყენებით, სწავლობს
ვირუსთა გავრცელების არეალებს და ეპიდსეზონის დაწყებამდე რამდენიმე თვით ადრე აქვეყნებს ინფორმაციას, ვირუსთა რომელი შტამი გავრცელდება, რა მოსალოდნელი სიმპტომები ექნება ამ ვირუსებს, რა ეპიდმაჩვენებელი იქნება ამა თუ იმ რეგიონში და ასე შემდეგ. ეს ინფორმაცია არის საჯარო, ყველასთვის ხელმისაწვდომი. სწორედ ამ კვლევების საფუძველზე მზადდება გრიპის ვაქცინები ყოველწლიურად.
ჩვენმა საიტმაც მოგაწოდათ ინფორმაცია ამ ყველაფერზე. ჩვენი მიზანი არ არის ვინმეს შეშინება. თუ არ გსურთ, რომ გქონდეთ ინფორმაცია, რაც მთელი მსოფლიოს მოსახლეობისთვის არის ცნობილი, შეგიძლიათ, უბრალოდ არ წაიკითხოთ და ვაქცინაციის გაკეთებაც თქვენი ნებაა - არავინ არაფერს გაძალებთ. 

2. არის თუ არა ეს ვირუსები გამოყვანილი ჩვენი მთავრობის მიერ ლაბორატორიებში? ალბათ მათ ვაქცინის გასაღება სურთ და ამიტომ ავრცელებენ?
- ეს კითხვა ალბათ იუმორის ჟანრს უფრო განეკუთვნება, სრულიად სერიოზულად რომ არ სვამდნენ მას ადამიანები. როგორც პირველი კითხვის პასუხში გითხარით, ეს არ არის მხოლოდ საქართველოსთვის "გამოყვანილი" ვირუსები. ეს ვირუსები მთელ მსოფლიოში გავრცელდება წელს და ყველგან ერთი და იგივე ვაქცინით იცრება მსოფლიოს მოსახლეობა. რაც შეეხება ვაქცინის გასაღებას, ეპიდემიოლოგ პაატა იმნაძესთან საუბრისას გავარკვიეთ, რომ 100 000 ვაქცინაცია უფასოდ ჩატარდება. პრიორიტეტულ ჯგუფებში იქნებიან რისკ-ჯგუფებში მყოფი ადამიანები: მოხუცები, ქრონიკული დაავადებების მქონე პაციენტები. შემდეგ კი დანარჩენ ჯგუფებზეც გავრცელდება ეს აქცია. 
მსოფლიოს განვითარებული მოსახლეობის 60-70% ყოველწლიურად იტარებს გრიპის პრევენციულ ვაქცინაციას. ჭორები იმის შესახებ, რომ აცრები აინვალიდებს ან კლავს ადამიანს, არის სრულიად უსაფუძვლო, მით უმეტეს გრიპის ვაქცინასთან მიმართებით. ასეთი განწყობა კი - „ფარული აგრესორი გვებრძვის, ვირუსებს გვივრცელებს და გვანადგურებს, ამიტომაც არ უნდა ჩავიტაროთ აცრები და წყევლა და კრულვა მედიკოსებს“ - ეს ძალიან ბნელი აზროვნებაა. 

დიახ, ვრცელდება ვირუსთა ახალი შტამები გარემოში, რაც ძალიან დიდ საფრთხეებს უქმნის ადამიანებს. ვირუსების გარდა, ვრცელდება ახალი ბაქტერიებიც, რომელთა წინააღმდეგ მედიცინა ახალი ანტიბაქტერიული საშუალებების გამოგონებას ცდილობს, არის ისეთი ვარაუდებიც, რომ გაჩნდება ანტიბიოტიკებისადმი მდგრადი ახალი ფორმები, რომლებიც კაცობრიობისთვის ძალიან საშიში იქნება. მათ ბუნება ქმნის, ბუნებაში მიმდინარეობს მუტაციები, ახალი გენოტიპების შექმნა ბუნებრივი პროცესია. მეცნიერები კი თვალყურს ადევნებენ ამ პროცესებს და ცდილობენ, დაიცვან ადამიანები ამ მოსალოდნელი საფრთხეებისგან. არ შეიძლება ამის გამო მათი ლანძღვა და წყევლა.

ვაქცინების შექმნამდე იყო დრო, როცა მილიონობით ადამიანი იხოცებოდა სხვადასხვა ეპიდემიების გამო. მაშინ რომელი ლაბორატორია ავრცელებდა ვირუსებსა და ბაქტერიებს? ისევ ის დრო გვინდა? ვაქცინაცია არის კაცობრიობის მონაპოვარი, ყველაფერს აქვს თავისი დადებითი და უარყოფითი მხარე, მაგრამ დაავადებათა პრევენციის საქმეში ვაქცინაცია ერთმნიშვნელოვნად არის დადებითი მოვლენა მედიცინის ისტორიაში. 

არავინ უარყოფს, რომ არსებობს ფარმაცევტული მაფია და დიდძალი მოგება მიდის მათკენ, ვინც სარგებლობს არსებული პრობლემებით, მაგრამ ეს იმას არ ნიშნავს, რომ ამის გამო წამალი აღარ დავლიოთ და მკურნალობა არ ჩავიტაროთ. 

გთხოვთ, გონივრულად ვიმოქმედოთ, მეგობრებო. მკურნალი.გე მხოლოდ თქვენი ინტერესების, თქვენი ჯანმრთელობის დაცვისთვის იღწვის, ჩვენ სხვა არანაირი მიზანი არ გვამოძრავებს და არც მაფიოზურ კლანებთან ვართ შეკრულები. ჯანმრთელობას გისურვებთ!

გააკეთეთ კომენტარი
კომენტარი არ გაკეთებულა
მსგავსი სიახლეები
გაზაფხულზე Facebook-მა გამოაცხადა ანტივაქცინაციის საწინააღმდეგო კომპანიის დაწყება. ახლა სოციალურმა ქსელმა
29-07-2019
ზა­ფხუ­ლის სი­ცხე ადა­მი­ანს უამ­რა­ვი და­ა­ვა­დე­ბის გა­ჩე­ნის და გამ­წვა­ვე­ბის საფრ­თხეს უქ­მნის,
13-07-2019
უკანასკნელ პერიოდში ხშირად ისმება კითხვა ბავშვთა ვაქცინაციის უსაფრთხოების შესახებ. აცრების საწინააღმდეგო მოძრაობა
11-06-2019
დიეტოლოგია
გრაცას უნივერსიტეტის (ავსტრია) მეცნიერებმა ჩაატარეს ხანგრძლივი ექსპერიმენტი, რომლითაც დაადგინეს, რომ პერიოდულად შიმშილობა
კუჭის ტკივილს უამრავი მიზეზი აქვს. ზოგჯერ ეს სიმპტომი მეტად სერიოზული დაავადების მანიშნებელია:
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
კატეგორიის სხვა სტატიები
ჩიკაგოს უნივერსიტეტის ექსპერტებმა დაადგნეს, მოსახლეობის რომელ ჯგუფშია გრიპით დასნებოვნების ყველაზე მაღალი რისკი.
ხათუნა ზახაშვილი - დაავადებათა კონტროლისა და საზოგადოებრივი ჯანმრთელობის ეროვნული ცენტრის გადამდებ დაავადებათა დეპარტამენტის უფროსი.
2017-2018 წლების გრიპის სეზონისთვის, საქართველოში ვაქცინაციისათვის რისკის პრიორიტეტულ ჯგუფებად განისაზღვრა:
გვესაუბრება დაავადებათა კონტროლისა და საზოგადოებრივი ჯანმრთელობის ეროვნული ცენტრის გადამდებ დაავადებათა დეპარტამენტის უფროსი ხათუნა ზახაშვილი:
- გრიპის საწინააღმდეგო აცრა უნდა გაუკეთდეს თუ არა ალერგიულ ბავშვს?
თურმე მამაკაცებს, რომლებიც რეგულარულად ვარჯიშობენ, უფრო იშვიათად ემართებათ კიბო. ბოლო ხანს ონკოლოგები კიბოს პროფილაქტიკის ერთ-ერთ
თანამედროვე ადამიანის კვებითი რაციონი იმდენად სახეცვლილია, რომ მრავალი სპეციალისტის აზრით, პოლივიტამინებისა და საკვები დანამატების გარეშე ორგანიზმი ჯანმრთელობას ვერ შეინარჩუნებს.
ჯანმრთელობის მსოფლიო ორგანიზაციის (ჯანმო) ევროპის რეგიონულმა ბიურომ 2014 წლის 22-26 აპრილის პერიოდი ევროპის იმუნიზაციის კვირეულად გამოაცხადა. კვირეულის კონცეფციაა "იმუნიზაცია სიცოცხლისათვის".
ნიუ-იორკის ბევრმა მცხოვრებმა დაიწყო მწნილის წვენის შეძენა. ერთი ქილა მწნილის წვენის ფასი 3-დან 45 დოლარამდეა.
ხველა ოჯახის ექიმთან მიმართვის ერთ-ერთი ყველაზე ხშირი მიზეზია როგორც მოზრდილებში, ასევე ბავშვებში.
მეცნიერულად დადასტურებულია, რომ ნიორი კეთილისმყოფელ გავლენას ახდენს სისხლის შედგენილობაზე, აფერხებს
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად