გაიცანით საქართველოს კურორტები
ვიდრე გვიან არ არის, სჯობს ვიზრუნოთ მასზე. ეს გაცილებით უფრო ეკონომიური, მარტივი და რეალურია, ვიდრე უკვე ჩამოყალიბებული დაავადების მკურნალობა. ამიტომ გამოიყენეთ შვებულების პერიოდი, დაისვენეთ და იმოგზაურეთ.
ასეთ დროს კი მნიშვნელოვანია, გქონდეთ ინფორმაცია საქართველოს ტერიტორიაზე არსებული ძირითადი საკურორტო-რეკრეაციული რაიონების შესახებ:
აჭარა - რბილი სუბტროპიკული ჰავა, თბილი ზღვა, მზის ნათების მაღალი ინტენსივობა. ძირითადი საკურორტო ცენტრებია: ბათუმი, ქობულეთი, მახინჯაური, მწვანე კონცხი, გონიო, ციხისძირი.
სამცხე-ჯავახეთი - სამკურნალო თვისებები მთის ჰავითა და მრავალი მინერალური წყაროს არსებობით არის განპირობებული. მათ შორის ყველაზე მნიშვნელოვანია ფტიზიატრიული პროფილის კურორტი აბასთუმანი.
ბორჯომ-ბაკურიანის კომპლექსი - ბორჯომი წარმოადგენს ტურიზმისა და დასვენების ცენტრს, ბაკურიანის ლოკალურ კომპლექსს გააჩნია ორმაგი ფუნქცია: ზაფხულში მთის კლიმატური კურორტის, ხოლო ზამთარში ემატება უმსხვილესი სამთო-სათხილამურო ცენტრის ფუნქცია. მნიშვნელოვანი კურორტებია: წაღვერი, ცემი, პატარა ცემი, ლიბანი და სხვ.
კოლხეთი - უჭირავს კოლხეთის დაბლობი ზღვისპირა სანაპირო ზოლით და მიმდებარე მთისწინეთი. აქ განლაგებულია სხვადასხვა მინერალურ წყაროებზე დაფუძნებული ბალნეოლოგიური კურორტები: წყალტუბო, ცაიში, მენჯი და ზღვისპირა კლიმატური კურორტები: ურეკი, გრიგოლეთი, მალთაყვა.
სვანეთი - მთის ჰავა, მაღალმთიანი ლანდშაფტები, მრავალრიცხოვანი მინერალური წყაროებით. იგი წარმოადგენს ალპინიზმის მნიშვნელოვან არეალს.
რაჭა-ლეჩხუმი - განსაკუთრებით პოპულარულია ბალნეო-კლიმატური კურორტი უწერა და შოვი.
აღმოსავლეთ კავკასიონი - ალპინიზმის მნიშვნელოვანი ცენტრია ყაზბეგი, განსაკუთრებით პოპულარობით სარგებლობს სამთო-სათხილამურო კურორტი გუდაური.
კახეთი - აქ არის ტალახით სამკურნალო კურორტი ახტალა.
ავტორი ლალი ჩხიკვაძე
