როგორ ვიმკურნალოთ კლიმატით - მკურნალი.გე

რუბრიკები

ოჯახის მკურნალის ანონსი

იანვარი 2020

როგორ ვიმკურნალოთ კლიმატით

როგორ ვიმკურნალოთ კლიმატით
კლიმატოთერაპია გარკვეული კლიმატისა და ამინდის პირობების სამკურნალო-პროფილაქტიკური მიზნით გამოყენებას გულისხმობს. ორგანიზმზე ქმედით გავლენას ახდენს: ატმოსფეროს აიროვანი შემადგენლობა, მასში ჟანგბადის შემცველობა, დაბინძურების ხარისხი, ატმოსფერული წნევა, ჰაერის ტენიანობა, ტემპერატურა, ნალექის რაოდენობა, მზის გამოსხივების ზემოქმედება, მაგნეტიზმი და სხვა ფაქტორები.
განსხვავებულია კლიმატის ბიოლოგიური ზემოქმედება. გარკვეული კლიმატის ზემოქმედებით ხდება:
ნერვული სისტემის დამშვიდება და ტონიზირება,
ნივთიერებათა ცვლის მოწესრიგება,
სუნთქვის ფუნქციის, სისხლის მიმოქცევის გაუმჯობესება,
ორგანიზმის იმუნიტეტის ამაღლება.
ზოგი განსაკუთრებით მგრძნობიარეა კლიმატის ცვლილებისადმი, ამიტომ მათ ექიმთან კონსულტაციის გავლას ვურჩევთ, რათა აკლიმატიზაციის პროცესი, ანუ ორგანიზმის შეჩვევა კლიმატის ცლილებასთან - მათი
ორგანიზმისთვის უვნებელი იყოს.

გამოყოფენ კლიმატის ხუთ ძირითად ტიპს:

უდაბნოს კლიმატი

უდაბნოს
კლიმატისთვის დამახასიათებელია ხანგრძლივი მშრალი და ცხელი ზაფხული, ჰაერის მაღალი ტემპერატურა, დაბალი ტენიანობა და მზის ინტენსიური ნათება. ამგვარი მდგომარეობა ხელს უწყობს ჭარბ ოფლდენას, ანუ ორგანიზმიდან ზედმეტი სითხის გამოდევნას, რაც აქვეითებს თირკმელებზე დატვირთვას. ამასთან დაკავშირებით მოცემული კლიმატი ნაჩვენებია თირკმლის ქრონიკული პათოლოგიით დაავადებულთათვის , მაგრამ უკუნაჩვენებია თირკმლის მწვავე დაავადებების, არტერიული ჰიპერტენზიის, თირკმელკენჭოვანი დაავადების, თირკმლის ტუბერკულოზის დროს. ერთ-ერთი ამგვარი ზონის კურორტია ბაირამ-ალი.

სტეპის კლიმატი

სტეპის კლიმატი საკმაოდ ცხელი და მშრალია, თუმცა მისთვის ნაკლებად არის დამახასიათებელი დღისა და ღამის ტემპერატურის მკვეთრი ცვალებადობა. ორგანიზმზე მას გამაჯანსარებელი მოქმედება აქვს. ამგვარი კურორტები ნაჩვენებია ფილტვების ქრონიკული დაავადებების დროს.

ტყის კლიმატი


ტყის კლიმატი უფრო დამზოგავი და რბილია ორგანიზმისათვის. აქ არ არის ჰაერის ტემპერატურის მკვეთრი ცვლილებები, ზომიერია ტენიანობაც. ზაფხულში სიგრილეა, არ არის შემაწუხებელი სიცხე, ხოლო ზამთარში ყინვა. მოცემული ადგილები რეკომენდებულია გულ-სისხლძარღვთა სისტემის სხვადასხვა დაავადებების დროს, ისეთებისა, როგორიცაა გულის იშემიური დაავადება, არტერიული ჰიპერტენზია და სხვ.

მთის კლიმატი

მთის კლიმატისთვის დამახასიათებელია უჩვეულოდ სუფთა ჰაერი, მზის ძლიერი ულტრაიისფერი გამოსხივება, დაბალი ატმოსფერული წნევა. ჟანგბადის შემცველობა დაქვეითებულია, განსაკუთრებით მაღალმთიან ადგილებში. მთის კურორტები ორგანიზმზე ახდენენ ზოგადგამაჯანსაღებელ, მატრენირებელ და გამაკაჟებელ მოქმედებას. ამიტომ ის ნაჩვენებია ნერვული, გულ-სისხლძარღვთა და სასუნთქი სისტემის ქრონიკული დაავადებების დროს.

ზღვის კლიმატი


ჰაერი მაღალიონიზირებული და ტენიანია. მასში ბევრი მიკროელემენტი, ოზონი, იოდი და ზღვის მარილია, რითაც "იკვებება" ზღვიდან. ამ შესანიშნავი ჰაერის ჩასუნთქვისას, ვღებულობთ ორგანიზმისთვის აუცილებელ კომპონენტებს. აქ შეიძლება გარუჯვა, რადგანაც მზის კარგი გამოსხივებაა. კლიმატი იმითაც არის კარგი, რომ შესაძლებელია ზღვაში ბანაობა, რასაც გამაკაჟებელი ეფექტი აქვს. ცურვა აუმჯობესებს ტანდეგობას, ამიტომ იგი ნაჩვენებია ტანდეგობის დარღვევისას. ნერვული სისტემის მატონიზირებელი ეფექტი განპირობებულია სრულფასოვანი დასვენებით. ამ კლიმატის სარგებელი აღინიშნება მრავალი დაავადების დროს. მათ შორის გულ-სისხლძარღვთა, ნერვული, ენდოკრინული, საყრდენ-მამოძრავებელი სისტემის დაავადებების დროს.

ავტორი ლალი ჩხიკვაძე


გააკეთეთ კომენტარი
კომენტარი არ გაკეთებულა
დიეტოლოგია
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
კატეგორიის სხვა სტატიები
ბრიტანელმა მეცნიერებმა გამოიანგარიშეს რა დრო უნდა დავყოთ ბუნებაში იმისათვის, რომ ეს განტვირთვა ჩვენს ჯანმრთელობაზე დადებითად
მეცნიერებმა დაამტკიცეს, რომ მოგზაურობა ტვინის მუშაობას აუმჯობესებს.
შვებულება მხოლოდ მოდუნების შესაძლებლობა არაა. ექსპერტების აზრით, შვებულება სასარგებლო და აუცილებელია ჯანმრთელობისთვის.
ზაფხული ის პერიოდია, როცა არდადეგებისა და შვებულების გამოყენებას ყველა მაქსიმალურად ცდილობს.
ბოლო დროს მსოფლიოში ბევრი უჩვეულო ადგილი გამოჩნდა, სადაც შვებულების საინტერესოდ გატარება და აქტიური დასვენება შეიძლება. მაგალითად, შეგიძლიათ წყალქვეშ იძინოთ, იმოგზაუროთ ან წყალქვეშა რესტორანს ეწვიოთ. ყინულის ან პრეისტორიულ გამოქვაბულ-სასტუმროში დასვენებაც შესაძლებელია. არჩევანი, რა თქმა უნდა, თქვენზეა, თუმცა ეს ყველაფერი იაფი ნამდვილად არ დაგიჯდებათ. ჩვენ რამდენიმე უჩვეულო ადგილს გაგაცნობთ, თქვენ კი…გადაწყვიტეთ, ღირს თუ არა ხარჯის გაწევა.

ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად