სამკურნალო თერმული წყლების განსაკუთრებული სიუხვე,  იშვიათი ჯიშის მცენაარების ერთობლივობა, ზეთისხილის ტყეები, თვალუწვდენელი მთები, ჯანსაღი საკვები, ულამაზესი ადგილები, კამკამა ზღვა... ეს ყველაფერი ერთად, თურქეთში, ბალიქესირის რეგიონშია თავმოყრილი.

ბალიქესირის პროვინცია ქვეყნის აღმოსავლეთ ნაწილში მარმარილოს ზღვის სანაპიროზე მდებარეობს.  როგორც აქ მცხოვრები ადამიანები ამბობენ ბუნებრივი პირობები აქ იმდენად იდეალურია, რომ სიკვდილიც კი შეუძლებელია.

ბალიქესირის ტერიტორია სილამაზის გარდა, გამორჩეულია იმითაც რომ აქ სახსროვანი თუ კანის სხვადასხვა დაავადებების სამკურნალოდ, თერმული წყლების ასობით საბადოა თავმოყრილი.

თვითნაბადი წყლების უმეტესობა ასობით მინერალითაა გაჯერებეული და სასარგებლოა როგორც სასმელად, ისე უამრავი დაავადების სამკურნალო თუ პროვენციისათვის.  რეგიონში მდებარე სასტუმროებს, რომლებიც ხშირ შემთხვევაში სწორედ თერმულის წყლების ტერიტორიაზე მდებარეობს, ხშირად სტუმრობენ პოსტ ოპერაციის შემდეგ სამკურნალოდ ან გასაკაჟებლად.

ცოტა ხნის წინ რეგიონში მეოთხედ გაიმართა  საერთაშორისო სამედიცინო სამიტი, სადაც მსოფლიოს 65  ქვეყნიდან მოწვეულ 5000 დელეგატს- სამედიცინო სფეროში მოღვაწე ადამიანებსა და ჟურნალისტებს, თერმული წყლების მნიშვნელობა გაგვაცნეს. 5 დღიანი სამიტის ძირითადი თემა, სწორედ ჯანსაღი ცხოვრებისა  და თერმული წყლების რეაბილიტაციის პროცესში გამოყენების პოპულარიზაცია იყო.

ბელიკესირის რეგიონში უკვე 5 სხვადასხვა თერმული ტურიზმის ცენტი ფუნქციონირებს, რომლებიც ყოველწლიურად ათასობით ადამიანს მასპინძლობს გაჯანსაღებისა და სუფთა ჰაერზე დასვენების მიზნით.

მას შემდეგ რაც თეორიულად შევიტყვეთ თერმული წყლების სარგებლობის შესახებ, საშუალება მოგვეცა რეგიონის 5 სხვადასხვა სასტუმროში დავბინავებულიყავით, გაგვესინჯა მინერალებით მდიდარი წყლები და გვენახა- რა სასწაულის მოხდება შეუძლია მიწიდან ამოსულ ისეთ საბადოს, როგორიც თერმული წყალია.

Thermal and healthe travel summit-ს უკვე მეოთხე წელია უერთდება თურქეთის სამედიცინო ტურიზმის ასოციაცია THTC-ი, რომელიც საერთაშორისო სამედიცინო ტურიზმის განვითარებისა და უცხოელი პაციენტების დახმარების მიზნით 2005 წელს შეიქმნა, დღეისთვის კი მსოფლიოს 85 ქვეყანაში 144 წარმომადგენლით პოზიციონირებს.

ასოციაციის ხელმძვანელი ხალიდა სადიკოვა მიიჩნევს რომ  თერმული წყლები უნიკალურია იმითაც, რომ შორსწასული დაავადების მქონე პაციენტებსაც კი ეხმარება ჯანმრთელობის აღდგენაში.

სამიტის განმავლობაში სახვადასხვა ქვეყნის დელეგატები აქტიურად აწყობდნენ  ორმხრივ შეხვედრებს, რაც საშუალებას მისცემს ბელიკისირის რეგიონის სიკეთეები, თავისი ქვეყნის მოქალაქეების ინფორმირებულოიბისა და ჯანმრთელობისთვის გამოიყენონ.