ზაფხული თანდათან იკრებს ძალას და მის სიცხეს სულ უფრო მეტი ხალხი ემალება. ამისთვის ისინი ქალაქიდან მიემგზავრებიან. საით? მარშრუტი ათასგვარია - უცხოეთის ფეშენებელური კურორტები, პოპულარული ადგილები, საქართველოს ტრადიციული დასასვენებელი ტერიტორიები, რომლებიც ბოლო წლებში ხელახლა დაიბადა... ერთი სიტყვით, არჩევანი დიდია. მიუხედავად ამისა, ბევრი ცხელ ზაფხულს იქვე ატარებს, სადაც მთელ სიცოცხლეს... ისინი ვერსად მიდიან, რაც ზოგჯერ უდროობის, ზოგჯერ კი საჭირო თანხის უქონლობის ბრალია.

მთელი წელი, შეიძლება ითქვას, ზაფხულისთვის ვემზადებით, როგორც ეკონომიურად, ისე მორალურად. გარდერობსაც გადავახალისებთ ხოლმე... და ბოლოს დგება შვებულებებისა და არდადეგების პერიოდი, როდესაც ყველა დასვენებაზე, ენერგიის მოკრებაზე, გაჯანსაღებასა და გაკაჟებაზე ფიქრობს. ადამიანის ორგანიზმისთვის დასვენების მნიშვნელობასა და საკურორტო ზონის შერჩევის თავისებურებებზე გვესაუბრება თბილისის ბალნეოლოგიური კურორტის, თბილისი-შPA-ს, ჯანმრთელობისა და სამედიცინო რეაბილიტაციის ეროვნული სამეცნიერო პრაქტიკული ცენტრის ექიმი თერაპევტი, მედიცინის დოქტორი მანანა ტაბიძე.

ზაფხული და საკურორტო სეზონი განუყოფელი ცნებებია. კურორტი ის ადგილია, სადაც ადამიანი მთელი წლის განმავლობაში თავმოყრილ დანაზოგს უშურველად ხარჯავს, რათა ზაფხულის ყველა სიკეთით დატკბეს და მომდევნო სეზონამდე სამყოფი ძალ-ღონითა და დადებითი ემოციებით აივსოს. კურორტოლოგიის ისტორიაკურორტოლოგიას ისეთივე ხანგრძლივი ისტორია აქვს, როგორიც მედიცინას. ბუნებრივ სამკურნალო საშუალებებს, მინერალურ წყალს, სამკურნალო ტალახს, მზესა და ჰავას ადამიანი სამკურნალოდ უხსოვარი დროიდან იყენებს.

როგორც იქნა, დადგა ნანატრი შვებულება და მთელი წლის განმავლობაში მუხლჩაუხრელი შრომის სანაცვლოდ დასასვენებლად მივემგზავრებით. როგორ დავისვენოთ, რომ სასიამოვნო განცდებმა მთელი წელი არ მიგვატოვოს? სასარგებლო რჩევების მისაღებად ოჯახის ექიმ ქეთევან მდინარაძეს ვესტუმრეთ. - როგორ გავატარებთ შვებულებას, ბევრად არის დამოკიდებული იმაზე, სწორად შევარჩევთ თუ არა დასასვენებელ ადგილს. მაშ, რა უნდა გავითვალისწინოთ კურორტის შერჩევისას?

დღეს, როდესაც თავისუფალი დროის გამონახვა ასე ჭირს, ბევრი ცდილობს, დასვენება მკურნალობას შეუთავსოს. მსოფლიოში უამრავი კურორტია, მაგრამ იმისთვის, რომ სწორი არჩევანი გავაკეთოთ, უნდა ვიცოდეთ, რა უჭირს და რომელი პროცედურები სჭირდება ჩვენს ორგანიზმს - ყველა კურორტს ხომ თავისი სამედიცინო ჩვენებები და უკუჩვენებები აქვს. მაშ, როგორ განვსაზღვროთ, რომელი პროცედურებია ჩვენთვის სასარგებლო და რომელი - არასასურველი? ამის შესახებ გვესაუბრება საქართველოს კურორტოლოგიის, ფიზიოთერაპიისა და სამკურნალო ტურიზმის ცენტრის დირექტორი სამეცნიერო დარგში, ექიმი თერაპევტი, მედიცინის მეცნიერებათა დოქტორი, აკადემიკოსი იორამ თარხან-მოურავი.

- უფალმა უხვად დააბერტყა საქართველოს ბუნებრივი სიმდიდრე: მინერალური და თერმული წყაროები, სხვადასხვა ტიპის კლიმატური ზონები, ლანდშაფტი, კარსტული მღვიმეები, სამკურნალო ტალახი და ბევრი სხვა რამ, - ასე დაიწყო "ოჯახის მკურნალთან" საუბარი თბილისის ბალნეოლოგიური კურორტის, საქართველოს კურორტოლოგიის, ფიზიოთერაპიის, რეაბილიტაციისა და სამკურნალო ტურიზმის სამეცნიერო-პრაქტიკული ცენტრის ხელმძღვანელმა, ბატონმა ნიკოლოზ სააკაშვილმა. ჩემი მისვლის მიზანი საქართველოს კურორტების მოკლე მიმოხილვა გახლდათ. მინდოდა, მკითხველისთვის ინფორმაცია მიგვეწოდებინა მათ შესახებ და კიდევ ერთხელ შეგვეხსენებინა, რომ ჩვენს ქვეყანაში ისეთი უნიკალური კურორტებია, რომელთა ბადალი მთელ მსოფლიოში არ მოიძებნება.

ეგზოტიკურ კურორტებზე დასვენებაზე ბევრი ოცნებობს. მართლაც საოცნებოა: უცხო ბუნება, გასაოცარი ხედები, ეგზოტიკური კერძების დაუვიწყარი გემო, უამრავი გასართობი - ასეთ კურორტებზე ხომ დამსვენებლების გართობაზე განსაკუთრებით ზრუნავენ... თუმცა ეგზოტიკურ კურორტზე დასვენება პრობლემებსაც წარმოშობს. თუ თქვენ არ გიჭირთ სიცხისა და მაღალი ტენიანობის ატანა, თუ არ უჩივით იმუნიტეტის დაქვეითებას (ეგზოტიკურ კურორტებზე ხშირია ამა თუ იმ დაავადების აფეთქება) და, რაც მთავარია, თქვენს ორგანიზმს ადვილად აკლიმატიზაციის უნარი აქვს, შეგიძლიათ, თავს ასეთ ადგილას დასვენების უფლება მისცეთ.

რედაქციაში უამრავი კითხვა მოდის ოსტეოქონდროზთან დაკავშირებული პრობლემების შესახებ. მკითხველები გვთხოვენ, დაწვრილებით მოვუთხროთ მისი მკურნალობის გზებსა და საშუალებებზე. სწორედ ამისთვის ვეწვიეთ თბილისის ბალნეოლოგიური კურორტის, საქართველოს კურორტოლოგიის, ფიზიოთერაპიის, რეაბილიტაციისა და სამკურნალო ტურიზმის ს/პ ცენტრის მთავარ ექიმს, მედიცინის აკადემიურ დოქტორს ნანა ჯაკობიას.