მხოლოდ სპორტი ვერ ეხმარება ქალებს წონის დაკლებაში - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

მხოლოდ სპორტი ვერ ეხმარება ქალებს წონის დაკლებაში

შესაბამისი დიეტის გარეშე.

ბანგორის უნივერსიტეტის (დიდი ბრიტანეთი) მეცნიერთა კვლევის შედეგები გამოქვეყნდა ჟურნალში Applied Physiology, Nutrition, and Metabolism.

მკვლევარებმა გადაწყვიტეს გაერკვიათ, შეიძლებოდა თუ არა მხოლოდ რეგულარულმა ფიზიკურმა აქტივობამ, კვების რაციონის შეზღუდვების გარეშე, გამოიწვიოს წონის დაკლება. კვლევაში მონაწილეობდა სხვადასხვა წონის კატეგორიის 18-დან 32 წლამდე ასაკის 70 ქალი, რომლებიც თავდაპირველად არ აპირებდნენ წონის დაკლებას. ყველაზე ზუსტი შედეგების მისაღებად მონაწილეებს უთხრეს, რომ ისინი ვარჯიშობდნენ გულ-სისხლძარღვთა სისტემის მდგომარეობის გასაუმჯობესებლად (ქალებს რომ სცოდნოდათ კვლევის ჭეშმარიტი მიზანი, მათ შეეძლოთ შეგნებულად ან ქვეცნობიერად დაეწყოთ საკვების შეზღუდვა, რაც რეალურ სურათს წაშლიდა).

ოთხი და რვა კვირის განმავლობაში მიმდინარე ორი სპორტული სესიის დროს, მონაწილეები კვირაში სამჯერ, 45-90 წუთის განმავლობაში, ვარჯიშობდნენ დარბაზში, ასრულებდნენ ინტენსიურ წრიულ სავარჯიშო პროგრამას. კვლევის დასაწყისში და ბოლოს გაზომეს მონაწილეთა წონა, ასევე კუნთოვანი და ცხიმოვანი ქსოვილის მოცულობა. გარდა ამისა, ქალებს სისხლის ანალიზი ჩაუტარდათ მადისა და შიმშილის ჰორმონების (ინსულინი, ლეპტინი, გრელინი და სხვა) დონეზე. ამ პერიოდში მონაწილეები ჩვეულებისამებრ იღებდნენ საკვებს.

  • გაირკვა, რომ არც ერთმა მონაწილემ, განურჩევლად იმისა, იყო თუ არა სიმსუქნე, თუ მცირე წონა, არ დაიკლო წონაში პროგრამების დასრულების შემდეგ. ინტენსიური ვარჯიშის ერთადერთი თვალსაჩინო შედეგი ის იყო, რომ გამხდარი მონაწილეებმა კუნთების მასა მოიმატეს.

ჰორმონების დონის ცვლილებებზე დაკვირვება დაეხმარა მეცნიერებს იმის ახსნაში, თუ რატომ არ გამოიწვია ვარჯიშმა წონის დაკლება. ვარჯიშის შემდეგ მონაწილეთა მადა მკვეთრად გაიზარდა, რაც იმას ნიშნავს, რომ დარბაზში დახარჯული ენერგია მეტი კალორიის მიღებით ანაზღაურდა. ორგანიზმი იყენებს ამ მეთოდს ზედმეტი კილოგრამების დაკარგვის თავიდან ასაცილებლად, მიუხედავად იმისა, ჭარბი წონა აქვს თუ არა ადამიანს, აღნიშნავენ კვლევის ავტორები. „არ უნდა დაგვავიწყდეს, რომ ჩვენს წინაპრებს უწევდათ გადარჩენა საკვების დეფიციტის პირობებში, ამიტომ ჩვენი სხეული უკეთესად არის ადაპტირებული წონის დაკლების წინააღმდეგობის გაწევისთვის, ვიდრე მისი მომატებისთვის“, - განმარტავს კვლევის წამყვანი ავტორი ჰანს-პიტერ კუბისი (Hans-Peter Kubis) თავის სტატიაში The Conversation.

  • წონის დასაკლებად ვარჯიში ჯანსაღ კვებას უნდა შეუთავსოთ, ხაზს უსვამს კუბისი. ეს ნიშნავს თქვენი რაციონიდან „სწრაფი“ ნახშირწყლების და დამუშავებული საკვების გამორიცხვას, მეტი ბოსტნეულის და ბოჭკოთი მდიდარი საკვების მირთმევას, მოვერიდოთ წახემსებას და დავიცვათ კვების რეჟიმი. ამის შემდეგ კი ვარჯიში დაიწყებს შედეგის მოტანას.