ველოსიპედით სეირნობა სიცოცხლეს ახანგრძლივებს
5 წლის განმავლობაში შეისწავლეს 260 ათასი მოხალისე.
“პირველი, რასაც შეიგრძნობენ სამსახურში ველოსიპედით მიმავალი ადამიანები, უზომოდ მოზღვავებული მხნეობა და ენერგიაა. ეს უკვე თავისთავად კარგი ფაქტორია სამუშაოს სრულფასოვნად შესრულებისთვის, თუმცა, მოზღვავებულ მხნეობასა და ამაღლებულ განწობილებას ხომ სხვა დადებითი ეფექტებიც აქვს!”, - აღნიშნავენ სპეციალისტები.
ველოსიპედით სეირნობა განსაკუთრებული ტიპის დატვირთვაა ორგანიზმისთვის, რადგან ეს არის დინამიკური, აქტიური და ენერგიული ვარჯიში, რომელსაც თან ახლავს მუდმივად ცვლადი აქტივობა. ადამიანი ველოსიპედით სეირნობისას სხვადასხვა სიჩქარით გადაადგილდება, ირგვლივ სხვადასხვა ხედებს ეცნობა, ყოველივე ამისათვის მას სხვადასხვაგვარი ძალისხმევა სჭირდება, შედეგად ორგანიზმი განსხვავებულ დატვირთვას იღებს, რაც მთავარია, ბუნებრივს, რომელსაც ასე დიდი მნიშვნელობა აქვს ცალკეული სისტემების ფუნქციური განმტკიცებისთვის, იმუნური სისტემისა და მთლიანად სხეულის გაკაჟებისთვის. ამიტომაცაა, რომ ველოსიპედის მოყვარულები და რეგულარულად მოსეირნენი გაცილებით დიდხანს ცოცხლობენ.
თინათინ გოცაძე