ფიტნესი და სპორტი

ზედმეტად აქტიური ვარჯიში ლიბიდოს აქვეითებს

ზედმეტად აქტიური ვარჯიში ლიბიდოს აქვეითებს
ინტენსიური ვარჯიში მამაკაცებში ლიბიდოს დაქვეითებას იწვევს. ცნობილია, რომ ფიზიკური აქტივობა ზრდის ტესტოსტერონის დონეს, რის შედეგადაც ძლიერი სქესის წარმომადგენლების სექსუალური ლტოლვა იზრდება. თუმცა ჩრდილოეთ კაროლინას უნივერსიტეტის ახალმა კვლევამ აჩვენა, რომ ზედმეტად აქტიური ვარჯიში ლიბიდოს აქვეითებს.
კვლევაში ყოფილმა და მოქმედმა სპორტსმენებმა (მორბენლები, ველოსიპედისტები) მიიღეს მონაწილეობა. მოხალისეებმა უპასუხეს კითხვებს ყოველდღიურ ვარჯიშზე, ინტიმურ ცხოვრებასა და განწყობაზე. პასუხების გაანალიზებით, მკვლევრებმა დაასკვნეს: მამაკაცებს, რომლებიც დიდხანს და ინტენსიურად ვარჯიშობდნენ, ლიბიდო ხშირად დაქვეითებული ჰქონდათ. ხოლო დაბალი ან ზომიერი ინტენსივობის ვარჯიში აძლიერებდა სექსუალურ ლტოლვას. სპეციალისტებს მიაჩნიათ, რომ შემდგომი კვლევა
აუცილებელია.

ლალი ჩხიკვაძე