ფიტნესი: გონივრული მიდგომა - მკურნალი.გე
რუბრიკები
ოჯახის მკურნალის ანონსი
დეკემბერი 2018
კითხვა-პასუხი
ფიტნესი: გონივრული მიდგომა
ფიტნესი: გონივრული მიდგომა
შეცდომები მოსდით არა მხოლოდ გამოუცდელებსა და ახალბედებს, არამედ მათაც, ვინც მრავალი წელია სპორტულ დარბაზში დადის. განვიხილოთ ზოგიერთი გავრცელებული შეცდომა.

1. განეწყვეთ
არასოდეს გიცდიათ ვარჯიშისთვის განწყობის შექმნა? იცით თუ არა, რომ ვარჯიშის ხარისხი და, ამის კვალობაზე, შედეგიც მნიშვნელოვანწილადაა დამოკიდებული სწორ განწყობაზე? მის შექმნაში ერთი შეხედვით უმნიშვნელო დეტალები მონაწილეობს. მაგალითად, ძალიან უნდა მოგწონდეთ ფორმა, რომელიც ვარჯიშის დროს გაცვიათ, დარბაზი, სადაც ვარჯიშობთ და, რაღა თქმა უნდა, გარშემო მყოფები.


2. ნუ ივარჯიშებთ მშიერი
დიეტოლოგები ერთხმად აღნიშნავენ, რომ არ არის საჭირო ვარჯიშის წინ შიმშილით თავის
მოკვლა. ვარჯიში ჭამიდან 30-45 წუთის შემდეგ შეიძლება. მენიუ დასახულ მიზნებს უნდა შეესატყვისებოდეს. გსურთ პრობლემურ ზონებში ცხიმის დაწვა? - ვარჯიშის წინ უნდა დალიოთ ტკბილი ჩაი ან ხილის წვენი. კუნთოვანი მასის გაზრდა გინდათ? - უნდა მიიღოთ ცილა (ფრინველის ხორცი, კვერცხი, მარცვლეული).

3. ეცადეთ, ზომიერებამ არ გიღალატოთ
ზოგს
ჰგონია, რომ თუ ვარჯიშის შემდეგ დაღლილობისგან ძირს არ ეცემა და წყალივით არ სდის ოფლი, დატვირთვა საკმარისი არ იყო. ეს წარმოდგენა საფუძველშივე მცდარია. კარგი ვარჯიშის შემდეგ ენერგიის მოზღვავება უნდა იგრძნოთ და არა გასავათება. სისუსტე, უხალისობა და მოდუნება იმის მაჩვენებლია, რომ დატვირთვა თქვენთვის ზომაზე მეტია.

4. იზრუნეთ ზურგზე
მაგარი პრესი და ამოზნექილი მკერდი შესანიშნავია, მაგრამ არ დაგავიწყდეთ ზურგი. სხეული ჰარმონიულად რომ განვითარდეს, აუცილებლად ჩართეთ კომპლექსში ზურგის კუნთების განსავითარებელი ვარჯიშები.

5. თანდათან გაზარდეთ დატვირთვა
თუ მუდმივად ასრულებთ მოძრაობების ერთსა და იმავე ნაკრებს უცვლელ რიტმში, წვრთნის შედეგი უმნიშვნელო იქნება. შესამჩნევად რომ დავწვათ კალორიები და განვავითაროთ გამძლეობა, არ უნდა დავჯერდეთ ერთფეროვან ვარჯიშს და დატვირთვა დროდადრო ვცვალოთ.

6. გონივრულად მოეკიდეთ ძალისმიერ ვარჯიშს
ცდილობთ, სწრაფად შეასრულოთ ვარჯიშები ძალისმიერ ტრენაჟორებზე? საუკეთესო შემთხვევაში, დაიღლებით, უარესში კი კუნთების ტრავმას მიიღებთ. შეასრულეთ ვარჯიშები ზომიერ და თანაბარ ტემპში.

7. თვალი ადევნეთ დროს
დამტკიცებულია, რომ კარდიოვარჯიში არ უნდა გაგრძელდეს 45 წუთზე მეტხანს. წინააღმდეგ შემთხვევაში ცხიმოვანი ფენის ნაცვლად აქტიურად დაიწყებს წვას კუნთური მასა, რომელიც კალორიების ძირითადი მომხმარებელია.

8. ყურადღება გაამახვილეთ შესრულებაზე
ფიტნესის სპეციალისტებმა იციან ერთი საიდუმლო: ვარჯიშის დროს ყურადღების კონცენტრირება უნდა მოახდინოთ იმ კუნთზე, რომელსაც ამუშავებთ. “ესაუბრეთ” საკუთარ სხეულს, დაამყარეთ მასთან ფსიქოლოგიური კონტაქტი.

გაითვალისწინეთ:

  • კუნთებისა და მყესების დაჭიმულობით საავადმყოფოში რომ არ მოხვდეთ, ვარჯიშის დაწყებამდე აუციელბლად მოითელეთ.
  • სვით უგაზო მინერალური წყალი (დაახლოებით 100 მილილიტრი 15-20 წუთში ერთხელ) - ის აღადგენს სითხის დანაკარგს და ამცირებს შიმშილს.
  • ვარჯიშის დროს მუხლები და თეძოები გტკივათ? ცურვაზე გადადით. იმდენივე კალორიას დაწვავთ, რამდენსაც სპორტულ დარბაზში, საწვრთნელ იარაღებთან, მაგრამ ძვლებისა და სახსრების დატვირთვის გარეშე.
კომენტარი არ გაკეთებულა
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდირებული პროდუქტები
მხედველობის ჯანმრთელობისთვის-30აბი
ფასი: 44.9
მხედველობის ხელშეწყობისთვის-60აბი
ფასი: 44.9
მხედველობის ჯანმრთელობისთვის -60 აბი
ფასი: 39.9
ჯანსაღი თმის შესანარჩუნებლად
ფასი: 75
17 დეკემბერი 2018
ზამთარში წონის მა­ტე­ბას მარ­თლაც ბევ­რი უჩი­ვის. ენდოკრინოლოგ ლაშა უჩავას განმარტებით, ეს და­კავ­ში­რე­ბუ­ლია
ამ კატეგორიის სხვა სტატიები
სპორტი წონის დაკლებისა და ფორმაში ჩადგომის ერთ-ერთი საუკეთესო საშუალებაა.
ყველასთვის ცნობილია, რომ ჭარბი წონა ადამიანის ჯანმრთელობისთვის მავნებელია.
ეს არის ათი მიზეზი, რის გამოც წონაში დასაკლებად შრომა ღირს
თუ ადამიანი რეგულარულად თამაშობს ჩოგბურთს, მას ამით შეუძლია სიცოცხლის თითქმის 10 წლით
ითვლება, რომ სპორტსმენები გულის დაავადებებისგან დაცულები არიან. თუმცა, ბრიტანელმა მეცნიერებმა ეს
ოქსფორდისა და იელის უნივერსიტეტებმა 1,2 მილიონი ადამიანის მონაწილოებით ჩაატარეს მასშტაბური კვლევა,
17 დეკემბერი 2018
ინტიმური ჰიგიენა ერთ-ერთი ისეთი საკითხია, რომელზეც ყურადღების მოდუნება ნამდვილად არ შეიძლება.
სპეციალისტთა განცხადებით, თაფლის რეგულარულად მიღება ორგანიზმის მდგომარეობას აუმჯობესებს.
მკურნალი გე-ს რედაქტორი,თამარ მამაცაშვილი გვირჩევს, გავეცნოთ ამ ინფორმაციას ერთი შეხედვით უვნებელი ინფექციის შესახებ:
ჯანდაცვის მსოფლიო ორგანიზაციის რეგიონული დირექტორის ჟუჟანა ჯაკაბის განცხადებით,