სახტუნაო - მარტივი და ეფექტური ტრენაჟორი - მკურნალი.გე

რუბრიკები

ოჯახის მკურნალის ანონსი

მაისი 2020

კითხვა-პასუხი

სახტუნაო - მარტივი და ეფექტური ტრენაჟორი

სახტუნაო - მარტივი და ეფექტური ტრენაჟორი
ბევრს ალბათ ვერც წარმოუდგენია, რომ სახტუნაო, რომელიც ასე უყვარდა ბავშვობაში და რომლის მიერ მონიჭებულ სიამოვნებას ასაკთან ერთად სამუდამოდ დაემშვიდობა, მეტად ეფექტური ტრენაჟორია. მეტიც - გახდომის უნიკალური საშუალებაა, სირბილზე არანაკლებ მნიშვნელოვანი. სახტუნაოთი შეგიძლიათ შინიდან გაუსვლელად დაიკლოთ ზედმეტი კილოგრამები. საკმარისია დღეში 10-წუთიანი ხტომა, რომ წელის გარშემოწერილობის შემცირება აშკარა გახდეს. თუ სახტუნაოთი ვარჯიშს უფრო მეტ დროს დაუთმობთ, შედეგი გაგაოცებთ.


სახტუნაო ცელულიტის საწინააღმდეგო ეფექტური საშუალებაცაა, რადგან აუმჯობესებს ლიმფის დინებას, შედეგად დუნდულა კუნთები იჭიმება, ფეხებისა კი იწრთობა. სახტუნაოთი ხტუნვა მეტად სახალისოა, ხოლო იმის გათვალისწინებით, რომ
ხელს უწყობს გახდომას - სასარგებლოც. ხტუნვა მხოლოდ კალორიების წვას კი არ უწყობს ხელს, არამედ აკაჟებს გულ-სისხლძარღვთა და სასუნთქ სისტემებს, აწრთობს, ავარჯიშებს სხეულის კუნთებს, ავითარებს გამძლეობას. სპეციალისტთა დასკვნის თანახმად, ხტუნვით ადამიანი უფრო მეტად იკლებს წონას, ვიდრე ჩოგბურთით, ველოსიპედით და თუნდაც ცურვით. სახტუნაოთი ერთსაათიანი ვარჯიშის შედეგად 70
კგ წონის ადამიანი დაახლოებით 720 კკალორიას წვავს. გასათვალისწინებელია ერთი რამ: როდესაც ადამიანი გასახდომად ირჩევს სპორტულ სირბილს, უპირატესობას ანიჭებს სწრაფ სიარულს ან ნელ ძუნძულს, სახტუნაოთი ვარჯიშის შემთხვევაში კი თავიდანვე ვიღებთ სწრაფ და საკმაოდ მძიმე ტემპს. ეს ბუნებრივიცაა - წუთში ხომ 70-ზე ნაკლები ბრუნვის შესრულება ძნელია. ხტუნვის ასეთი ტემპი თავიდანვე იწვევს გულის შეკუმშვათა გახშირებას. ამ დროს ადამიანის გულს პირველი 5 წუთის განმავლობაში ფაქტობრივად ანაერობულ რეჟიმში უხდება ფუნქციობა. ამიტომაა, რომ სპეციალისტები სახტუნაოს პირველი წუთების ეფექტს მაქსიმალური სიჩქარით სირბილს ადარებენ. იმასაც შეგახსენებთ, რომ ხტუნვის დაწყებიდან სულ რაღაც 7 წუთში ჟანგბადზე მოთხოვნილება და მისი მარაგი ორგანიზმში სწორდება, ბალანსდება, ამიტომ ხტუნვის დატვირთვა საშუალო სიჩქარით სირბილის დროს განვითარებული დატვირთვის ეკვივალენტურია. ამრიგად, სახტუნაოთი ხტუნვა სერიოზული დატვირთვაა ორგანიზმისთვის. თანაც ამისთვის საჭირო არ არის სპორტული დარბაზი - საკმარისია დაახლოებით 2 კვადრატული მეტრი ფართობი, ზოგჯერ - უფრო ნაკლებიც, იმისდა მიხედვით, ვინ როგორ ხტუნავს. სახტუნაოს შერჩევისას ორივე ფეხით უნდა დადგეთ მის შუა ნაწილზე, ბოლოები ხელში დაიჭიროთ და ხელები მხრების სიგანეზე გაშალოთ. ასეთი სიგრძეა თქვენთვის იდეალური. მოკლე სახტუნაოთი ხტუნვისას ფეხების მაქსიმალურად მოკეცვა მოგიწევთ, ხოლო გრძელი სახტუნაო არ მოგცემთ მოძრაობათა კონტროლის საშუალებას. სპეციალისტები ამტკიცებენ, რომ გასახდომად განკუთვნილი სახტუნაოს დიამეტრი 0,8-0,9 სმ უნდა იყოს. ხტუნვა უნდა დაიწყოთ ორივე ფეხით ერთ ადგილზე, მერე კი შეიძლება სხვადასხვა ვარჯიშის ვარირება: მაქსიმალურად მუხლებმოკეცილი, ფეხების მონაცვლეობით, მორიგეობით ხან ერთი და ხან მეორე ფეხით, გვერდზე (ანუ მარჯვნივ და მარცხნივ) ან წინ და უკან ხტომებით, ხელების გადაჯვარედინებით და სხვა. ასე რომ, სცადეთ, გაიხსენეთ ბავშვობა, გახალისდით და გაჯანსაღდით!
გააკეთეთ კომენტარი
თარიღი : 04-11-2015
ia
ხერხემლის პრობლემა ვისაც აქვს, მათთვის შეიძლება სახტუნაოთი ვარჯიში?
დიეტოლოგია
თაფლი სრულფასოვანი სუპერპროდუქტია. ის გულის დაავადებებისა და კიბოს საპროფილაქტიკო საშუალებაა.
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
ყოველდღიური ფიზიკური აქტივობა აქვეითებს ყოფილი ონკოლოგიური პაციენტების ნაადრევი სიკვდილის რისკს. ეს დასკვნა კიბოსგან განკურნებული 50-74 წლის 2000 ქალის
ისპანახი საოცარი ბოსტნეულია, აქვეითებს ცხიმიანი და ტკბილი საკვებისადმი ლტოლვას, ასევე ზრდის კუნთების მოცულობასა და ძალას.
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ადამიანის ხერხემალს ყოველდღიურად დიდი დატვირთვა ადგება, შესაბამისად,
ცხოვრების ჯანსაღი წესი ჯანმრთელობის შენარჩუნებისა და გაძლიერების აუცილებელი პირობაა.
თუ თქვენ დღის მანძილზე არ გაქვთ დრო ვარჯიშისთვის, მაშინ ძილის წინ ვარჯიშები დაგეხმარებათ
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად