რას ურჩევს მშობლებს სპორტის მასწავლებელი - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

რას ურჩევს მშობლებს სპორტის მასწავლებელი

რას ურჩევს მშობლებს სპორტის მასწავლებელი
Covid-19-პანდემიამ დიდი დარტყმა მიაყენა ყველას სხვადასხვა კუთხითა თუ ასპექტით. არც ის არის დასამალი, რომ ზოგის ფსიქიკას მან განსაკუთრებულად მძიმე დაღი დაასვა. ჯერ კიდევ ე.წ. პირველი ტალღის დროს, ადამიანთა ნაწილი შიშის გამო ისე ჩაიკეტა, რომ კვირაობით არ გამოდიოდა სახლიდან, არ უშვებდა ბავშვებს ეზოში, არ ასეირნებდა ჰაერზე. ასეთ მიდგომას ბევრი დღესაც აგრძელებს, მით უფრო, რომ სახლიდან გაუსვლელად მუშაობა და სწავლა (დისტანციურად, ე.წ ონლაინ რეჟიმში) კარგად ეხმარება უმოძრაობასა და იზოლაციას.

ადამიანები ვერ აცნობირებენ, რომ ჰიპოდინამია და ჩაკეტილობა კიდევ უფრო მეტად აღრმავებს შფოთვისა და განგაშის
შეგრძნებას, პანიკურ დამოკიდებულებას ახალი კორონავირუსისადმი, ავითარებს სიზარმაცეს, აძლიერებს აპათიას (ყველაფრისადმი გულგრილობას, უინტერესობასა და უხალისობას), ეს ყოველივე კი განსაკუთრებულად დამღუპველია მოზარდი თაობისათვის!

რატომ არის აუცილებელი რეგულარულად სუფთა ჰაერზე სეირნობა, სპორტული აქტივობა, სისტემატურად ვარჯიში და მოძრაობა, სწორედაც რომ პანდემიის პერიოდში - ამაზე გვესაუბრება ტანმოვარჯიშე (სპორტული აკრობატიკა), საბჭოთა
კავშირის სპორტის ოსტატი, საქართველოს ნაკრების წევრი, ნინო ჭავჭავაძე, რომელიც უკვე 26 წელია მუშაობს ქ. თბილისის ნოდარ ახალკაცის სახელობის მე-9 საჯარო სკოლის ფიზიკური აღზრდისა და სპორტის მასწავლებლად:

mkurnali.ge- ქალბატონო ნინო, როგორც სპორტსმენი და სპორტის მასწავლებელი რა კომენტარს გააკეთებდით Covid-19-პანდემიის პირობებში სპორტისა და ვარჯიშის მნიშვნელობაზე?

- მოგეხსენებათ, თუ როგორ დიდ როლს ასრულებს ადამიანის ცხოვრებაში ცხოვრების ჯანსაღი წესი, ფიზიკური აღზრდა და სპორტი. მას მრავალი ფუნქცია აკისრია, როგორიცაა ჯამრთელობის განმტკიცება, სიცოცხლისთვის აუცილებელი უნარ-ჩვევების ფორმირება და სრულყოფა, ტანადობის ჩამოყალიბება, პიროვნული თვისებების აღზრდა.

Covid-19-მა მართლაც შეცვალა ჩვენი ცხოვრება. ეს მდგომარეობა ყველაზე მეტად ჩვენს შვილებს შეეხო. ეზოს, თამაშს და სკოლის კედლებს მიჩვეულები, უცებ ჩაკეტილ სივრცეში აღმოჩნდნენ. რა თქმა უნდა, სკოლებიც გადავიდა დისტანციურ სწავლებაზე და ბავშვებს ხანგრძლივი დროით უწევთ კომპიუტერთან ჯდომა, ეს მდგომარეობა კი უარყოფითად მოქმედებს მათ ნერვულ და კუნთოვან სისტემაზე.

დღეს, პანდემიის პირობებში, ბევრს საუბრობენ იმუნიტეტის გაძლიერებაზე, ჯანსაღ კვებასა და საკვებ რაციონზე, და ხშირად ავიწყდებათ, რომ ერთ-ერთი უმნიშვნელოვანესი იმუნური სისტემის განმტკიცებისათვის, ორგანიზმის გაჯანსაღებისათვის ფიზიკური აქტივობაა, მინდა ეს განსაკუთრებულად გაითვალისწინონ მშობლებმა, ბავშვებს ჯანსაღ საკვებთან ერთად აუცილებლად სჭირდებათ სუფთა ჰაერი, მზის სხივები და ფიზიკური აქტივობა -სირბილი, ვარჯიში, თამაში და მოძრაობა!

- დისტანციური სწავლების ცხრილში სპორტის, როგორც საგნის გამოჩენამ, დიდი აზრთასხვაობა გამოიწვია, ბევრი მშობელი ახლაც მიიჩნევს, რომ სპორტის ნაცვლად უმჯობესია მათემატიკა, ქართული ან სხვა "სერიოზული" საგანი იყოს დამატებით ჩართული. ისიც უნდა აღვნიშნო, რომ სპორტის მასწავლებლებმაც ადვილად გაართვეს თავი დისტანციურ სწავლებას, ზოგი საინტერესო ვარჯიშების ვიდეოებს უგზავნის ბავშვებს, ზოგიც თეორიულ ნაწილს ასწავლის, ოლიმპიურ თამაშებსა თუ სხვა საინტერესო საკითხებზე, ერთი სიტყვით, სპორტის "ონლაინ გაკვეთილებმაც" გაამართლა, რას იტყოდით ამასთან დაკავშირებით?

- მიუხედავად იმისა, რომ ფიზიკური აღზრდა და სპორტის გაკვეთილების დისტანციურად ჩატარება უცნაურად ჟღერს, მინდა გითხრათ, გაკვეთილები საინტერესოდ ტარდება, განსაკუთრებით დაწყებით კლასებში, სადაც ბავშვები მუსიკის თანხლებით ასრულებენ სხვადასხვა ფიზიკურ აქტივობებს. მე პირადად, როგორც მასწავლებელი, კარგად დაგეგმილი აქტივობებით ვცდილობ ბავშვებს ავუხსნა, თუ როგორ უნდა ივარჯიშონ სწორად სახლის პირობებში. ასევე ვიყენებ სპორტის გზამკვლევის სხვადასხვა ელექტრონულ რესურსს, მაგალითად:

1) ჯანსაღი ცხოვრების წესი, მავნე ჩვევები;
2) სახელმძღვანელო ოლიმპიზმი;
3) ოლიმპიური მუზეუმი;
4) ქართველი ოლიმპიელები და სხვა.
ჩვენი სკოლის დირექტორის ქალბატონი მარინა გიგაურის ხელმძღვანელობით საზოგადოდ დიდი ყურადღება ექცევა სპორტის გაკვეთილებს, მოსწავლეები დისტანციურ სწავლებაშიც აქტიურად არიან ჩართულები.

- რას ურჩევდით მოსახლეობას, მოსწავლეებს, მათ მშობლებს, რა მნიშვნელობა აქვს სპორტულ დატვირთვას, ფიზიკურ აქტივობას, შეიძლება თუ არა, რომ ის სხვა წესებთან ერთად დავუპირისპიროთ ახალ კორონავირუსს?

- რა თქმა უნდა, შეიძლება, თუ არ მოვდუნდებით, ვივარჯიშებთ, ვიაქტიურებთ, გავიკაჟებთ სხეულსა და ფსიქიკას! ჩვენ, ხომ ჯანმრთელი მომავალი თაობა გვჭირდება, ამიტომაც მინდა მივმართო მშობლებს - ნუ იქნებიან თქვენი შვილები უმოძრაოდ, მიაქციეთ ყურადღება ტანადობას, ჯდომას, შეეცადეთ დილაობით შვილებთან ერთად შეასრულოთ გამამხნევებელი ვარჯიშები, ისეირნოთ სუფთა ჰაერზე, მიაჩვიოთ შვილები ჯანსაღი ცხოვრების წესს, იმედი არ დაკარგოთ, ყველაფერი გაივლის. გისურვებთ ჯანმრთელობას!

სპეციალურად მკურნალი.გე-სთვის მოამზადა
თინათინ გოცაძემ

გააკეთეთ კომენტარი
თარიღი : 01-11-2020
ირმა
უმაგრესი მასწავლებელი როგორც თავიანთ შვილებს ისე ზრდის მომავალ თაობას,როგორც დედა ისე უდგას გვერდში ბავშვებს.
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
ლონდონის საუნივერსიტეტო კოლეჯის მეცნიერების მიერ ჩატარებული კვლევის თანახმად,
საბედნიეროდ სულ უფრო ხშირად შეხვდებით სპორტულ მოედნებსა თუ გამწავნებულ ადგილებში მორბენალ ადამიანებს.
ღაბაბის პრობლემა სამწუხაროდ ბევრ ქალს აწუხებს.
ყოველდღიური ფიზიკური აქტივობა აქვეითებს ყოფილი ონკოლოგიური პაციენტების ნაადრევი სიკვდილის რისკს. ეს დასკვნა კიბოსგან განკურნებული 50-74 წლის 2000 ქალის
კომპიუტერებისა და მობილური მოწყობილობების აქტიურად და მყარად „შემობიჯებამ“ ბავშვთა ცხოვრებაში დიდი ზიანი მოუტანა მათ ჯანმრთელობას.
ისპანახი საოცარი ბოსტნეულია, აქვეითებს ცხიმიანი და ტკბილი საკვებისადმი ლტოლვას, ასევე ზრდის კუნთების მოცულობასა და ძალას.
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად