სპორტსმენებმა აუცილებლად უნდა მიირთვან ისპანახი
ბერლინის თავისუფალი უნივერსიტეტის ფარმაცევტული განყოფილების მკვლევრებმა დაადგინეს, რომ ისპანახში შემავალი ფიტოსტეროიდი - ეკდისტერონი ასტიმულირებს კუნთოვანი მასის ზრდას, ამაღლებს გამძლეობას სპორტსმენებთან და აუმჯობესებს მათ შედეგებს.
ექსპერიმენტში მონაწილეობდა 46 მოხალისე, რომელიც ორ ჯგუფად იყო განაწილებული. პირველი ჯგუფი იღებდა ისპანახის ექსტრაქტს (გამონაწვლილს) სხვადასხვა მოცულობით, მეორე ჯგუფი კი პლაცებოს. ორივე ჯგუფის წარმომადგენლები დაკავებულნი იყვნენ ძალისმიერი ვარჯიშებით 2,5 თვის განმავლობაში. არავინ იცოდა ჯგუფიდან ვინ იღებდა რეალურად ეკდისტერონს.
გაირკვა, რომ ისპანახის ექსტრაქტის მიმღებ სპორტსმენებს კუნთოვანი მასა 20 %-ით გაეზარდათ, ძალა კი სამჯერ მოემატათ იმ მოხალისეებთან შედარებით, რომლებიც პლაცებოს იღებდნენ.
თინათინ გოცაძე