სპორტი არ შეიძლება იყოს გულის დაავადებებისგან დაცვის გარანტი - ბრიტანელი მეცნიერების დასკვნა

ითვლება, რომ სპორტსმენები გულის დაავადებებისგან დაცულები არიან. თუმცა, ბრიტანელმა მეცნიერებმა ეს მოსაზრება უარყვეს. მათ გამოარკვიეს, რომ მიუხედავად მუდმივი ფიზიკური აქტივობისა, სპორტსმენები გულ-სისხლძარღვთა დაავადებებით მაინც ავადდებიან. კვლევამ აჩვენა, რომ მუდმივი ფიზიკური დატვირთვის პირობებში ნაადრევი სიკვდილის რისკი იზრდება.

მეცნიერებმა 35 წელზე მეტი ასაკის 798 სპორტსმენის მონაცემი გააანალიზეს. ისინი კვირაში მინიმუმ 3-ჯერ საშუალო და მაღალი ინტენსივობით ვარჯიშობდნენ. ამასთან, კვლევის მონაწილეები საუბრობდნენ საკუთარ ჯანმრთელობაზე, მემკვიდრეობაზე და სპორტის სახეობაზე. ისინჯებოდა არტერიული წნევა და ტარდებოდა კორონარული ანგიოგრაფია. აღმოჩნდა, რომ 94 ადამიანს ჰქონდა გულსისხლძარღვთა დაავადებების ნიშნები, 10-ს უსიმპტომოდ მიმდინარე კორონარული არტერიების ფუნქციის მძიმე დარღვევა.

გამოდის, რომ მავნე ჩვევებისა და ოჯახური მემკვიდრეობითობის აშკარა პრობემების არარსებობის ფონზე, სპორტი არ შეიძლება იყოს გულის დაავადებებისგან დაცვის გარანტია.

ლალი ჩხიკვაძე