7 ძირითადი წესი ცურვის შემსწავლელთათვის (ვიდეოგაკვეთილი) - მკურნალი.გე

რუბრიკები

ოჯახის მკურნალის ანონსი

7 ძირითადი წესი ცურვის შემსწავლელთათვის (ვიდეოგაკვეთილი)

ცურვის 7 წესი, რომლსაც შეუძლია სიცოცხლის გადარჩენა: N 1 შიშის დაძლევა

შიში ერთ-ერთი უძლიერესი წინაღობაა, რომელიც უნდა დაძლიოს ადამიანმა, რათა ისწავლოს ცურვა. გაგაოცებთ იმის გაგება, რომ ადამიანთა 65 % ეშინია სიღრმის, ხოლო 45 % აშინებს წყალქვეშ აღმოჩენა.

არსებობს მარტივი ხერხი შიშის გადასალახად.

ღრმად ჩაისუნთქეთ და შეაჩერეთ სუნთქვა. მიიღეთ სხვადასხვა პოზები და შეეცადეთ შეიგრძნოთ თუ წყალი როგორ ცდილობს ამოგატივტივოთ ზედაპირზე.

სწავლა უნდა დაიწყოთ არაუმეტეს 1 -1 .5 მეტრი სიღრმის წყალში.

N 2 სუნთქვის სწავლა.

ცურვისას სწორი სუნთქვა, უაღრესად მნიშვნელოვანია. ასე, რომ შემდეგი
ნაბიჯია სწორი სუნთქვის სწავლა.

ჩაისუნთქეთ პირით, როცა ხართ წყლის ზევით და ამოისუნთქეთ ცხვირით ან პირით, როცა ხართ წყალქვეშ. შეეცადეთ გამოიმუშაოთ რიტმი.

და კიდევ ერთი ვარჯიში პრაქტიკისთვის - სუნთქვის შეკავება. ვინ იცის, როდის გამოგადგებათ ეს უნარი.

N 3 წყალთან დამეგობრება

თუ წყალს აღიქვამთ, როგორც მტერს ან
საშიშროებას, მოგიწევთ თქვენი დამოკიდებულების გადახედვა. წარმოიდგინეთ, რომ წყალი არის თქვენი ახლო მეგობარი, მზრუნველი, ნაზი და მხიარული. გაწექით ზურგით წყალზე და მოდუნდით. იგრძენით თუ როგორ გიჭერთ წყალი ზედაპირზე და ნელა გარწევთ. შეგიძლიათ ცადოთ მუცელზე დაწოლა და საცურაო სათვალეების გაკეთება. დააკვირდით წყალქვეშა ცხოვრებას.

წყალქვეშა სამყარო მიიპყროს თქვენს ყურადღებას და დაგეხმარებათ მოდუნებაში.

mkurnali.ge

N 4 ფეხების მოძრაობის სწავლა

თუ ყველა წინა სამი რჩევა აითვისეთ, გადავიდეთ ცურვაზე. ამისთვის უნდა ვისწავლოთ ფეხების მოსმა. ამ ვარჯიშს ჰქვია კროლი.
გაჭიმეთ ხელები წინ და ჩაეჭიდეთ კიდეს ან საცურაო დაფას. ამოძრავეთ ერთი ფეხი ზევით-ქვევით. შემდეგ გაიმეორეთ მეორეთი. უკეთ გამოგივათ თუ მხოლოდ ოდნავ მოხრით ფეხებს და შეეცდებით გაჭიმოთ ცერები. მოძრაობა უნდა მოდიოდეს თეძოდან.

მეორე მოძრაობა - ბრასი. მის შესასრულებლად მოიმარჯვეთ საცურაო დაფა და ჩაეჭიდეთ მას. შემდეგ გაშალეთ ფეხები განზე, მოხარეთ მუხლებში და გაკარით უკან წინ ბიძგის მისაღებად. ნუ გეუხერხულებათ, თუ მოგეჩვენებათ, რომ ბაყაყივით გამოიყურებით. სწორედ ეს არის მიზანი.

N 5 ხელების მოძრაობის სწავლა

როცა შეძლებთ ფეხების მოსმას თავდაჯერებულად და რიტმულად, დროა გადახვიდეთ შემდეგზე - ხელების სწორედ გამოყენება.

დავიწყოთ ისევ კროლით. გაწექით ზურგზე. ამოძრავეთ ფეხები, ისე, როგორც კროლის დროს. ამასთან ერთად გაჭიმეთ ხელები სხეულის გასწვრივ და რიგრიგობით ამოძრავეთ ისინი წყლის ზემოთ ჰაერში ნახევარწრეების შემოწერით. გაჭიმეთ თავი რამდენადაც შეიძლება. როცა ხელი აღმოჩნდება წყალს ქვემოთ შემოწერეთ ხელით ნახევარწრე ტანის დონეზე და დაუბრუნდით საწყის მდგომარეობას. გახსოვდეთ, ხელები უნდა იყოს გაჭიმული და უნდა მოუსვათ თანმიმდევრობით.

გაწექით მუცელზე. მოუსვით ხელები რიგრიგობით. შემოწერეთ ხელებით ნახევარწრეები და ყოველ ჯერზე დაუბრუნეთ საწყის მდგომარეობას. ჩაისუნთქეთ, როცა ხელს აღმართავთ ჰაერში და მოაბრუნეთ თავი იმავე მხარეს.

არ დაგავიწყდეთ ხელებისა და ფეხების მოძრაობის შეთანხმება. თუ თავს საკმაოდ თავდაჯერებულად გრძნობთ, გადადით ბრასზე. ფეხებით ბიძგის პარალელურად გაჭიმეთ ხელები წინ ისრის მსგავსად. შემდეგ ერთდროულად ერთი სიმეტრიული მოძრაობით გაშალეთ ისინი განზე ნახევარწრეებით. მოუყარეთ ხელის მტევნებს თავი მკერდის დონეზე და კვლავ დაუბრუნეთ საწყის მდგომარეობას.

მნიშვნელოვანია გახსოვდეთ, როცა შლით ხელებს თავი ასწიეთ მაღლა და ჩაისუნთქეთ. თუ კვლავ არაკომფორტულია თავის წყალში ჩაყოფა, შეგიძლიათ იცუროთ ამის გარეშეც.

N 6 წყალზე გაჩერება

ახლა თქვენ უკვე პროფესიონალად გრძნობთ თავს. 

წყალზე ვერტიკალური გაჩერებისთვის ამოძრავეთ ფეხები ბრასით ცურვის მსგავსად, ფეხებით უბიძგებთ რა წყალს, გაშალეთ ხელები განზე და შეასრულეთ წრიული მოძრაობები. ეს დაგეხმარებათ წყალზე გასაჩერებლად.

მეორე ვარიანტი. მოხარეთ განზე გაშლილი ფეხები და ამოძრავეთ ველოსიპედის ტარების იმიტაციით. მოხარეთ ხელები იდაყვებში და ამოძრავეთ წრიულად სხეულიდან გარეთ.

N 7 წყალქვეშა ცურვა


როგორ ავითვისოთ ეს? ახტით ფსკერიდან და ჩაყვინთეთ იქვე, სადაც დგახართ. ისრის მსგავსად შეაერთეთ ხელები წინ. ნიკაპი დახარეთ მკერდისკენ, ისე, რომ არ შეეხოთ. გააკეთეთ ბიძგი წინ.
წყალქვეშ შეგიძლიათ ამოძრაოთ ხელები ისევე, როგორც ბრასის დროს. შეგიძლიათ ფეხები ამოძრაოთ რიგრიგობით, როგორც ბრასის დროს ან კროლის დროს ან იცუროთ დელფინის მსგავსად ტალღისებურად. ამაში დაგეხმარებათ ლასტების გამოყენება.

mkurnali.ge

უსაფრთხოება უპირველეს ყოვლისა

ახლა უკვე მზად ხართ, დაიმორჩილოთ დიდი წყალი, მაგრამ ნუ დაგავიწყდებათ - უსაფრთხოება:

  • არასოდეს იცუროთ ალკოჰოლის მიღების შემდეგ.
  • თუ გრძნობთ ტკივილს, თავბრუსხვევას, ან სპაზმს, კრუნჩხვას, დაუყოვნებლივ ამოდით წყლიდან.
  • ნუ მიბაძავთ მათ, ვინც ხტება პირსიდან. ეს საშიშია.
  • იცურეთ მხოლოდ მოვლილ ქვიშიან ნაპირებზე. ადგილებში სადაც არ არის ძლიერი დინებები და არიან მაშველები და სადაც რეგულარულად იღებენ წყლის სინჯებს.

ამ ავტორის სხვა სტატიები
გააკეთეთ კომენტარი
კომენტარი არ გაკეთებულა
მსგავსი სიახლეები
განათლების, მეცნიერების, კულტურისა და სპორტის სამინისტრო სწავლის დაწყებასთან დაკავშირებით სასწავლო
18-01-2019
სეროტონინს სხვაგვარად ბედნიერების ან კიდევ ამაღლებული განწყობის ჰორმონსაც უწოდებენ.
08-01-2019
თბილისის საბავშვო ბაგა-ბაღებში სწავლის დაწყების გადადება ამ ეტაპზე არ იგეგმება. ბაგა-ბაღების, სააგენტოს
08-01-2019
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
საბედნიეროდ სულ უფრო ხშირად შეხვდებით სპორტულ მოედნებსა თუ გამწავნებულ ადგილებში მორბენალ ადამიანებს.
ღაბაბის პრობლემა სამწუხაროდ ბევრ ქალს აწუხებს.
ყოველდღიური ფიზიკური აქტივობა აქვეითებს ყოფილი ონკოლოგიური პაციენტების ნაადრევი სიკვდილის რისკს. ეს დასკვნა კიბოსგან განკურნებული 50-74 წლის 2000 ქალის
კომპიუტერებისა და მობილური მოწყობილობების აქტიურად და მყარად „შემობიჯებამ“ ბავშვთა ცხოვრებაში დიდი ზიანი მოუტანა მათ ჯანმრთელობას.
ისპანახი საოცარი ბოსტნეულია, აქვეითებს ცხიმიანი და ტკბილი საკვებისადმი ლტოლვას, ასევე ზრდის კუნთების მოცულობასა და ძალას.
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად