რა გავლენა აქვს ფერებს ადამიანის ჯანმრთელობაზე
ადამიანის ყველა შინაგან ორგანოს, ისევე როგორც ფერსა და ბგერას, განსაზღვრული ვიბრაცია აქვს. როცა ადამიანი ავად ხდება, მას გამოჯანმრთელებაში განსაზღვრულ ფერთან ურთიერთობაც ეხმარება. წითელი ზრდის შინაგან ენერგიას, ხელს უწყობს სისხლის მიმოქცევისა და ნივთიერებათა ცვლის მოწესრიგებას. მის გამოყენებას გვთავაზობენ დაბალი წნევის, ანემიის, მაღალი სიცხის დროს. ნარინჯისფერი გვეხმარება, გავუმკლავდეთ ეჭვს, შიშს, შფოთვას, დაღლილობას, უგუნებობას.
ყვითელი ზრდის ყურადღების კონცენტრაციას, აუმჯობესებს განწყობას და მეხსიერებას, აძლიერებს აზროვნების უნარს, ააქტიურებს ვეგეტატიურ ნერვულ სისტემას, დადებითად მოქმედებს კუჭის, ღვიძლის, თორმეტგოჯა ნაწლავის, ნაღვლის ბუშტის, ლიმფური სისტემის ფინქციონირებაზე და კანის დაავადებების განკურნებასაც კი აჩქარებს. მწვანეს ანთებისა და ალერგიის საწინააღმდეგო ეფექტი აქვს, ხელს უწყობს გულისა და თირკმლის მუშაობის მოწესრიგებას, აღმოფხვრის გულის რიტმის დარღვევას, თავბრუხვევას, ნევროზულობას, აქვეითებს თვალისა და არტერიულ წნევას. ცისფერი ამშვიდებს, აძლიერებს იმუნიტეტს, ამცირებს ანთებას, წვის შეგრძნებას (მაგალითად, მზით დამწვრობის, ყელის ტკივილის, კბილების ამოს¬ვლის დროს), დადებითად მოქმედებს ფარისებრ ჯირკვალზე. ლურჯი იწვევს სიმშვიდის შეგ¬რძნებას, ხსნის დაძაბულობას, ამცირებს არტერიულ წნევას, კარგად მოქმედებს სასუნთქ სისტემაზე. იისფერი ხელს უწყობს იმუნური სისტემის ფუნქციონირებას, შველის შაკიკს, აძლიერებს ინტუიციას. იხილეთ სტატია "ჯანმრთელობის ცისარტყელა"