ბავშვთა შორის ლაქტაზის უკმარისობა - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

ბავშვთა შორის ლაქტაზის უკმარისობა

ბავშვთა შორის ლაქტაზის უკმარისობა
ლაქტაზის უკმარისობა – რძის, უფრო ზუსტად, მასში არსებული შაქრის – ლაქტოზის აუტანლობაა, რომელიც არ იშლება და არ გადამუშავდება ორგანიზმში, გროვდება ნაწლავებში და იზიდავს დიდი რაოდენობით წყალს. ამის გამო ბავშვს აღენიშნება ფაღარათი – ერთ-ერთი ძირითადი ნიშანი ლაქტოზის აუტანლობისა.


რა არის ლაქტაზის უკმარისობის მიზეზი

ამ მოვლენის განვითარების მიზეზები ბოლომდე ნათელი არ არის, ხშირად ის მემკვიდრულია. არსებობს ოჯახები, სადაც რამდენიმე თაობის წარმომადგენელს აქვს რძის აუტანლობა ისე, რომ ხშირად არც კი ეჭვობენ თავიანთ დიაგნოზზე.

ლაქტაზის უკმარისობა დამახასიათებელია დღენაკლული ბავშვებისთვისაც. დროთა განმავლობაში ეს მდგომარეობა გადის და
ბავშვი დედის რძის მიღებას იწყებს. ზოგჯერ ბავშვთა შორის ლაქტოზის აუტანლობის განვითარებას და კუჭის მოქმედების გაუარესებას ნაწლავის ინფექციური ან ალერგიული ანთებაც განაპირობებს.


როგორ უნდა დადგინდეს ლაქტაზის უკმარისობა?


პირველი ნიშანი, რომელზეც დედამ ყურადღება უნდა გაამახვილოს, ეს არის ჭამის დროს ბავშვის მოუსვენრობა, მუცლის შებერილობა, თხევადი, ქაფიანი, მჟავესუნიანი ფეკალური
მასებით კუჭის მოქმედება. თუ ბავშვი კარგი მადით გამოირჩევა და ძუძუს აღებიდან რამდენიმე წუთში იწყებს ტირილს, ანებებს თავს წოვას, ფეხები მიაქვს მუცლისაკენ, მისი განავალი კი შეცვლილია, საჭიროა ექიმის კონსულტაცია.

ამ დროს ყველაზე გავრცელებული კვლევაა განავალში ნახშირწყლების დონის განსაზღვრა. ეს ანალიზი ბოლომდე სარწმუნო ინფორმაციას არ იძლევა ლაქტოზის აუტანლობაზე, მაგრამ იმას მიგვანიშნებს, რომ ბავშვის ორგანიზმი ვერ ინელებს და ვერ იწოვს ნახშირწყლებს. ანალიზის დადებითი შედეგი შემდგომი კვლევის საფუძველი უნდა გახდეს. დიაგნოზის დასაზუსტებლად განისაზღვრება წვრილი ნაწლავის მცირე უბნის ლორწოვანის ფერმენტის აქტივობა, კეთდება განავლის ანალიზი დისბაქტერიოზზე და სისხლის ანალიზი ალერგენების მიმართ ანტისხეულებზე.

დიაგნოზის დასაზუსტებლად ძუძუზე მყოფ პატარებს ნახშირწყლების ათვისების პრობლემის მოსაგვარებლად ფერმენტ ლაქტაზას უნიშნავენ.

თუ ბავშვი ხელოვნურ კვებაზეა, ის გადაჰყავთ დაბალლაქტოზურ ან ულაქტოზო ნარევზე. დაბალლაქტოზურ დიეტას ურჩევენ იმ ბავშვებსაც, ვისაც საკვებისმიერი ალერგია აქვს, იმ დრომდე, ვიდრე არ აღმოაჩენენ ალერგენს.

ერთ წელზე მეტი ასაკის ბავშვებისთვის რძე და რძის პროდუქტები აუცილებელი და მნიშვნელოვანია ჯანმრთელობისთვის, მაგრამ ექიმები უპირატესობას ანიჭებენ რძის პროდუქტებს, რომლებიც ძროხის რძეზე ორჯერ ნაკლებ ლაქტოზას შეიცავენ.
გააკეთეთ კომენტარი
კომენტარი არ გაკეთებულა
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
ახალშობილების სუნთქვას ყოველთვის თან ახლავს გარკვეული ხმები.
ბევრს აწუხებს კითხვა იმის შესახებ, ახდენს თუ არა გავლენას საკეისრო კვეთა ბავშვის ფიზიკურ თუ ფსიქიკურ მდგომარეობაზე, მის შემდგომ განვითარებაზე.
როდესაც ბავშვი ავად ხდება, მშობლებს ზოგჯერ უჭირთ იმის განსაზღვრა,
ახალშობილობის პერიოდში აღინიშნება გამოხატული მიდრეკილება აციდოზისადმი, რაც ჩვილებში ბიოენერგეტიკული პროცესების მაღალი ინტენსივობით,
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად