ბავშვების საყვარელი რბილი სათამაშოების 80%-ში სტაფილოკოკი აღმოჩნდა
ხოლო ზოგიერთ მათგანში მეცნიერებმა ფეკალური მასების კვალიც კი ნახეს. ბავშვების 90%-ს რეგულარულად უვარდება იატაკზე სათამაშო. ხშირად რბილ სათამაშოს არ რეცხავენ ბავშვის ავადმყოფობის შემდეგ. ამიტომ არაფერია იმაში გასაკვირი, რომ სათამაშოების 80%-ში სტაფილოკოკი აღმოჩნდა.
ექიმების რჩევით, ყველაფერს, რასთანაც ბავშვს მჭიდრო კონტაქტი აქვს და შეიძლება პირში ჩაიდოს, დეზინფექცია უნდა ჩაუტარდეს. რბილი სათამაშოები უნდა გაირეცხოს ცალკე, ანტიბაქტერიული ფხვნილის საშუალებით. მნიშვენლოვანია ასევე მათი კარგად გაშრობაც. წინააღმდეგ შემთხვევაში სათამაშო იქნება არა მარტო ბაქტერიების, არამედ სოკოებისა და ვირუსების გავრცელების წყაროც.
ლალი ჩხიკვაძე