საახალწლო საჩუქარი
მობეზრდეს და მისი განვითარებისთვისაც სასარგებლო იყოს.
ახალი წლის ღამეს ბავშვი ზღაპრულ სამყაროში ხვდება. გარშემო ყველაფერი იცვლება, ნაძვის ხის ტოტებზე ციმციმებენ ნათურები, ბრჭყვიალებენ სათამაშოები, სახლში სასიამოვნო ატმოსფერო სუფევს, სამზარეულოდან მადის აღმძვრელი სურნელი გამოდის, სუფრა ივსება ნაირ-ნაირი ხორაგით, ირგვლივ ყველა იღიმება... პატარამ იცის, რომ რაც უნდა ცუდად მოიქცეს, ამ ჯადოსნურ ღამეს ოცნება აუხდება და თოვლის ბაბუა აუცილებლად მოუტანს იმ საჩუქარს, რომელზეც მთელი წელი ოცნებობდა.
მშობლებო, გაიხსენეთ საკუთარი ბავშვობა და რა უსარგებლოც უნდა მოგეჩვენოთ თქვენი პატარას სურვილი, მაინც შეეცადეთ, თოვლის ბაბუას მიაწვდინოთ - ახალი წლის ღამეს ხომ ყველა ნატვრა უნდა ახდეს! სასარგებლო ნივთი კი შეგიძლიათ დამატებით აჩუქოთ. პრაქტიკულობა, მშობლებისთვის ესოდენ მნიშვნელოვანი კრიტერიუმი, ბავშვისთვის არაფერს ნიშნავს, ამიტომ თქვენი საჩუქრით რომ დააინტერესოთ, ის `თოვლის ბაბუას საჩუქარს~ უნდა ამოუდოთ ქვეშ.
სასარგებლო საჩუქრების სკივრი
ზღაპრების წიგნი
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სასარგებლო საჩუქარია ზღაპრების წიგნი, საუკეთესო კი ხალხური ზღაპრებია. ლიტერატურული ზღაპრები მრავალ ისეთ კატეგორიას შეიცავს, რომელთა გაგებაც ბავშვისთვის ნაადრევია, ხალხური კი საუკუნეების განმავლობაში იფილტრება ყოველივე ზედმეტისგან და იტოვებს მხოლოდ იმას, რაც ხელს უწყობს ბავშვის პიროვნებად ჩამოყალიბებას. ის ასწავლის პატარას სიკეთესა და ბოროტების გარჩევას, თანაც იმგვარად არის აგებული, რომ ბავშვს სწორი არჩევანის გაკეთება გაუადვილოს. გარდა ამისა, შეიცნობს რა ზღაპრის სამყაროს, ბავშვი ივითარებს წარმოსახვას, თავს ზღაპრის გმირად წარმოიდგენს, მასთან ერთად იბრძვის სიკეთისთვის და ამარცხებს ბოროტს.
სათამაშოები
რაც შეეხება სათამაშოებს, სულ პატარებისთვის საუკეთესო საჩუქარია რბილი სათამაშო, მაგრამ არა უბრალო ქსოვილისა, არამედ ტყავისა და აი, რატომ: პაწიას ხელისგულები და თითები სავსეა მგრძნობიარე რეცეპტორებით. მან იცის, როგორია დედის კანი, თავისი საწოლი, საბანი, მისი პირადი ნივთები... ამ ასაკში ბავშვის თვალსაწიერი არც ისე დიდია. იგი ეხება მხოლოდ თავის გარშემო არსებულ ნივთებს და ასე შეიცნობს სამყაროს. ყველაზე ძვირფასი კი მისთვის დედის თბილი სხეულია. ტყავი ადამიანის კანს ჰგავს და დედის სხეულის ასოციაციას ბადებს, ამიტომ ტყავის სათამაშოები პატარებს განსაკუთრებით მოსწონთ.
მოზრდილი ბავშვებისთვის მიმზიდველია ფერადი კუბიკები, მოზაიკა, ასაწყობი მანქანები - ყველაფერი ის, რისი მეშვეობითაც შეუძლია ააშენოს საკუთარი, ორგანული სამყარო.
თუ ბავშვი საჩუქარმა ვერ დააინტერესა, თამაშში თქვენ თვითონ უნდა ჩაერთოთ. მოიგონეთ ისეთი თამაში, რომელშიც ამ სათამაშოს გამოიყენებთ. მაგალითად, მოაწყვეთ კონკურსი, ვინ უფრო მეტ ფიგურას შექმნის მოზაიკისგან ან ვინ უფრო სწრაფად ააწყობს ერთსა და იმავე სურათს.
ბავშვი თამაშმა რომ დააინტერესოს, ათიდან ცხრა შემთხვევაში გამარჯვებული თვითონ უნდა იყოს. წინააღმდეგ შემთხვევაში ძალისხმევა ამაო იქნება და იგი საბოლოოდ აიყრის გულს თქვენს საჩუქარზე.
კიდევ ერთი: ნუ ეცდებით, თავს მოახვიოთ სათამაშო, რომელიც არ მოსწონს ან აიძულოთ თამაში. ამით ძლიერ პროტესტს გამოიწვევთ.
მშობლებო, გახსოვდეთ!
ხშირად ეთამაშეთ თქვენს პატარებს. ასე უფრო უკეთ გაიცნობთ მათ და მათ საოცარ სამყაროს, ადვილად გამონახავთ მათთან საერთო ენას და დაეხმარებით. ბავშვისთვის საუკეთესო საჩუქარი თქვენი ყურადღებაა. აბა დააკვირდით, როდის იქცევა იგი ცუდად? მაშინ, როცა თქვენ საქმით ხართ დაკავებული. ის ცდილობს, თქვენი ყურადღება ამ გზით მიიპყროს.
ნუ დაინანებთ დროს, ყოველდღე ერთი საათი მაინც გადადეთ შვილთან სათამაშოდ. ამით მასაც ასიამოვნებთ და თქვენც დაისვენებთ ყოველდღიური, დამღლელი სამსახურებრივი თუ საოჯახო პრობლემებისგან. არ მოაკლოთ შვილებს ყურადღება და სითბო, ხოლო სახალწლოდ ერთად გატარებულ საღამოს მიუძღვნით თუ ლამაზად შეფუთულ ნივთს, ეს თქვენ თვითონ გადაწყვიტეთ.
