როგორ გადავაჩვიოთ ბავშვები ფრჩხილების კვნეტას
16.03.2022
ონიქოფაგია – ეს არის ფრჩხილების კვნეტის (ჭამის) ჩვეულება. ხშირად გამომწვევი მიზეზი ნერვიული დაძაბულობა, სტრესი და შფოთვაა.
ამ ჩვეულების მეშვეობით ბავშვი იხსნის დაძაბულობას, წყნარდება და გრძნობს კმაყოფილებას. უნივერსალური რეკომენდაციები თუ როგორ შეიძლება ბავშვმა დაძლიოს ეს ჩვეულება:
- გახსოვდეთ, რომ ეს ჩვეულება არის ქვეცნობიერი და შენიშვნები, ჩხუბი არ არის ეფექტური. პირიქით, შეიძლება დაემატოს ნერვიული დაძაბულობა, რაც გაამძაფრებს მდგომარეობას.
- ასწავლეთ ბავშვს ნერვიული დაძაბულობების მოხსნის ხერხები (რელაქსაცია, სუნთქვითი ვარჯიშები, მასაჟები...)
- როცა შეამჩნევთ, რომ ბავშვს მიაქვს ხელი პირთან, გადაიტანეთ ყურადღება სხვა საგანზე და დააკავეთ მისი ხელები.
ზემოაღნიშნული რეკომენდაციების პარალელურად, გამოიკვლიეთ ბავშვი ჰელმინთებზე (ჭიებზე); ინფორმაციის სახით კი გეტყვით, რომ არსებობს ლაქი, იგი პარფიუმერულ მაღაზიათა ქსელებში იყიდება, რომლითაც იფარება ფრჩხილები და კვნეტისას იგი უსიამოვნო გემოს ტოვებს. აღნიშნული ლაქის გამოყენება რეკომენდებულია ბავშვებისთვის, იგი უსაფრთხოა, ამიტომ შეგიძლიათ მშვიდად გამოიყენოთ თქვენი პრობლემის მოსაგვარებლად.
